تظاهر بأنك بخير دائماً مهما عصفت بك الحياة.. فالكتمان أجمل بكثير من شفقة الآخرين عليك
شكسبير
رجعنا بالطريق للبيت وكلبت صفحة الحزن وكاني ماانكسر كلبي ولا سلمت اغلى مااملك لبنية ثانية. احجي وبداخلي افكر كل عمري ١٨سنة ... اه ...والله ..بنات بعمري اكبر همهم شرح يلبسون اويشترون وين نطلع ...مضغوطين ...حسيت جكد كبرت اني...حتة ملامحي تغيرت ...ظلت رنا مقهورة وضايجة ومحجت ولا حجاية...وكانو ناوية نوية شر علية وعلى خواتي ومحملتنا ..وكعة ابنهة فوتناهة لغرفتها ...طلعت سوكت وجبتلهة معلاك حمستة الهة ..كلت خطية نزفت...وعمود تعوض ...وكفت عالطباخ واتخيل رضوان جكد فرحان بنتة ...وحاير شيجيب لمرتة ...هاج اكلي حبيبتي ..اكلي معلاك عمود تصحين وترضعين بنتي ...
رضوان ...كافي تهيئاتك هاية احتفظ بيها روحك ..اني حاسة مرح تجيني بنية من وراك خطية...بلة ..ليش خطية شبية اني غير حبج يانرجس سوا بية هيج والله بس صيرين حامل اشيلج شيل مااخليج تمشين عالكاع الله شوكت نتزوج ...
نرجس...
نرجس...
هااا....هااا..ها خالة...
وين جنتي صافنة ...
لا هيج ...
شبيج من جينا من المستشفى وانتي مو على بعضك ...والغطة غطيتيهة مومرتاحتلهة اني...
نرجس:ماكو شي ...بس تعبانة اكمل الغدا وانام...
كميلة :مستعجلة اني هسة ...بس باجر. اريدك تجين تساعديني....
نرجس؛مو رنا خطية ...كافي عليهة صار يومين ...خ تكوم ولاتتعيقل..وانتي لاتنطيهة مجال الهة ولمحمد خل يطلع يدور شغل مو نايم براسك وراس امج...
نرجس..تعرفين مو بالي والله الصرف بس خ يكفون اذاهم عنة..
كميلة:كتلهة لاامج رجعو بيتنا والله كريم نفسة طيبة وميحجي...بس راكبة راسهة...تكول يم محمد ...
نرجس: عالبهذلة شفناها ..حقهة امي متقبل....
كميلة : تعاي باجر ونكمل سوالف وخلي خواتج يشيلن شوي زينب كبرت خ تساعدك شوي ويسرى هم شوفي وجهك شون صاير اصفر...
نرجس: يلا مع السلامة ..
كميلة : مع السلامة ...خابريني بالليل...
ماشي...
يلة خل اودي الاكل للمسعدة...
دكيت الباب ...فتحتة وفتت اخوية كاعد مبوز..ورنا دايرة ظهرهة ...ها خيركم شكو...شصاير...
محمد:رنا تريد تروح لااهلهة...
نرجس : صدك خليهة تروووح صارلهة جكد مشايفة اهلهة وخل روح وياكم والله مشتاكة لخالي فلاح...
محمد افهمي تريد تروح زعلانة...
ليش ياستار شصاير...
رنا ..الي صار قضاء وقدر ...اخوية شعليه بي...
لا علي ...وهو يعرف خلينة ساكتين نرجس ...اخوج فكر وفكرني ويا وفوك فكرنا كوم كوم لحم علينة....اوكفي ..اوكفي يالحم ولج ...صدك ميغزر بيج ليش من جينا هنا لليوم مكلفتة لمحمد الف شو مسواك .دنسوك شنو مكلفيج ست رنا..
ماادا اكدر اتحمل الهوسة جنت عايشة بهدوء ...اي صمالله بت فلاح الله يرحم الصين الشعبية
شنو قصدك ...
