عيلة مصرية 3

13

سارة.جايبهم شقة مامتك ليه...م هم مش ولادك 😒
انور.سارة...عدى ليلتك على خير
ميرفت.انطق فيه ايه ...ومش ولاده ازاى كفاالله الشر
سارة دخلت اوضته وقفلت الباب وكانت بتعيط
انور.ملاك خدى بالك من اخوكى 😓
دخل انور عند سارة وكانت بتعيط ولما شافته قامت وقفت ومتعصبة وهو راح حضنها بس بعدت عنه بسرعة
سارة.عايز ايه 😠😭
انور.يعني كنتى عايزانى اعمل ايه.... الدكتور اللى اخوكى هو اللى قالى عليه قال ان مستحيل نخلف ....واحنا عندنا عيلين...اى حد ف مكانى طبيعى هيفكر زيي
سارة.مش انت😭المفروض انت لا ...ده انا متربية على ايدك ،تصدق ان ممكن اعمل كده😭انا يا انور😢
انور.يا سارة ...راعى ظروفى ...لما الدكتور يقول كده ....انا هقول ايه يا سارة ...انتى مش عارفه مجرد التفكير انك تكونى ضحكتى عليا عمل فيا ايه😢لو ماكنوش ولادى انا كنت هنتحر يا سارة بعد م اقتلك
سارة.لا يا انور بقى😭انا تعبت بجد...انت كل مرة تعمل كده😠كل مرة تظلمنى وتيجي عليا ،واول ماتيجي تقولى معلش يا سو حقك عليا...سو انا مقدرش اعيش من غيرك
انور.هى دى الحقيقة 😥
سارة.طلقنى 😑
انور.لا يا سارة ،انتى مراتى وحب حياتى ،انتى انا ...مستحيل ابعد عنك
سارة.حتى مش عايز تقول اسف..ازاى تنزل كرامتك وتعتذر لى م انا م استحقش الاعتذار ،انا مضمونة دايما موجودة وماقدرش افتح بؤي
انور.مش هطلقك يا سارة ...لو مشيتي على دماغك مش هيحصل😒🙅واتفضلي البسي علشان نروح😒
سارة.هتطلقنى يا انور ...أو
انور.او ايه يا مدام 😒
سارة.هرفع قضية 😒
انور.😨ايه
سارة.هرفع قضية طلاق ،ف ياريت تطلقنى قبل م نتبهدل ف المحاكم
انور مسكها من شعرها وكان بيجرها لبره البيت
سارة.سيبني 😠😭
عيلة.فيه ايه😠سيب بنتى يا انور 😬
ميرفت.فيه ايه يابنى😔
ملاك.مامااا😭بابا سيبها
انور.ماحدش ينطق 😬مراتى وانا حر معاها
سارة زقت ايد انور بعيد عنها وهى بتعيط
سارة.ماتقربليش 😭طلقنى بقى ،ارحمنى😭انا مش عايزة اعيش معاك😭
انور.👋
سارة وقفت ساكتة وباصة لانور وهو باصص لها بتحدى
سارة.طلقنى😓
ملاك.ماما😨
انور.ادامى بالادب والهدوء 😒
سارة واقفة مكانها مش بتتحرك ومش عارفة تبعد عينيها وتبص لاى حد علشان ماتشوفش الشفقة ف عين اللى حواليها
انور.يلا يا ملاك ،يلا يا يحيي
سارة.انا مش هروح معاك ولا ولادى 🙅
انور.العيال هيروحوا معايا عايزة تشوفى ولادك تانى يبقى بالادب تنزلى معايا ،او ورحمة ابويا وابوكى م هتشوفيهم تانى ف حياتك

سارة.خدهم🙅انما انا وانت لا
انور مسكها من ايدها جامد وبيشدها لحد م وصلوا للعربية ودخلها وقفل جامد ورجع خد ولاده وروحوا ،لما دخلت البيت كانت تعبانة
انور.انتى مراتى لاخر يوم ف عمرك هتفضلي مراتى
ملاك حاضنة سارة وبتعيط هى كمان ومش راضية تسيبها وسارة بتعيط وتعبانة ومش عايزة تتكلم مع انور
انور.ملاك ادخلى اوضتك
ملاك.لا😭انا هفضل مع ماما
انور.قلت ادخلى اوضتك😠
سارة.ادخلى يا حبيبتي 😘 يلا ع الحمام وانا هحضر لك الهدوم
دخلت ملاك الحمام وسارة دخلت اوضتها وانور دخل وراها
انور.بصي يا بنت الناس انا عارف انى غلطت لما اتسرعت ،بس حطى نفسك مكانى ،دكتور نسا بيقول لى مراتك مستحيل تخلف منك وان ولادك مش ولادك ،الراجل اللى دارس ودى شغلته اصلا لما يقول كده انا هقول ايه
