#رغبات_لاأكثر 12
روز: كملت ألامتحانات وأخيرا أرتاحيت اليوم راح نروح للمزرعة أنصدمت قاسم جاي ورايه وأهلي عايفني هاي حركات أمي لأن كتلهم ماريد قاسم سلمت عليه باوعت عليه بطرف عيني شكله متغير مبين مهموم ضجت بصراحة متحملت سألته خير قاسم وجهك ميطمن
قاسم : ماكو شي عادي مشاغل الحياة
روز : أعتبرني صديقك فضفض بلكي أساعدك
قاسم : ياريت اني أكدر أساعد روحي تعبت روز ياريت نخلص من هالسالفة اني أحب وحدة ثانية ماكدر ابادلج الحب just me
روز: رغم كلماته اللي مثل السم وتنزل على كلبي ظغطت على نفسي كتله أعرفها حبيبتك
قاسم : هههههه هذا هو المشكلة ماعرف منو هي لو شكلها شلون واحبها شفتي حالتي اني احب وحدة جانت تراسلني حسيت نفسي بالبداية متعلق بكلامها بس من أختفت صرت مدمن بحبها هاي حالتي تكدرين تساعديني
روز: يعني يحبني ويحب كلماتي رغم شعوري بالفرح بس ضجت حسيت نفسي لعبت بمشاعره جاوبته الله كريم انشالله راح يجي يوم وتلتقون
قاسم : ياريت روز أتمنى حتى أرتاح على فكرة روز انتي كبرانه وتفكيرج متغير بصراحة فاجئتيني مديت ايدي وصافحتها ممكن تصيرين صديقتي
روز: من لمس ايدي حسيت برجفة ومن سمعته يريدني كصديقه جاوبت بغصة أكيد
كرم : حنين هاي مو حالة وياج شنو صاير بيج طلعتي عيني ومو راضية تحجين
حنين : أحس بفقدان وأشتياق لأهلي صار شهرين من رجوع كرم ميقبل أحجي وياهم كل مرة يطلعلي بشغلة واني اتقبل واسكت بس هالأيام صار عندي كآبه وصدري ضيق أحس نفسي راح أختنك وكرم يريد مني مغازلات ميقدر نفسيتي كرم أسفة راح احاول ماعيدها
كرم : لا عيديها وشوفي شسوي بيج نامي وحدج كرهتيني بالنومة ست حنين خليج بدموعج وبرودج تركتها ورحت نمت بالغرفة الثانية متغيرة وصايرة باردة بديت أضوج منها
حنين : كمت غسلت وجهي وغيرت لبسي وتعطرت لازم أرضي ماكدر انام وهو زعلان مني جان متمدد تقربت أباوعله كلشي بيه حلو ورجولي بس حرصه عليه مو طبيعي يريدني أله لوحده مرات أعذره لأن يتيم يعوض نفسه .تكدر تنام بدوني تمددت على صدره وبديت ابوس بوجهه
كرم : ومنو السبب مو حضرتج شتريدين هسة لاتبدين تحركين بيا وبعدها تعوفيني مو حاصل منج شي غير البرود
حنين : هههه شايل مني أهواية واني اكدر عليك دايما تاخذ اللي تريده
كرم : أحبج يا احلى حنين بالدنيا أريدج دايما هيجي شنو رايج نسافر أسبوع نغير جو بس اريد منج وعد تسويلي اللي سويتي هسة
حنين : صدك عمري وين نسافر بكلبي كلت انشالله يم أهلي
كرم : كومي نغسل ونحضر غراض نروح للجبال الثلجية هسه تخبل وكت الثلوج المكان راح يعجبج شلتها وديتها للحمام وسط ضحكها وصراخها
