اهلا اصدقائي اني
#هدى_ابراهيم
وياكم من جديد
بقصه جديده
اتمنالكم
متابعه ممتعه مع قصتي الثانيه
الي عنوانها :
#سراج_وميس
#البارت_1_
للكاتبه
#هدى_ابراهيم
؛:؛:؛:؛:؛:؛::::؛:؛:؛:؛:؛؛:
؛:؛:؛:؛:؛:؛:؛:؛:؛:؛:؛:؛:؛:
في المشهد الاول :
راجعه من دوامي اتمشى ..
وافكر طول الطريق 🤔🤔
ياترى بيبي شرايده مني
من البارحه بالليل تدك عليه ..
وتكلي لازم تمريلي من ترجعين من دوامج ..!!
فجأه وكفت ..
هلو (ساري) شلونك ..
هلو (ميس )
هاي وينج يامعوده
بيبيتج خبصتنا
كل شويه تسأل عليج ..!
ابو صماخ دسلم الاول
شبيك ماشايف سوالف ..😛
مو مشتاق لجهرتج
ياعوبه ..😳
غير احلى منك ولك
لچ بابا انتي عجزتي
مو زين اني داكلبج ..!!
ياحقير شوكت عجزت اني ..
بعدني بالاعداديه ولك ..
واني اكبر منچ بسنه
مو زين قابل بيچ 😜
لاعيني شكرآ
تعرف موقفي من هذا الموضوع ..
احنا اخوه وبس ..!!
من شوكت چانو ولد العم اخوه ..
ولج ميس ..
من چانو اطفال .. وطول عمرهم ولك ساري لاتضوجني ..😞
شضوجچ ولچ
انتي زوج وكلشي تصدكين ..
اني عندي حبيبه الله يخليها اليه
ولايعوزني عليچ ..!!
دمشي لك رح تحچيلي قصه حياتك كلها ..
زين اكولچ عدنا (عنصر نبيل) هذا اذا قنعتيه يحبچ
صدك راح احترمچ ..😎
ماتفكيلنا الشفره مالته
رحمه لوالديچ ..!!
شكد تلغي .. نعل بليسك ..
والله ولابيچ خير
مبين عليچ ..!!
زين اكولچ دكيلي عليها بس (5) دقايق
احچي وياها
والله ماتأخر ..😮
منيه ساري هاي شبيك ..🤔
الكبد مالتي غير
شبيچ مابيچ خير
شمستفاد منچ اني ..
لك احترمني
قدر مشاعري ..🤔
اني بنت عمك
مايصير هيچي تحچي ويايه ..!!
ها ولچ اشو كمتي تتوسلين ..😛
ماكو بعد راحت عليچ
انتهى العرض الخاص ..
لا مو الاسف والله
راح مني عريس لكطه ..!!
فوكاها ابن عمي
اليوم اشكيك لبيبي
هي تاخذ حقي منك ..!!
المن تشتكين ..!!!
شسوالچ ساري ..😳
هلو مرت عمي .. شلونچ ..
هلا حبيبتي ..
هاي بعدكم تتناكرون
تالي وياكم .. انتو ماتعقلون ابد ..😞
شسوي خاله اخواني مسافرين ..
الله عوضني بساري
احلى ( اخ ) بالدنيا ..☺️
مرت عمي كالت : ( اخ ) شنو ( وتعوج بحلكها )..!!
شلون بالله يعني ولدي يظلون عزابيه
طول عمرهم ..😧
دنگنا اني وساري وضحكنا بصوت مكتوم ..
وخلينا ايدنا ع حلكنا ..
ضربني ع راسي ..
ضربته ع كتفه ..
ولك لاتدفع ..🙃
شنو ( ولك ) دهاچ لعد ..😇
لك لااااء شعري
كلشي ولاشعري ابو صماخ ..
ديلله هسه هو شلون شعر عاد ..
عليچ الله بيه ( حشرات ) 😳
ولك سخيف ليش ماتكون لحيتك ( الوسخه ) بيها حشرات ..
احممممم .. احممممم
هلو ( سراج ) شلونك
هلا بيچ ..!!
ودخل بسرعه للحمام ..!!
لو تموتين ماتكدرين تخليه يحبچ ..