سارة.انى اموت اهون عندى من انك تشك فيا ،ده انا فتحت عيني عليك معرفتش راجل غيرك ،حبيتك بكل ذرة فيا ،استحملت معاك بهدلة قبل الجواز علشان نجيب شقة وتصرف على اهلك اللى هما برضه اهلى،حكمت عليا اقعد ف البيت رغم أنك كنت واعدنى بالشغل وسمعت كلامك مش خوف منك انما علشان بحبك سمعت كلامك ،بهدلتنى ومديت ايدك عليا وسامحتك علشان ده(بتضرب على قلبها)معرفش غير انه يسامحك ،بس سكاكينك عمالة تقطع فيا اوى
انور.طيب انا اسف والله اسف 😔سارة انتى حبي الوحيد ،الحاجة الوحيدة اللى ضايقتنى ف انهم مايكونوش ولادى هى ان يكون راجل غيري لمسك،احساس أن حد غيري امتلكك أو بص لك زيي جنني ،اسالى ملاك انا كنت هعمل كام حادثة واحنا رايحين للمعمل ،انا علشان اثبت براءتك كنت هموت انا وولادنا 😔احلف لك انى مش همد ايدي عليكي تانى ،ولو مش عايزانى اقرب لك خالص مش هقرب لك بس مش هسيبك تبعدى عنى،ولا هسمح أن اسمك ينفصل عن اسمى
سارة.عن اذنك ،ملاك هتبرد
سابته واقف وباصص ف الارض زى م هو ودخلت لملاك وبعدين دخلت اوضتها ونامت أو عملت نفسها نايمة ،دخل انور غير هدومه ونام جنبها وحط ايده على بطنها
انور.بكرة ان شاء الله هنروح لدكتور تانى علشان نطمن
غمضت سارة عينيها وجريت دموعها على خدها ،مد انور ايده مسح دموعها
تانى يوم الصبح سارة نايمة ف السرير مش قادرة تتحرك وانور خارج م الحمام
انور.صباح الخير
سارة.فين ولادى 😒
انور.م هم ولادى انا كمان
سارة.اوعى تقول كده😠دول ولاد انور الطيب اللى كان بيعيط على دموعى ،مش الوحش اللى شافوه امبارح ،ظالم ومفترى 😒فين ولادى
انور.للحظى يا سارة انك بتطولى ف الكلام وانا ساكت بس علشان عارف انى غلطت امبارح ،بس اعدلى كلامك علشان م اظبطوش انا ،ولادك نايمين ،انا داخل اصلي
سار.تصلي ،هههه قبل م تصلي م تظلمش ,ده ان بعض الظن اثم
انور.سارة😠
سارة.ايه م دى الحقيقة،ضربتنى واتهمتنى ف شرفي وكنت عايز تدفنى حية ،وطلعت مظلومة ،هاخد حقى ازاى ،القلم اللى نزل على وشي ده ارده ازاى ،بهدلتى ادام العيال وانت ساحبنى من شعرى ،الجيران اللى اتفرجوا علينا واحنا نازلين
انور.جهزى نفسك علشان نروح لدكتور
سارة.هروح لوحدى
انور.ان شاء الله ،ههههه،تنزلى لوحدك لما ترفعى عليا قضية ،ف المشمش
خرج انور وسابها قاعدة بتعيط وبعدين دخلت الحمام اتوضت وخرجت صلت ولبست علشان تنزل للدكتور
ملاك.ماما انتى كويسة 😢
سارة.ايوه يا حبيبتي،ده انا نازلة الدكتور علشان اطمن ع البيبي
ملاك.هاجى معاكى عايزة اشوف البيبي
سارة.ادخلى البسي
انور.يلا
سارة.انا هاخد ولادى معايا ،هات يحيي😒
عند الدكتور
الدكتور.للاسف يا مدام الجنين مريض ولازم ينزل
سارة.لا ،انا مش هقتل ابنى وبعدين انا اصلا مش واثقة اذا كان تشخيصك صح والا غلط
الدكتور.نعم😒
انور.معلش يا دكتور اصل امبارح دكتور قال إن مستحيل نخلف واحنا اصلا عندنا ولاد
الدكتور.انتوا قرايب
انور.اه
الدكتور.حد من ولادكم عنده مرض مزمن
انور.ملاك عندها حساسية على صدرها من وهى عندها اسبوع
