#رغبات_لااكثر 5
أبو سامر :والله من زمان مطالعين نتونس الجو يخبل شتكول أبو قاسم هم نرتاح من الشغل روز محلفتني نبقى 3 ايام منرجع
ابو قاسم : علينا روز لو المدام منطيتك اشارات حمرا حتى تبقى بدون شغل just me
ام قاسم : هاي شنو جايين اهنا هم تحجون على الشغل كافي يمعودين جايين نتونس كوم ويايه خلينه نتمشى وانتي ام سامر ديربالج من عجوزج لايكوم يحجي بسوالف الشغل ويا الولد .
اميرة : حبي كلش تعبانة أريد اروح ارتاح بالغرفة ديربالك على نونة تعرفها من تجي للمزرعة تنسى نفسها
سامر : روحي ارتاحي اخليها يم روز اروح اتمشى واشوف الزرع راح اجيبلج ورود حلوة مثلج يا احلى اميرة بالدنيا .
ديانا : تعال قاسم تعلم من عصافير الحب اشك بيك عندك ذرة رومانسية انت وكرم ( تقصدت اكول كرم حتى يرد عليه اشوف شلونه)
كرم : أحنا منعترف بالرومانسية وهالشغلات اني من اتزوج بس تفتح حلكها اضربها متشوفيني محد ينطيني بنته( تقصدت اكوللها هيجي لاتحلم تتزوجني على منو ست ديانا جان غيرج اشطر
روز: ههههههه عفوا بس اخويه صراحة انت لاتطاق الله يعنها زوجتك المستقبلية راح تطلع عينها انشالله 😋
قاسم :روز اشكد على نياتج من اكلج بعدج صغيرة تنقهرين ولج اخوج بس يتزوج اول يوم راح يصير طلي بيد زوجته علمود هاي ميتزوج يعرف نفسه كائن رقيق
أم قاسم : ها شباب فرحونه وياكم شنو مناسبة هالضحك الحلو
روز: خاله نحجي على كرم من يتزوج شيسوي بزوجته لان عصبي دايما
ام سامر : لا والله كلش حباب يمتى عصب روز خاتون ماكو مثله فرحة بيتنا كرم
قاسم : اي خاله منو يشهد للعروسة غير امها
كرم : والله انتو بكيفكم زوجتوني وطلعتوني طلي وعصبي اني ماتزوج خليته الك خاله زوجيه ترى بعدين يمشي بغير طريق وقد أعذر من أنذر
أم قاسم : لا ماخاف عليه أعرفه ميحب هالسوالف بس يأشر لو بنت الملك راح اخطبها منو عندي اعز من جهالي
ديانا : مامي لعد اني هم خطبيلي ابن ملك ليش بس لأبنج لاتصيرين عنصرية
أم قاسم : لا ديدي انتي راح تتزوجين الملك نفسه انشالله شتكولين ام سامر خلي نفرح من زمان مفرحانين وقاسم وكرم تجاوزو خط الزواج
كرم : كل هالنغزات والحجي جان اليه قاسم كوم قبل لانتورط اذا نبقى ساعة يمهم راح نخلف مو بس نتزوج .
أم غايب : سيد من زمان ماكو لاتسال لا شي عندي الك قمر متشبع من شوفتها just me
سيد: خلي القمر الج حاليا ماعندي سفرات وانتي منين تعرفين القمرات ذوقج صفر هاج الغراض المطلوبة وديها يم ابويه يقره عليها ويسويلج الحجاب
