#رغبات_لاأكثر 9
أم سامر : سامر شعنده أخوك كلما اخابره هاليومين يسده مشغول الشغل مراح تخلص كله من ابوك حارمني منكم بديت اكرهه الشغل من وراكم
سامر : شبيج ست الحبايب زعلانة من عدنا والشغل مو علمودكم just me
اميرة: والله حقج عمتي أني سامر هالفترة كلها اشوفه بالليل بس يرجع وينام من التعب
روز: ماما شوفي ابنج مسوي بث مباشر واي شكد حلو جوكم الله يعني شلون اتحمل وماسافر
كرم : ها ست الحلوات يكولون زعلانة مني شلونكم ياحلوين اكيد مجتمعين تحشون بيا اعرفكم
اميرة : هلو كرم صدك عندك ذوق المكان مبين حلو والشقة اثاثها روعة
ام سامر : روح زعلانة منك لاتخابرني ولاتسال كله مشغول همزين ممتزوج جنت أصلا متجاوبني
كرم : هههه هلكد شايلة مني علمود عيونج الحلوة مراح اتزوج ماريد احد يشاركني بيج ارتاحيتي هسه .واني أعد دقايق حتى توصل حنين كلت احجي وياهم لا بالليل يزعجونه
اميرة : لا يامعود اتزوج كافي كبرت خلي نونة تلحك تلعب ويا جهالك قبل ماتكبر ومتاكدة عمتي تتمنى هاليوم قبلنا كلنا
روز : الله يخليك كرم شوفني غرفة النوم اشوف شلونهاchrakirkukiواتباد
ام سامر : لالا المطبخ اول شي بعدين غرفة النوم
كرم : بكلبي بس هذا باقي اشوفكم غرفة النوم وانفضح والمطبخ متروس اكل شوفتهم الغرفة الجانبية ودعتهم ورحت على المطار استقبل حنونه
ديانا : ها عيوني شلونك اخبارك من زمان ماكو ههه متشبع من السفرات اي احجيلي اخبار الشلة
أم قاسم : شنو رايك حبيبي قبل مايرجع كرم تحجي ويا اخوك حتى نعلن خطوبة قاسم وروز وديانا وكرم كافي الجهال كبرو واني بصراحة اخاف على قاسم لايتزوج غريبة وهاي روز ست البنات تضيع من ايده وحلالكم اللي تعبتو بيها يروح للغربة
ابو قاسم : والله زين نبهتيني اي صدك ليش ياخذون غربة وناس منعرفهم ويضيع تعبنا اني واخويه واحنا ماعدنه احد باجر انشالله افتح الموضوع واشوف رأيه وقاسم مستحيل يلكه وحدة مثل روز
ام قاسم : لاتنسى ابن اخوك هم مستحيل يلكي وحدة بجمال وتربية بنتنا المهم لاتنسى واني هم ابدي المح لأم سامر
حنين : نزلت من الطيارة كلشي ماعرف باوعت على الناس شيسوون أسوي مثلهم وأكمل الاجراءات احس بغصة صارلي ساعات عايفة اهلي واشتاقيتلهم وبالي يم كرم شلون اعرفه اخاف اروح على غير رجال اضحك ويا نفسي وصلت للقاعة جنت اباوع على الوجوه واسأل نفسي ياهو بيهم لحد ما جرني واحد لحضنه واني متت من الخوف سمعت صوته عرفت هو كرم باوعت عليه 💓
