ﻳﻮﻡ ﻣﻦ ﺍﻻﻳﺎﻡ ﻛﺎﻥ ﻓﻲ ﺑﻨﺖ ﻣﺘﻜﺒﺮﺓ ﻣﻐﺮﻭﺭﺓ ﺷﺎﻳﻔﻪ ﺭﻭﺣﻬﺎ ﻻﻗﺼﻰ ﺣﺪ ﻭﺷﺎﻳﻔﻪ ﻛﻞ ﺍﻟﻨﺎﺱ ﺗﺤﺘﻬﺎ ﻭﻛﻠﻤﺘﻬﺎ ﻫﻴﺎ ﺍﻟﻠﻲ ﻣﺎﺷﻴﺔ ﻋﻠﻰ ﺍﻟﻜﻞ ....
ﻗﺼﺘﻨﺎ ﺍﻟﺠﺪﻳﺪ .... ﻣﺠﺒﻮﺭ ﻋﻠﻴﻜﻲ ﻭﻻﻛﻦ ﺍﻟﻌﻨﻮﺍﻥ ﻭﺍﺍﺍﺿﺢ ﺟﺪﺍً
ﺧﻠﻲ ﻧﻔﻬﻤﻜﻢ ﻣﻦ ﺍﻟﺒﺪﺍﻳﺔ ....
ﺭﻳﻨﺎﺱ ﻫﻴﺎ ﺍﻟﺸﺨﺼﻴﺔ ﺍﻟﻤﺘﻜﺒﺮﺓ ﺍﻟﻤﻐﺮﻭﺭﺓ ﻭﻳﻠﻲ ﺷﺎﻳﻔﻪ ﺭﻭﺣﻬﺎ
ﺍﻟﺤﺎﻛﻤﺔ ﺍﻟﻨﺎﻫﻴﺔ ﻑ ﺍﻟﺤﻮﺵ
ﻣﺘﻜﻮﻧﺔ ﻣﻦ ﻋﻴﻠﺔ ﺍﻡ ﻭﺍﺏ ﺑﻮﻫﺎ ﻣﺘﻮﻓﻲ ﻟﻴﻪ ﺳﻨﻴﻦ ﻭﺍﻣﻬﺎ ﻋﺎﻳﺸﻪ ﻭﺍﺳﻤﻬﺎ ﻣﺮﻳﻢ ..... ﻣﺴﻜﻴﻨﺔ ﻣﺶ ﻗﺎﺩﺭﺗﻬﺎ ﻻﻧﻬﺎ ﻋﺎﻳﺸﺔ ﺗﺤﺖ ﺭﺑﻲ ﻭﺗﺤﺘﻬﺎ ﻫﻴﺎ .......
ﺭﻳﻨﺎﺱ ﺑﻮﻫﺎ ﻟﻤﺎ ﻣﺎﺕ ﻛﺎﻧﺖ ﺻﻐﻴﺮﺓ ﻫﻠﺒﺎ ﺟﻮ 3 ﺳﻨﻴﻦ ﻫﻜﻲ ﺗﺮﺑﺖ ﻭﻋﺎﺷﺖ ﻑ ﻋﺰ ﺻﺎﺣﺐ ﺑﻮﻫﺎ ﻛﺒﻴﺮ ﻑ ﺍﻟﺴﻦ ﻛﺎﻥ ﻣﺘﻜﻔﻞ ﺑﻴﻬﻢ ﻫﻴﺎ ﻭﺍﻣﻬﺎ ﻭﺗﻨﺎﺩﻱ ﻓﻴﻪ ﺑﺎﺑﺎ ﺣﻜﻴﻢ ﻭﻳﻌﺎﻣﻞ ﻓﻴﻬﺎ ﺯﻱ ﺑﻨﺘﻪ ﻭﺣﺎﺳﺒﻬﺎ ﺑﻨﺘﻪ ﻟﻜﻮﻧﻪ ﻣﺎﻋﻨﺪﺍﺵ ﺑﻨﺎﺕ ﺑﺲ ﺭﻳﻨﺎﺱ ﺗﺮﺑﺖ ﻏﻠﻂ ﻑ ﻏﻠﻂ
ﺗﺮﺑﺖ ﻛﻞ ﻣﺎﺗﺒﻜﻲ ﺗﺎﺧﺪ ﺣﺎﺟﺘﻬﺎ ﻣﻦ ﺻﻐﺮﻫﺎ ﻟﻌﻨﺪ ﻛﺒﺮﺕ ﻭﺧﺪﺕ ﻗﺴﻢ ﻣﻦ ﺷﺮﻛﺎﺕ ﺻﺎﺣﺐ ﺑﻮﻫﺎ ﻭﻫﻴﺎ ﺍﻟﻤﺪﻳﺮﺓ ﻓﻴﻪ ﻭﺩﺍﻳﺮﻩ ﺍﻟﺒﻬﺎﺩﻝ ﻑ ﺍﻟﻤﻮﺿﻔﻴﻦ
