هوواي بنات مرن بطريقه مختلفه بهالموضوع
ليته كان رجلا اما انا ليتني تعلمت من اخطائي
اسمي هديل عمري ٢٩سنه من بغداد موظفه وطالبه وقصتي حقيقيه ما اعرف شنو اسميها ولا اعرف على منو اعتب على الزمن مدري على اهلي مدري على نفسي
حياتي من وعيت احنه بس بنات والدي موظف والدتي متقاعده مرت طفولتي بين الحروب والعوز والمعاناة امي الله يحفظها جانت تشتغل بالبيت تخيط وتخبز بس حتى توفرلنه اللكمه والدي اهم شي نفسه وامي جانت مثل خليه نحل داير مدايرنه ابويه عصبي وقاسي جدا محسيت بحنيه منه خواتي ملتهيات بالدراسه مرت ايام الابتدائيه مثل كل الايام يوم حلو ويوم مر ومجنت واعيه بالواقع دخلت المتوسطه هنا تغيرت حياتي جنه مستلمين كتب وكعدت على الدرج ارتب بيها واجه بيدي كتاب القواعد وكعت منه ورقه وما اعرف اكو بي ورقه وجان مكتوب بالورقه شعر غرامي وكعدت بالهول ابويه جان كاعد اخذها قراها صار عصبي عليه وكام يغلط ورزلني اني انصدمت ظليت ابجي الصبح كعدت كالي اني بعد ما اثق بيج واني الله واعلم شنو تسوين اني انصدمت بهذا اليوم وعيت وعرفت شنو الدنيا وشنو الظلم وشنو معناة اب ميثق بنته واحنه البنات كلها تحلف براسنه وتربايتنه وشون امي تعبانه عليه كبرتني هذه المشكله الف عام مرت الايام بيوم حلو والف مر اشوف ابويه مايهتم للبيت وامي منكسر ظهرها بس حتى توفر النه الاكل الطيب حتى ابويه لايفتح حلكه قاسي وظالم وامي حنونه وطيبه مرت الايام وصار السقوط وبمرحلة السادس الاعدادي رسبت وتركت الدراسه خواتي الاكبر مني تخرجو وتعينو اختي الاصغر مني نحجت وبقيت بس اني بعدها توسلت ب ابويه يعيني قبل وتعينت بسنه ٢٠٠٩وهنا دخلت عالم غير عن عالمي عالم غابه وذئاب وناس تاكل بناس اعتمدت على نفسي وبديت اكون شخصيتي الطيبه والحبوبه واحب الخير للكل واساعد الكل ومع هذا جنت دائما مظلومه اشتغلت مع والدي بنفس المكان شفت الايام السوده اذا اتاخر بالطلعه يرزلني واذا احجي يرزلني واذا دخل للغرفه شافني اضحك يرزلني شفت الويل وصابره لبسي مبهذل ميحب البس على ذوقي بهذه الفترة دخل النت ودردشه والفيس...2
تعرفت على شاب من الرمادي جانت بينه صداقه اني بطبعي تلعب نفسي من شي اسمه ولد هلكد ما اكره والدي اخاف منه واخاف انكشف واخاف يطلع كذاب مرت ايام ونسولف عادي اعترفلي احبج ومن هل الامور واني ما اصدك بيه مرت ايام وشهور وبين عركات اهلي وظلم ابويه ومشاكل الدوام وتعب قررت امتحن خارجي قدمت وهم رسبت تركت الدراسه صار نقل للموظفين ونقلت لغير مكان هنا بدت مرحله جديده بحياتي بعيده عن ابويه نقلت وكونت علاقات ولاني بطبعي احب المرح والشقه وطيبه ويه الكل ما افضل احد على احد الي يتعارك ويايه وهو غلطان ثاني يوم اروح احجي وياه وعادي وبنفسهم ينصدمون مني يكولولي المفروض انتي تزعلين اكولهم متسوه الدنيا منو ابو باجر واعدي واضم بقلبي واكول الله كريم وظل ابن الرمادي مستمرة بعلاقتي وياه لكن صداقه لا اكثر الى ان تعودت عليه احجيله كلشي ونسهر ونصبح سوا لكن تعلق مو حب وخطب بنت عمه بحجه او الكذبه المشهوره اهلي جبروني عليها بس اني ابقى احبج وانتي متصيرين لغيري واني اكوله يجي يوم وهذا وكلامك كذب يحلف وهم ما اصدك واكوله الله كريم
