#رغبات_لاأكثر 11
أم سامر : شبيه ابوك صارله ايام معصب ومو راضي يحجي شي
سامر : يعني متعرفين سوالف أبنج المدلل ميريد يسوي خطوبة هسه يكول انتظرو من ارجع ويخلص العقدjust me
روز: لاتضغطون عليه تعرفه راسه يابس
سامر : لاتحجين حجي زايد بعدني مناسي تصرفاتج الاخيرة ويا بيت عمي وهالنوب أخوج وياج
أم سامر: اشكد عيب شنسوي لعد مرت عمك منتظرة انطيها خبر شجاوبها هسة
سامر : كوليلها هسه نطلب ايدها والخطوبة والزواج بعد مايرجع
كرم : هاي شكو يمتى نخلص من هالسالفة مو كافي ابوك زعلان مني اني كلت من ارجع وكافي سدو الموضوع باجر راح أرجع لتركيا طلعتو السفرة من عيني
أم سامر : شبيك مو طايق كلمة من احد صاير كبريت ديربالك تخلي عينك على غير وحدة غير بنت عمك اطلع عينك والله صير عاقل وروح أعتذر لأبوك والليلة أحنا معزومين ببيت عمك
روز: ماما باجر عندي أمتحان ماكدر اجي اعتذري من ام قاسم بدالي
سامر : الأمتحان يتأجل سمعتيني روز حركات طفولية ماريدها انتي اكبر منهالشي
روز: بعده ابوي عايش هيجي تسوون بيه لو يموت شتسوون ماريد اتزوج قاسم هو واحد ساقط👋 😢أشكرك اخويه العزيز
كرم: ليش هيجي سامر تضربها صح غلطت المفروض تعاتبها مو تضربها الظاهر هالبيت يمشي على اوامر بيت ام قاسم اني راح أقدم موعد سفري خلي العزومة الكم عن اذنكم
سامر: اذا كسرتنا كدام بيت عمي ومجيت اعتبرني مو اخوك افتهمت كرم
أم سامر : صلوعلى النبي شبيكم مسويتوها وانتو صغار هسة تتعاركون وكدامي هم زين ابوكم مموجود
ابو سامر : لا موجود عفية على الرجال اللي مخلفهم سامر روح على بيتك وانت كرم أفندي روح غير لبسك وكول لأختك تحضر نفسها نص ساعة واشوفكم كدامي ولا كلمة ماريد اسمعها منك
ديانا: ها مامي حلو هالفستان البس الاحمر لو الوردي
أم قاسم : والله بنتي ثنينهم حلوين عليج انتي تخبلين بدون شي لبسي الأحمر جسمج يبين بيه أكثر والعلة أخوج أخابره ميجاوبني خايفة لايفشلنا هالليلة
ديانا : والله اتمنى يفشل روز ويكوللها كدامنا ميريدها بس لازم نتحملها علمود أخوها
أم قاسم : خلي نزوجكم الله كريم راح أبهدلها واطلع عينها أم لسان طويل عبالج ميتة عليها لو أحبها هاي وينك قاسم هيجي تريد تفشلني ويا بيت عمك ليش متجاوبني جبت الحلويات وياك
قاسم : المهم جيت ميحتاج محاضرات راح اصير مثل ماتردين اتزوج علمود بنتج أمهات اخر زمن عفتهم ورحت لغرفتي وأني بداخلي غصة راح اتخبل أحب وهم
