Isang Pananagutan
(ni: Leonard Sardan)
Ikaw, ako , tayo'y may
Isang pananagutan
Pagpapanatili ng balanseng
Kapaligiran
Ikaw, ako , tayo'y may
Isang pananagutan
Pangangalaga ng balanseng
Kalikasan
Masdan mo ang ating
Kapaligiran
Animo'y pugad ng karumihan
Winasak ng matalinong mangmang
Di ba't tayo ang dapat mangalaga
Ang s'yang kumalinga
Sa ating Inang Kalikasan
Nagbibigay buhay, pagmamahal ating iaalay
Daing nitong ina
Pananakit ay tama na
Kalikasan at tao
Puso't buhay ay iisa
Dumi sa ilog, dagat at lupa
Ating linisin ating mahalin
Tayo'y magkaisa tayo'y kumilos
At ang pag-ibig ay ating isa-puso
Ikaw, ako , tayo'y may
Isang pananagutan
Buhay natin magkakaugnay
Iisang daloy, nadarama ay panaghoy