حياتي تحسنت بدوامي الجديد اطلع وافتر وبنات حبابات كلةفترة نطلع نروح للسوك وملابس جديده ستايل ومكياج ومن هل الامور اتشجعت ادرس وقدمت والحمدلله نجحت وطبعا مشاكل وشكوك وابويه وظلمه ما خلص الا ان اجه شهر الثامن ٢٠١٦ابن الرمادي كالي راح اتزوج اني انقهرت حسيت نفسي راح اكون وحيده حسيت نفسي متعلقه بيه صرت اسوي اي حجه بس احجي وياه بيوم كالي والله واني مو رجال اذا ما اتزوجج بس اصبريلي شهر اكمل هوسه العرس فرحت وصدكت كتله ميخالف ارضه امي وخواتي كلهم يعرفون بيه ودائما يكولولي اتركي واكولهم ماوصدك بيه اعرف كذاب وقبل عرسه بيومين كتلها لامي خابري واحجي ويا وشوفي صدك لو يكذب خابرته حجت وياه نكر وكال اني هيجي حجيت لان شفتها متعلقه بيه واني ما اريدها وهي تعرف شنو وضعي سمعت كلامه انهاريت ابجي ودعيت عليه مرت عليه ايام شفت الموت بيها انقهر على نفسي وليش كذب عليه وشون صدگته بس ذنبي حبيته اغراني بكلامه المعسول والحلو وتوقعت من صدگ يحبني تعبت وبس ابجي ليش هيج صار اليه اني شنو سويت ما اعرف شنو النوم اتوسل برب العالمين بس انساه بس يصبر قلبي ومرت٦اشهر واني ميته شفت الويل مكدرت انساه اله گوه
بعدها تشجعت وحاولت انسى واخفف عن نفسي واسوي شي يفيدني لذلك قدمت على كليه وكلت خلي اطلع من الجو الي اني بيه انقلبت وداومت
كل هالفتره اني اراقبه على النت اشوفه عايش حياته وبنات وكروبات واني حاظرني من كلشي اتوسل بس يرد عليه ماكوووو شسوي القلبي الي ماعرف يختار ولاگدرت انساه
مرت ايام واني اداوم بالكليه الي تقريبا ٢٠يوم
بيوم مولد النبي دزيت رسائل تهاني للموظفين ويايه بالدوام وجنت ناقله رقم واحد ويانه بالغلط دزيت مسج تهنئه ومر يومين دك تلفوني رقم
جاوبت الو
رد الو
گتله منو
كلي انتي منو
كتله انت متصل مو اني
انت قبل يومين دزيتي الي رسالة تهنئه
اهاا اعتذر منك بالغلط والله دزيتها وبعدها انتبهت وغلست
اهاا عادي انت منو
اني هديل وانت
اني. اسمي احسان سايق تكسي
هديل ...اني بقيت اسولف ويا وجدا طبيعيه
مااعرف ليش عبالك اعرفه من سنين
وطلع هو هم من نفس المنطقه وظلينه نحجي ل٢بالليل دعيت الله كتله يارب توني دا انسه لاتعذبني بعد بتعلقي مرة ثانيه مرت ايام نتخابر ونسولف ونضحك
بيوم واني بالكليه خابرني كال اريد اشوفج كتله تعال دليته المكان نص ساعه واجه صعدت
شونك احسان شونج هديل
كال قبل كلشي اريد اكولج شي ضميته عليج
هديل ..استغربت شنو الشي الي ضامه عليه يربي مااريد انصدم
كتله شنو طلع هويه قريت الاسم لؤي موظف بالداخليه شرطي
كتله ليش ماحجيت الحقيقه
لؤي ...هيج محبيت من البدايه اعرفج عليه
هديل ...الي اعرفه البنات يضمون وميعترفون بهويتهم شنو مو الشباب لان انتوا متخافون من شي
لؤي ..اممم هي صارت بعد غلسي اوك
هديل .. شفته حلو اسمر متوسط الطول جسمه حلو
لؤي ..خليني اوصلج للبيت
هديل ...لا الخط ينتظرني
لؤي....اوك لعد اجي اشوف ابو الخط
هديل ..ماشي
تعال
افترينه فره بسيطه ورجع وصلني لمكان يم الكليه صعدت بالخط واراقبه الطريق كله يمشي ورانه فرحت حسيت احساس حلو حسيت الله صدك عوضني صح بعدني ما اعرف شي عنه بس امنت بيه وثقت ويمكن حبيته بهذا اللقاء والله رجعت للبيت سجدت لله ودعيت كتله يارب اذا بي خير قربه واذا شر بعده اني توني طالعه من حركة قلب وتجربه فاشله ما اريد اتاذه بعد وهنا بدت حياة جديده صدك عرفت شنو وحده عايشه وتتنفس ليش عايشه وشنو حياة وشنو انسان يدخل حياتي ويغيرها جنت ميته قبله احساس ما اعرفه احسه الله عوضني عن كلشي بي او يمكن هي جانت البدايه ..لهلاحساس بس ..