لو تموتين ..😞😧
وخر لك لاتشاورني
شو نسيت نفسك انت كلش ..😯
بس لا مصدكه روحچ انتي بنيه ..!!
اني ولد احلى منچ ترى ..!!
لك انت من كل عقلك تغار مني .. ( شگد عيب ) ..🙊
دخلنا للهول
بيباتو الغاليه ..
هلا بنيتي .. هلا بيچ ..
ابوسچ بيبي 💋💋
اوگفي ولچ قبل ماتبوسيني ع شنو تكولين لابن عمچ
( شكد عيب ) ..!!
لك انت الصغير اني ما ارتاحلك ابد .. خوما تحرشت بيها ..😳😳
صيحولي ولدي بسرعه
خل يطمون ( عاركم )
قبل لا ننفضح ..😳
بيبي دخيل ربچ
نصي صوتچ .. ( ياعار ) ..!!!
هاي مجرد سوالف بيناتنا ..!
بيبي تعقچ وجهها ..
وتضرب سبحتها بحضنها ..
ياسوالف هاي .. 🤔
اني سمعتچ تكوليله
( شگد عيب ) ..!!
بيبي لعد من احچي وياچ ساعه اصيح تكوليلي ما اسمع ..!!
بيبيتي خل افلت اني
لاتروحين تورطيني بيها .. وتحكمين عليه بالاعدام ..
قصدي بالزواج من (ميس) ..!!
كمزنا عليه اني وبيبي
خمطناه من وجهه
نضرب بيه ..🤜🤜
عثر من عدنا وراح يركض ..😜😜
شلونچ بيبي .. اخبارچ .. امورچ ..!!
اكلچ بيبي انتي ( ميس ) مو ..!!
اي بيبي شنو نسيتيني ..
من البارحه دازه عليه انتي ..!!
شو كومي خل اباوع عليچ ..🤔🤔
يمه صلوات عالنبي ..!!
لعد شبي هذا ( الاغم )
ابن عمچ يعيب عليچ ..😧
بيبي هاي احنا نحب نتشاقه دائمآ .. وشقانا ثگيل .. ثنيناتنا ..😜
هاااا يعني تحسين نفسچ ترتاحيله ..🤔🤔
احچي بنيتي سولفيلي ..
لاتضمين عليه ..!!
بيبي مو الي ابالج ترى ..!
والله احنا مثل الاخوه ..!!
يا اخوه ولچ ..
تظلين ( غمه ) انتي ..!!
عوفيه لهذا بعده صغير ..!!
ها بيبي شو تنصين صوتچ ..
اشششش ولچ
عندي سالفه وياچ ..🤔
كولي بيبي حبيبتي
هو صح احنا جيران بيت عمي ..
بس والله راح اتأخر ع دراستي ..!!
لچ يادراسه .. عوفي الكتب .. عوفيها ..
تلاحكي لروحچ لاتعنسين بنيتي ..😳😳
شبيچ مخالفه مو مثل البنات ..!!
دشوفيهن كل وحده هلگداتها ..
وبس يگلها الولد .. ( احبچ ) بعده مامكمل ..
تجاوبه : احبك .. واموتن .. والوعن .. واذوبن ..😳😳
هاي شنو بيبي
هي هاي نماذج ينضرب بيها المثل ..!!
ذولي ( 5 ) بربع ..
اني بنيه مؤدبه
اهلي تعبانين عليه ..
ليش تقارنيني بيهن ..!!
والمؤدبه ماتتزوج .. شلون بالله ..!!
تبقين موغفه ع قلب اهلچ ..!!
بيبي ترى اني بعدني طالبه ..!!
ويني .. وين الزواج ..😧
سمعيني بيبي وبلا حچي زايد ..!
گولي بيبي .. والله اسمعچ اني ..!
ابن عمج ( سراج ) ..
اي بيبي ..!!
هذا مدوخنا كلنا ..
كبار .. وصغار ..!!
نريده يفك حلكه ..
يجيب طاري زواج .. خطوبه ..!!
ماكو .. تكول عبالك ( مجيم ) ..🙈🙈
ها بيبي .. مو هيچي الحچي ..!!
شبيچ خجلتي اني بيبتچ ..!!