الدكتور.بصوا فيه مادة ف الجسم لازم تكون مختلفة بين الاب والام لانها لو متشابهة بتعمل موت للجنين،بس مش دايما يعنى عادة بعد الجنين الاول او الاطفال بيتولدوا عادى بس بيظهر فيهم امراض دائمة
انور.طيب والعمل
الدكتور.الجنين ده المفروض ينزل وماينفعش يحصل حمل تانى ،لان هتبقى دى النتيجة دايما
سارة.😭انا مش هقتل ابنى وهخلفه ويبقى كويس وهخلف دستة كمان ،انتوا كدابين 😭
انور مسك ايدها وهى بتعيط بس سحبتها بسرعة
انور.يلا يا حبيبتي،عن اذنك يا دكتور
ف العربية سارة عمالة تعيط وملاك بتعيط علشان مفكرة انور ضربها تانى ويحيي نايم
انور.اهدى يا سارة بقى 😢الحمد لله احنا عندنا ولاد مش محرومين م الخلفة يعنى
سارة.ماتتكلمش معايا 😭وابني انا مش هقتله وده قرارى الاخير 😭😒
ملاك.ماما ماتموتيهوش يا ماما😭بابا وحش وعايز يموت البيبي 😭
انور.ملاك😠
ملاك.😓
ف البيت سارة مقعدة يحيي ع الكرسي بتاعه وبتاكله
انور.باندا بتاكل ايه
يحيي.بابا بوف😛ماما حبيتي
سارة.يلا يا ملاك علشان تاكلى ...الاكل ع السفرة
انور.مش هتاكلى؟
سارة.كلت لوحدى😒
انور.انتى لسه راكبة دماغك😒
سارة.مالكش دعوة بيا ،يلا يا يحيي نستحمى
يحيي.بانيو
سارة.اه هتستحمى ف البانيو انت و بطوطة روح هاتها يلا
يحيي.طوطة طوطة 😄
سارة. اعمل حسابك تاخد ملاك التدريب بتاعها
انور.مش هتيجي معانا؟😓😳
سارة.لا،تعبانة 😒يلا يا يحيي ع الحمام
دخلت سارة الحمام وهى دموعها بتجرى وحاسة ان قلبها مكسور
يحيي.ماما عيطيش 😔بابا اضرب اوف
سارة.يويو ماما هتجيب بيبي
يحيي.بيبي
سارة وهى شايلة يحيي ودخلت لبسته ونام
انور.احنا نازلين نزل انور وملاك وسابوا سارة ويحيي ودخلت مسكت التليفون واتصلت بمحمد
سارة.محمد😭انا سارة....عايزاك ترفعلى قضية طلاق 😭مش عايزة اعيش معاه تانى ،مش ههدى ومش عايزة كلام😭بكرة روح للمحامى وارفع القضية باسمي ،سلام😭
__
دخل انور وملاك وهى بتضحك وبيهزر معاها
انور.سارة .....يحياااااا...يا ساااااارة
خرجت سارة من اوضتها وهى بتعيط
سارة.انور انا بنزف 😭
سارة وقعت وانور جري شالها وكانت رجلها غرقانة دم
ملاك.ماماااا😭
انور.خدى بالك من اخوكى ،اوعى تفتحى الباب لحد ابدا
انور جرى بسارة لعربيته وهى بتعيط
سارة.انور ....ابنى يا انور😭
انور.استحملى شوية وهتبقى كويسة
دخلوا المستشفى وانور شايلها لحد جوه
انور.الحقونا ....حد يلحقنى بسرعة ،مراتى هتموت منى 😠
جه الممرضين بسرعة واخدوا سارة أوضة الكشف وانور معاها وماسك ايدها
الدكتور.اجهاض
سارة.ابني يا انور 😭
انور.اهدى بس يا حبيبتي 😢
بعد ساعتين كانت سارة نايمة ف أوضة ف المستشفى وانور معاها وهى بتعيط
انور.الدكتور قال ممكن تروحى معايا 😢الحمد لله ان حصل كده ف الاول قبل م تتعبي اكتر
سارة.انا عايزة ولادى 😢
انور.هنروح لهم دلوقتى
كل ده وماحدش ف العيلة يعرف لان انور م كلمش حد منهم ،ف بيت انور
انور.هدخلك ترتاحى وهعمل لك الاكل
سارة.فين ولادى😢
انور.ملاك ...يحيي
انور بينادى بس ماحدش بيرد ،دخل انور وسارة اوضتهم بس لقيوا ملاك ويحيي نايمين على سريرهم
انور حط سارة ع السرير وراح يطلع لها هدوم لما سمع
سارة.طلقنى
انور فضل مكانه مابصلهاش ولا كانه سمعها
سارة.مش عايزة اعيش معاك ،هسيبلك الشقة تتجوز فيها وهروح عند ماما انا وولادي،بس طلقنى
انور......