ﻏﺮﻭﺭ ﺗﻜﺒﺮ ﺟﺒﺮﻭﺕ ﻗﻠﺔ ﺍﺣﺘﺮﺍﻡ ﻫﺰﻭﺓ ﻛﻠﻬﺎ ﺻﻔﺎﺕ ﺭﻳﻨﺎﺱ ..... ﺍﻛﻴﺪ ﺧﻼﺹ ﻋﺮﻓﺘﻮ ﺷﺨﺼﻴﺘﻬﺎ
ﻭﻫﺎﻟﺮﻳﻨﺎﺱ ﻫﺎﺩﻱ ﻣﻜﺒﺪﺓ ﻋﻠﻰ ﻭﺳﺎﻡ ﻭﺍﻟﻠﻲ ﻳﻜﻮﻥ ﻭﻟﺪ ﺣﻜﻴﻢ
ﻭﺳﺎﻡ ﺷﺨﺼﻴﺔ ﻫﺎﺩﻳﻪ ﻣﺤﺘﺮﻡ ﻣﺘﻮﺍﺿﻊ ﺭﻏﻢ ﺍﻟﻌﺰ ﺍﻟﻠﻲ ﻓﻴﻪ
..... ﻭﺷﺨﺼﻴﺘﻪ ﺣﻠﻮﻩ ﺍﺟﺘﻤﺎﻋﻲ ﻫﻠﺒﺎﺍﺍﺍ ﻭﻳﺤﺐ ﻳﺴﺎﻋﺪ ﻭﺍﻟﻠﻲ ﻑ ﺍﻳﺪﻩ ﻣﺶ ﻟﻴﻪ ﻳﺤﺐ ﺍﻟﺨﻴﺮ ﻫﻠﺒﺎﺍﺍ ﻭﻭﺳﺎﻡ ﺗﺮﺑﻴﺔ ﺍﻣﻪ ﻻﻥ ﻟﻤﺎ ﻧﺠﺎﺏ ﺣﻜﻴﻢ ﻛﺎﻥ ﻣﺴﺎﻓﺮ ﺑﺮﺍ ﻋﻼﺝ ﻟﻤﺪﺓ ﺗﻼﺗﻪ ﺳﻨﻴﻦ ﻭﻟﻤﺎ ﺭﺟﻊ ﻗﻌﺪ ﻓﺘﺮﺓ ﻭﻣﺎﺕ ﺻﺎﺣﺒﻪ ﺑﻮ ﺭﻳﻨﺎﺱ ﻓﻜﺎﻥ ﺗﺮﻛﻴﺰﺓ ﻛﻠﻪ ﻉ ﺭﻳﻨﺎﺱ .... ﻣﻬﺘﻤﺶ ﺏ ﻭﻟﺪﻩ ﻫﻠﺒﺎ ( ﻭﻫﺪﺍ ﺟﻲ ﻝ ﺻﺎﻟﺢ ﻭﺳﺎﻡ )
ﻭﺳﺎﻡ ﺗﺮﺑﻰ ﺻﺢ ﻣﺰﺑﻮﻁ ﻋﻜﺲ ﺭﻳﻨﺎﺱ ﺭﻏﻢ ﻭﺳﺎﻡ ﻋﺎﺵ ﻑ ﺍﻟﻌﺰ ﺍﻛﺘﺮ ﻣﻦ ﺭﻳﻨﺎﺱ ﺍﻻ ﺍﻥ ﺍﻣﻪ ﻋﻠﻤﺎﺗﻪ ﻭﻓﻬﻤﺎﺗﻪ ﻭﻳﻦ ﻳﺤﻂ ﺍﻟﻔﻠﻮﺱ ﻭﻋﻠﻤﺎﺗﻪ ﻛﻴﻒ ﻳﻨﻈﺮ ﻟﻐﻴﺮﺓ ﻭﻛﻴﻒ ﻳﺴﺎﻋﺪ ﻏﻴﺮﻩ
ﺍﻡ ﻭﺳﺎﻡ ﺍﺳﻤﻬﺎ ﻛﺮﻳﻤﺔ ﻭﻓﻌﻼً ﺷﺨﺼﻴﺘﻬﺎ ﺯﻱ ﺍﺳﻤﻬﺎ ........ ﺑﺎﻟﻤﺨﺘﺺﺭ ﻭﺳﺎﻡ ﻭﺭﻳﻨﺎﺱ ﻣﺨﺘﻠﻔﻴﻦ ﻓﻲ ﻛﻞ ﺷﻲ ....
ﻫﺎﺩﻭ ﺍﻟﺸﺨﺼﻴﺎﺕ ﺍﻟﻤﻬﻤﺔ ﻭﻣﺎﺯﺍﻝ ﻓﻲ ﺷﺨﺼﻴﺔ ﻫﻴﺎ ﺍﻻﻫﻢ ﺣﺘﻄﻠﻊ ﻣﻦ ﺧﻼﻝ ﺍﻟﺤﻠﻘﺎﺕ ﺍﺳﺘﻨﻮﻧﻲ
ﻭﺍﻥ ﺷﺎﺀﺍﻟﻠﻪ ﺗﻨﺎﻝ ﺍﻋﺠﺎﺑﻜﻢ