مو اكلچ انتي ( غمه ) ..!!
بيبي انطيني المفيد ..
تريدون تزوجون ابنكم .. وبعدين ..!!
لچ شنو ( ابنكم ) ..!!
هذا ابن عمج .. من لحمچ ودمچ ..!!
لچ صدك انتي ( غمه )
ومابيچ خير ..!!
بيبي تريدون تزوجون ابن عمي سراج .. وبعدين ..!!
انطيني المفيد يابيبي ..!
لچ بيبي داگلچ هو مامفكر بالموضوع ..!
راح تصعدين ضغطي انتي ..😳
شبيچ .. حركي دماغچ .. شغليه ..!
يعني شسوي اني بيبي .. فهميني عاد ..!!
يا .. بيبي .. شبيچ
اجيب جدي ( حويط ) يفهمچ ..!!
بيبي اول مره اعرف
جدچ چان اسمه ( حويط ) ..!!
لچ ( حويط ) يعني حايط .. اليوم ادخل انعاش من وراچ بنت ( مجيد ) تدرين لو لاااء ..!!
اسم الله بيبي .. انشالله الي يكرهچ ..!!
نصت صوتها بيبي تسألني : من دخلتي شفتي ( سراج )
ابن عمچ الكبير ..!!
بيبي شفته وسلمت عليه ..!!
بس ليش منصيه صوتچ .. ماحد يمنا بالهول ..!!
اششش بس كوليلي هسه هو وين ..!!
دخل بغرفته ..!!!
( خوفتني افكار بيبي الرومانسيه ويمكن المنحرفه اذا مادابالغ )
بيبي هو دخل للحمام اعتقد يسبح ..!!
هلا .. هلا بيبي گامت تصفگ ..👏👏
بعدين صاحت بيه اششش لاتفضحينا ولچ ..😳
تعالي تدني عليه ..!!
مااريد احد يسمع
خاف مرت عمچ تصنت علينا ..!!
يلله بيبي گولي عاد فضيني ..!!
بنيتي اريدچ ( عود بالغلط ) تدخلين عليه ( للحمام ) ..😳😳
يا عزه بيبي .. شتگولين انتي ..!!
لچ اششش بنت ( مجيد ) فضحتيني ..!!
بيبي شنو هالحچي هذا والله مايصير ..
اني بنيه .. مايصير تحچين ويايه هيچي ..!!
لچ ادري بيچ ( غمه ) بنيه .. !
بس اني شاكه بشغله واريد اتطمن عليها ..!
بيبي بيش شاكه انتي ..!
والله بطني گامت توجعني من سوالفچ ..!!
مداتحمل اسمع اكثر ..!!
بيبي سمعيني ..
دخلي للحمام بس باوعي على ( شسمه ) .. !!
وضعه سليم .. موجود بمكانه ..😳😳
لو خاف متعور .. بيه شي ..🙈🙈
عزه وسخمان انشالله
بيبي هاي صدك تحچين انتي ..!!
لعد قابل اتقشمر وياچ ..!!
ماكتلچ ( كمشيه ) ..!
بس باوعي عليه .. چيكيه .. وتعالي بشريني ..🙊😳
بيبي اني رايحه لاهلي احس حرارتي ارتفعت .. وصار عندي غثيان من افكارچ ..!!
حرام عليچ بيبي .. مو هيچي يحچون ويه البنات ..!!
بيبي انتي ( غمه ) هي كوه يعني ..!!
بيبي شمعنه اني ..!!
لبست جنطتي وداريد اطلع ..
ليش بيبي اني بالذات اختاريتيني لهذا الموضوع الي مادري شلون اجى براسچ ..🤔
تجاوبني بيبي الوكيحه : غير انتي ميته عليه .. وهو مامعبرچ ..!!
بس اني حاسه بيچ ..!!
لا بيبي صدك احچي شمعنه اني .. شجابني ابالچ ..!
خو اختي الوسطانيه اكبر مني هي بالكليه ..!!
ليش ماتورطيها ( بسراج المعقد ) .. ليش اني ..!!
يا عزه العزاها لامچ اذا صدك ..!!
عندچ اخت اكبر منچ مامتزوجه لحد هسه ..!!
