#رغبات_لااكثر 10
أم قاسم : اي أم سامر مثل ماحجيتلج اذا ننتظر الجهال عمرهم ميسوون شي خلي أحنا نخليهم على أمر الواقع
أميرة: اي عمه صدك حجي ماما مو لازم ننتظر كرم وقاسم يتحركون تعرفين بيهم يكولون منريد نتزوج ونرتبط طبعا كله جذب من يبدي الشغلة جديات راح يتغيرون ويكولون ليش ماسويناها من زمان
أم سامر : والله اني راح افرح اكثر منهم بس تدرون الزواج لازم تكون بموافقة الطرفين وتعرفين انتي اميرة طبع كرم ميحب ينجبر راح يعاند بس من يرجع راح ابدي المح الفكرة واشوف رأيه
أم قاسم : لا عيني هاي محلوة بحقي وحق بنتي شنو ينجبر ليش هو راح يلكه أحسن من بنت عمه
روز: جنت اسمعهم شلون يشترون ويبيعون بينا والهدف كله علمود ست ديانا تتزوج كرم وهو اصلا ميطيقها متحملت اسكت عمه أني عندي دراسة وهالسنة أخر سنة بالسادس مصيري راح يتحدد مافكر بالزواج ومنا لحد مااكمل كلية مراح ارتبط مهما يكون
ديانا : اي مو على الأساس حضرتج راح تطلعين طبية مو
روز: لا راح ادخل تربية رياضة مثلج ماتعب نفسي وادخل طبية
ام قاسم : شبيج عيني روز ديانا مكالت شي غلط ليش هيجي تهاجميها شنو السالفة ام سامر الظاهر بنتي مو عاجبه روز الله يعلم بعد شكو
أم سامر : كومي روز أعتذري من بنت عمج وامها عيب بنتي just me
أميرة : خليها على راحتها عمة من يجي سامر خلي يحجي وياها الظاهر صايرة دلوعة بزيادة
روز: سامر أخويه على عيني وراسي والظاهر حضرتج تحرضين اخويه عليه اعتذر أم قاسم منج لان اكبر مني وأحب اكلج ماريد اتزوج ابنج هو مثل أخويه عن اذنكم رحت ركض لغرفتي شنو عبالهم اني باقية منتظرة قاسم الحقير يتزوجني اخ ياكلبي ليش هيجي ليش
حنين : حبيبي مو ناوي تكوم راح تتأخر وخر لاتلمسني ماكو بعد حضرتلك الريوك كوم اشكد تعاند وبعدين تكول أخرتيني
كرم : ماروح للشركة اليوم راح اسافر تعالي اريد حنان منج عوضيني
حنين : 24 ساعة عندك نقص بالحنان وين تسافر واني
كرم : كمت اغسل بدلت جانت محضرة فطور جاوبتها راح اسافر عندي شغل راح ابقى اسبوع حضري نفسج نروح نشتري غراض تكفيج لحد ماارجع
حنين : الله يخليك لاتعوفني وحدي اخاف شلون ابقى الله يعلم شوكت راح ترجع
كرم : بعصبية جاوبتها حنين شبيج مو كلتلج من البداية راح يكون عندي سفريات وانتي راح تبقين اهنا لحد ماارجع بدينا نشتكي سمعي اللي اكولج عليه
حنين : لاتعصب ماكدر صدكني زين خليني اجي وياك ابقى يم اهلي لحد ماتخلص شغلك مراح ازعجك وماريد شي
