Alam mo pa yung feeling na parang kayo pero hindi?
Feeling, pwede mo itong ihalintulad sa pagkaassuming
Na araw-araw nalang nagiilusyon na tayo pero hindi
Ngunit nararamdaman ko ang feeling na to ay sigurado
Itong nararamdaman ko na to ay totoo
Lahat nalang ng daing at hinanaing ginawa ko para ikaw ay manatili sa aking piling
Dahil nararamdaman ko nawawala na ang pagmamahal mo saakin
.
.
.
.
Alam mo ba yung feeling na parang kayo pero hindi?
Yung feeling na kahit wala ng buble gum nginunguya mo pa rin
Mahalin mo naman ako tulad ng unan mo sa gabi
Niyayakap sa ginaw, sinasandalan mo kahit na mainit
Binubulungan ng pinakatatago mong panaginip
Una kang nasilayan
Puso ko ay naliwanagan
At sinasabi ko sayo handa akong isigaw
Na ang mahal ko ay ikaw
.
.
.
.
Naaalala ko pa nang unang beses kong sinabi na mahal kita
Pero mas naalala ko ang unang beses mo ring sinabi na mahal din kita
Pero mas naaalala ko na alam mong lagi akong nandito
Kaya unti-unti nang kumakalas, dumudulas at pumupigtas ang paghawak mo
Sa bawat pagtulog at paggising para bang naalimpungatan
Sa mga ilusyon ng ating relasyon
Hindi maramdaman kung may roon
.
.
.
.
Ano nga ba talaga ang sagot, may tayo pa nga ba?
O puro label nalang tayo dahil wala nang nilalaman
Pilit na sinasampal ang sarili, upang magising sa katotohanan
Kaya tama na dahil hindi sa lahat nang oras
Ang kamay ng relo ay sasakto sa tamang panahon
Tama na dahil masyado nang malalim ang marka
Minsan mas masakit pa ang manatili kaysa lumisan
Tama na pero di ko makakaila na sa bawat ngitimo
Ito ang nagsisilbing butuin sa mga gabi ko
.
.
.
.
Hayaan mo kong iaalay ang oras ko
Hayyan mo kong iaalay ang mga luha ko
Hayaan mo kong gawan kita ng tula
Ngunit sinisigurado ko na ito na ang huling beses na ako ay luluha ng dahil sayo
Pagbigyan mo ko sa huli kong hiling na ikaw ay mayakap nang mahigpit
At ako'y pipikit
Sasabihing mahal kita pero tama na.