قصدي فهمتي بت فلاح بلا سوةلفك هاي....
من جينا واني حاسة بيج ..
وسوالفج هاي اكول مريضة خطية بس لاتوصلين الي ولخواتي محمد ...اذا ثقيلين عليك عمود اشيل غراضنا ونطلع...عادي مو اول مرة نتهجول ...
بس عناد بيج يا رنا كاعدين على كلبج استهدي برحمانك ورحمي لااخوية من الزن مالج وكومي زوهري اي ...شفت محمد ضحك...جبتلك معلاك ...اكلي وصمي حلكك والله يعوضكم كافي عاد...
طلع وياي محمد وايدة على جتفي....
دنثقل عليج نرجس بس اتحملينا ..وهي ضايجة مصدكنا صارت حامل...
يااخوية دورلك شغل ترة الجاهل هم يحتاج مصرف والمرة هم تريد لاتظل كاعد تبرد حديدتك ...
ان شاء الله من باجر افتر ادور شغل...
شوف محمد انت تندل هنا مو ...
شنو رايك ...اداينك فلوس وشكم ذهبة عندي علي عد مرتك ...واشتريلك سيارة طك طك بيهة وطلع مصرف العلاكة واني اول وحدة حاجزتك توديني وترجعني ..شكلت والسيارة موجودة مال اخو صديقتي تريد روووح تشوفهة واذا اي نتوكل..
محمد:نرجس مااعرف شااكول الج ربي يخليج خيتي ومايحرمني منج باسني من راسي وفات فرحان لمرتة يبشرهة..فرحت هواي من شفت بعينة الفرحة كانو كل تعبي وحزني راح لمن ساعدت اية ورجعت شفت الفرحة بعين محمد ..
رنا ظلت مبوزة ومتحجي ويانا ...طلعنا ..رحنا شفناها ..واتفقنا طلعنا بوجهنا للصايغ بعنا ذهباتنا اني ورنا ...اخوية محمد كالة اعزلي هذا عن هذا واكتبلي ورقة بوزن الذهب كل وحدة وحد..اخذهة من الصايغ..وانطاني الورقة كالي هذا حكج خاف اموت ...صمالله شنو هالفال محمد فدوة الك الفلوس خيي ميخالف خليهة يمج ..واذا الله مكني ارجعهم وفوكاهم هم...ورنا نفس الشي سوا ...
تذكرت ابوية وعرفت عمر الربا ميضيع اخوية جارت عليه الدنيا وهو جار علينة...
ظلت رنا تجرة وتكرص بي وهو ولا يمة وهاي الفرحة مامنهة فرحة بعد ...حسيت شوي عندي سند ميقبل يضيع حقي...
يلة نتكاتب وناخذ السيارة...
سلمت عالبنية ...ودنطلع بالسيارة رنا تريد تصعد ليكدام كاللهة رجعي نرجس يمي هي الجبيرة ..ظلت ضايجة...كتلة لاعيني خليهة تكعد يمك مرة ورجال اني ارجع ليورا فرحت هواي وتشكرتني ...بس ميغزر بيها بت فليح...
مرت ايام محمد كام يشتغل امي اجتي وفرحت بالي شافتة...ورجعت لبغداد دتكمل شهادة الوفاة..مال ابوية ومامصدكة مات..بس عمود يصرفونة راتب تقاعدي مال ابوية...وهم وصت محمد اخوية علينة..وجان محمد متوصي بينا زايد استقرت امورة ورنا نفخت روحهة وكامت تسوي مشاكل وتقرا براس محمد وبيوم واني راجعة للبيت . طبكت سيارة ...نرجس..نرجس
درت وجهي ..رضوان..لك شجابك. اتت يمعود..وكتها مااعرف ليش احس من رديتلة ماعندي مشاعر توسل بية ركبت ويا بالسيارة مشينا مسافة طبك السيارة وكالي..