سارة.طلقنى
انور.مش هيحصل يا سارة
سارة.هيحصل وقريب اوى يا انور ...انا مش عايزة اعيش معاك
انور.طيب روحى اقعدى معاهم فترة وفكرى كويس ،بس اما تهدى
سارة.مش ههدى غير لما نتطلق
انور.للدرجة دى مش طايقانى😔
سارة.هههههه ،انت الوحيد اللى مش من حقه يسال السؤال ده،لان الإجابة معلمة ف جسمي لحد دلوقتى
انور.ده قرارك الاخير 😠
سارة.ومش هرجع فيه 😒
انور.مش هطلقك يا سارة 😠ومش هتشوفى الشارع ابدا ،واما نشوف كلام مين اللى هيمشي سارة.بلاش توصلها للمحاكم يا انور ،حافظ ع الكويس اللى كان بيننا وانهيها بالخير
انور حدف الهدوم عليها وهى قاعدة
انور.هسيبك دلوقتى ،شكل اللى حصل طير عقلك يا مدام
خرج انور وسابها بتعيط وهو حاسس بتأنيب الضمير والذنب ،بس عارف أنه غلط ومستحيل تسامحه
تانى يوم الصبح انور نام اخيرا بعد تفكير طول الليل ،بس سارة كانت ف تاكسي هى وولادها وف طريقهم لبيت ميرفت
عند ميرفت الباب بيخبط وهما لسه نايمين وبتفتح عبلة وهى عينيها مغمضة ،سارة شايلة يحيي نايم و ملاك عينيها بتغمض
عبلة.سارة😱ايه اللى جابك دلوقتى
ميرفت.مين يا عبلة
سارة.انا مش عايزة اتكلم ،ادخلى يا ملاك نامى ف أوضة بابا ،اسفة انى ازعجتكوا ،ادخلوا ناموا يا جماعة انا كمان هنام
عبلة.تنامى ايه😠انتى سايبة بيت جوزك ومشحططة عيالك ف طلعة النهار علشان تقولى انام ،انطقى فيه ايه ،وليه جوزك ضربك اول امبارح
سارة.ماما انا عايزة اطلق😢
ميرفت.ليه بس يا بنتى كفالله الشر
سارة حكت لهم كل حاجة حصلت ،بس كأى ام مصرية
عبلة.ده بيت جوزك ،والراجل مهما عمل هو اللى هيخاف عليكي ،ده الراجل لو غول مش هياكل مراته ولو نار مش هيحرق عياله(ايه رأيكوا ف الامثال 😂)
سارة.انا كرهت العيشة معاه،يطلقنى
ميرفت.عن اذنكوا😒
__
انور.ملاك ....يحيي ،انتوا لسه نايمين يا ولاد ....سارة😨ملاك ...يحياااااا😠
انور بيفتح دولاب سارة ولقى مفيهوش هدوم ،جرى لاوضة ولاده وبرضه مفيش هدوم
انور.مشيت😠ماشي يا سارة ،ماشي😠
__
الباب اتفتح جامد ف شقة ميرفت
انور.سارة 😠
خرجت سارة وهى شايلة يحيي وملاك مستخبية ورا ضهرها وماسكة فيها
سارة.اهلا
انور.ازاى تسيبي البيت وتمشي 😠ازاى تكسري كلمتى
سارة.وطى صوتك ،علشان الجيران 😒
ميرفت.تعالى يا بني ،ادخل يا حبيبي هعمل لك لمون يهديك
انور.مش عايز سم 😠ادخلى البسي ويلا ادامى
سارة.لا
انور لسه هيضربها بس حد مسك ايده،كان محمد اللى جه يشوف اخته
محمد.انت فاكر ان م وراهاش رجالة 😠نزل ايدك واوعى تفكر ترفعها تانى عليها
انور.مراتى وانا حر معاها
محمد.هتطلقها 😒كرهتك ومش عايزة عيشتك ،لو لسه عندك كرامة طلقها
انور.كرامة..انتى طالق