#رغبات_لاأكثر 8
كرم : رجعت لتركيا ومكدرت أشوف حنين بديت أشتريلها من ارجع من الشركة ملابس جديدة على ذوقي وأسأل ام غايب عليها جنت مشتري موبايل وانطيته لقاسم يوصلها الها حتى احجي وياها واسمع صوتها أنتظر وصولها بفارغ الصبر.
قاسم : جنت بالشركة ايام متوصلني مسجات من المعجبة صرت مدمن عليها اني دزيتلها انشالله خير مختفية لحظات مرت عليه عبالك سنة انتظر تجاوبني
روز: قررت بعد أعوف قاسم الحقير والتفت لدروسي كلما اتذكر اسم حنين اريد اروح اتفل بوجهه يمكن كرهت اسمها اكثر من صاحبتها شفته يسال عليه بداخلي وعندك عين ياحقير متشبع من هاي وهاي جاوبته روح ولي ياخاين
قاسم : لالا هاي مو مرجية منج ليش اعرفج حتى اخونج شنو رايج نتعارف واشوفج 😆
روز: ميشرفني اعرفك يا عيني انت مو من مستوايه 😜وقفلت الموبايل وكسرت السيم كارت حسيت نفسي انطيته 👊على وجهه بعدين تذكرت ليش كسرت السيم كارت بديت ابجي ومقهورة .
سامر : شبيج أمورتي من رجعتي البارحة من يم اهلج وانتي مو تمام صاير شي لاسامح الله بيج شي انتي عمري ماحب اشوفج هيجي مبوزة وضايجة just me
أميرة : لا مابيه شي مستغربة منك وزعلانه مو كلتلي راح احجي ويا كرم علمود يخطب ديانا اشو رجع ومصار شي خليتني ولاشي يم اهلي خجلت من امي من سألتني معرفت شجاوبها
سامر : عمري مصار مجال متشوفين من يرجع شلون الشغل يزيد بالشركة ملحكت اكوله اوعدج هالمرة انشالله من يجي نروح نخطب رأسا واني اكدر ازعل حبيبة عمري مني منو عندي اعز منج 😘
أميرة : أموت عليك وعلى حبك لاتضوج من ازعل بس تعرفين ماريد يكولون عليه مو كد كلامها وانت مترضاها لحبيبة كلبك وتعرف اني اعز كرم مثل قاسم ماريد يتورط ويا وحدة غريبة وتجي بيناتنا تخرب علينا هالحب والمودة اللي عايشين بيه كوم خلي نروح نتعشى أهلك منتظرينه هسة
قاسم : بقيت دايخ طول اليوم خابرت الرقم كله مغلق اخ لو بس اعرف منو انتي ومنين تعرفني وكرم افندي طلباته متخلص خطية هالايام من اطلع ويا حنين وابوها نكمل اوراقها انقهر عليها كل هالجمال ومصيرج الله يعلم بيها .خابرت كرم لحد هسة مصار شي خطية متستاهل لاتصير حقير عجبتك تريدها اتزوجها رسمي وفضها والله حرام هالشي الله ميقبلها تقبلها لأختك ولأهلك😟
كرم : ذليتني يااخي كلما اطلب منك تسويلي شي تبدي الاسطوانة مالتك حرام وخطية قابل اني أغتصبها مو دا أشيلها من الفقر واعيشها مثل الملكة بعد شتريد لازم تبوس ايدي وراسي اطلعها من المزبلة اللي عايشتها وبعدين هي راضية واهلها راضيين انت ليش قاهر نفسك قاسم انت تعرف اني احبك مثل سامر ويمكن اكثر بس مرة ثانية لو تجيب اسم اختي وتدافع على حنين أتصور كلشي راح ينتهي بيناتنا خلي لكل شي حدود .💣