بيبي انتي تعرفين نظام بابا ..
الا البنيه تتخرج يلله يزوجها ..!!
( فرح ) الكبيره تخرجت يلله توها انخطبت لابن خالي مهدي ..
ومريم الوسطانيه بعدها كليه ..
يخطبوها هوايه ..
بس ماكو شي مقنع
( من وجهه نظر بابا )
واني الصغيره يابيبي ..
بعدني يادوب بالاعداديه ..!
وينا وين الزواج ..!
يايمه .. يايمه سوده عليه ..!!
بنياتنا راح يعنسن
وولدنا مدري شبيهم ..!!
بيبي كلشي مابيهم
عوفي هالافكار الي براسچ ..!!
(سراج) مابقاله شي بس هالسنه ويتخرج
وراها يكوم يدور زواج يابيبي ..!!
لا بيبي .. لااااااء
اني مامرتاحه ابد ..!!
هذا الولد سكوتي ..
مايحچي شي لاحد ..!
اني اخاف لامتعارك فد يوم ..!!
وضاربيه ضربه مأثره عليه .. بحيث كاره الزواج ومايفكر بيه ..😳
بيبي عليج الله بعد لاتحچين كدامي هالسوالف التعبانه ..!!
ترى اني من اكعد يمچ احس مستقبلي كله بخطر ..!!
اخاف لاتاليتها يشيلوني ( شرطه الادآب ) بقضيه كبيره ماتنلم بعد ..😆
وكله من وره سوالفچ هاي ..!!
ولچ مو عيب هالحچي ..😳
شو نزعتي ثوب الحيا كلش ..!!
اني بيبي .. فوكاها يعني ..!!
هسه تريدين مني شي قبل مااروح ..!!
شريد منچ .. عشتو ..!!
شلونچ انتي .. شگد سباعيه وعليچ الاعتماد ..!
فوگاها تضحكين ( ياالغمه ) .. 😆
بيبي كافي يلله رايحه اني ..!!
شو اوگفي .. تعاي بلله ..!
تعاي هنا ..!!
ها بيبي عليچ الله لاتكوليلي ( صرصر ) ع شعري ..😳😳
لچ ياصرصر
كومي اوگفي داتفرج ع طولچ ..!!
يايمه .. صلوات عالنبي ..!!
باع الطول .. والرشاقه .. والشعر .. والبياض ..!!
يا يمه سوده عليه ..!!
ليش بيبي سودتيها
كافي تنوحين ..!!
لعد هذا الحسن كله يروح لل ( الخوال ال ... كذا ) 😆😆
وولدنا يجيبولنا ( العوبات ) الغريبات تاليتها ..!!
خلفتيش هاي خلفتكم ..!!
شبيكم مخالفين مو مثل البشر ..!
انطيني بوسه بيبي
مع السلامه حبيبه ديري بالچ ع روحچ ..!!
يلله مرت عمي اني رايحه ..!
حبيبتي سلمي ع ماما هوايه ..!!
باي خاله
باااااي ..!!
خطوتين ....
وصلت لبيتنا ..
هلا امي .. شلونچ
حبيبتي ميوسه تأخرتي هاليوم يم بيبي خوما اكو شي ..🤔
ماما بيبي ضايجه
وتشعر بالملل
هذا مختصر الموضوع ..!!
ومابيه حيل احچي اكثر ..!!
غير هي عاجبها الكعده ابيت عمج ( معيد ) ..
من تجي يمنا تشد ويايه ( علمودكم ) ماعدها غيره سيره الزواج ..
عبالك الدنيا طارت ..!!
هسه ماما راح تغديني لو اليوم ضايع بس بهالسوالف ..!
والله آذني گامت تطن من كلمه ( زواج ) ..!
شگد سمعتها اليوم
حتى لعبت نفسي منها ..🙃
اي مو عرفت سوالف بيبتچ .. اعرفها كلش زين اني ..!!
روحي غيري ملابسچ ..
وانسي كلشي سمعتيه ..!!
انتي بعدچ صغيره يازواج هذا التفكرين بيه ..!!
دخلت غرفتي .. غيرت ملابسي .. وغسلت ..
واجيت للمطبخ ..
هلو خواتي الحلوات ..
يتبع .....................