نرجس..كافي عاد ترا تعبت اني وبعد ماااتحمل ادز عليج بيت كريم متجين المدرسة متطلعين ..رحميني يابنت الناس اني شاريج...والله تعرفين جكد احبج... بس طيني فرصة ... والله مابعيني غيرج فهميني...
نرجس:رضوان والله ماعندك غيري ..رضوان اسكت صدك لاتخليني احجي لك شهر مصبرت رحت دور بنات لو نسيت اذكرك بيوم خابرت طلعتلي بنية وبالامارة الضحكة العالية وخل اشوف منو هاي ...
رضوان:عرفت انتي بس ..
بس شنو رضوان ....ترة اني مو زوج تقنعني فهمت ولاتكلي غيابك ومن هاي السوالف ...اعرف الي يحب يوفي واذا العلاقة عندك تطيب جروح معناها كل عركة ورا الزواج ..بيهة طيحان حظ ..
رضوان...مااقبلهة فهمت خليني اروح بحال سبيلي وكافي لهنا ترة انت جرحتني بمافيه الكفاية اريد بس اطلعك من راسي وارتاح ترة اني هم تعبت..واريد يصير عندي حياة وعائلة..
حياة ويا غيري نرجس وحبنا نسيتي جكد جنت احبج وبعدني..وجك تواعدنا ومشينا...
نرجس انتي ليش تحسسيني انو حبي الج مذلة..مادا اشوف ولا شعرة وكفت ولاعيونك الي كلهة حب وينج انتي وين نرجستي الي جنت احبهة...
درت وجهي وعيوني غوركت..مردتة يشوفني ضعيفة..
ديري وجهك خل اشوف عيونك...
مسحت عيني ودرت وجهي ...
يعني بعدك تحبيني ..ليش تكابرين نرجس..تعاي بحظني ومرح تندمين لج شيليني مو متت ..
والله مااكدر ابرر الماضي بس اذا صرت حاضري اوعدك ماتشوفين مني خطا ..
رضوان:الشغلة مو شغلة حب...وبس شغلة شغلة ثقة واني مو كادرة اثق بيك ..حاستك غاشني واول مرحت عنك مضيعت وكت..منا زوجت اية وحبلتها ومنا علاقة مدري منو هي...
ههه.بعدك تغارين علية..
ياغيرة ..رضوان..بعدك ماكمت احس اي مشاعر حاسة روحي انسحنت بعد مابيهة اي مشاعر تعبت ..ومو كادرة اتحمل اشوفك كدامي ...احبك صدك..وبعدني روحي تطلع وترجف اذا شافتك بس مااكدر اسلمك روحي وداويني بجرح هجرانك بعدين....
اانتي ليش متفهمين ...اني مااحب احد غيرج ولا كادر نرجس رحم لوالديج ارحميني ..ترة انذليت حبيبتي انتي ..برووح ابوج اعرف جكد غالي..نرجس..
نزلت دمعتي..
بس ثقي بية ..
والله مااخذلك ..والله..حبيبتي لزمني من ايدي ..وجانت ايدة حارة نار ...مشتاقلك حيل نرجس وبصوت ناصي حسيت روحي بعد مااتحمل فتحت الجكمجة مال سيارة ...
شددورين...
اكو فد شي قوي ويوجع ..
شنو...
رضوان ...شكلك محتاج ضربة تصحيك ..وتنشطلك الذاكرة ...
ههههه.والله مشتاقلك موت ...
نرجس ترة مااخذت موافقتي وعوف ايدية يلة وصلني راس الشارع وخل انزل اتمشة..
اخابرج بالليل دكيلي...
مسكول ..
ماشي...
يمكن مرات ننطي روحنا فرص بالحياة ...حتى لو على حساب الناس الي نحبهم ونكتشف الجانب الاناني بينة هو مو انانية لا حق ..حقي اعيش واستمتع ومااضيع فرصة اعيش ويا الانسان الي احبة ويحبني...لان نفسي هم عليه حق..واني اريد اجرب... اجا الليل وبدت سوالفنا وعشكنا ترجع اني ورضوان....
للقصة بقية.....
