سلاما الي تخيلات الجن التي لاتزال في مخيلتي حتى الان واراها مع كل غمضة جفن من جفوني ... !!!!! - حكايتي مختلفة عن أي حاجة حد سمعها قبل كده لإنك تسمع شئ حاجة وانك تعيش اللي حصل شئ تاني خالص في البداية أنا بنت مش هينفع أقول اسمي فمشوها ( م ) انا عندي 21 سنة حياتي مش فاضية عشان محدش يقول ان انا بتكلم من فراغ ... - حكايتي ابتدت من 4 سنين تقريبا كنت بحب قصص الرعب والحكايات وبقول اني مش بخاف من جن او شياطين ومش مؤمنة بالحاجات ديه كلها أصلا فكنت أدخل ع النت واجيب طلاسم وازاي تحضر مش عارف ايه . وازاي تشوف قرينك .. الا اخره من الحاجات اللي انتوا عارفينها ديه وكنت بعمل الحاجات اللي بتطلب مني في الفيديو او الموقع بغرض الهزار .... -- بس الموضوع دخل في مرحلة الجد وبدأت فعلا اشوف حاجات أيوة أشوف حاجات معرفش اقول جن ولا شيطان ولا حتى عفريت ... -- أول ظهور للحاجات دية كانت وانا عندي 18 سنة كنت راجعة من الكلية و كان بابا وماما بره اليوم ده ومش هيرجعوا غير بليل فدخلت أوضتي ونمت بس والله لحد دلوقتي انا معرفش انا نمت فعلا ولا لا انا غمضت عيني لقيت نفسي في المدافن قدام تربة جدي بالظبط بس الغريب ان مكنش في حاجة غير تربة جدي بس وكأني في صحرا سودا مفيش نور جاي غير من لمبة جاز بعيده اوي جريت زي المجنونة وانا بصوت وبقول يارب اكون بحلم يارب اكون في حلم وكل ما قربت للمبة اشوف ناس هما شكلهم من بعيد حسيتهم بشر لكن لما قربت جدا ويارتني مقربت شوفت وش اتنين منهم اللي كانوا قريبين من اللمبة والباقي كله كانوا خيال اسود.. - اللي كان ماسك اللمبة كان وشه احمر دموي ونن عينه كان عامل زي القطط و شعره اسود قاتم جدا ورجله .. ايه !! مش ممكن محدش منهم لامس الأرض ... أنا سبتهم كلهم وجريت بس كل ما اجري الاقيهم كلهم بنفس الوضع قدام وشي بالظبط محستش بنفسي ساعتها وصحيت على صوت امي -- ايه ده .. كان حلم الحمد لله .. الحمد لله .. جريت بسرعة بره أوضتي مامتي بتقولي انتي كل ده نوم نايمة اكتر من 18 ساعة وكل ما نيجي نصحيكي تردي علينا بزعيق او تنامي تاني .. بصيت لماما باستغراب شديد وقولت في نفسي انا منمتش كل ده انا عارفة ... روحت سيبتها ودخلت الحمام وانا بستحما لقيت في علامات كتير على ضهري أثار عض في كذا مكان لبست وخرجت جري لأمي وأنا بعيط ودخلنا اوضتي ولسه بخليها تشوف ضهري .. أمي قالتلي فين بقا العض ده قولتلها على ضهري خلتني ابص في المراية ملقتش اي حاجة طبعا امي افتكرتني بكدب وقعدت تقول من كتر ما انتي بتقري في القرف ده اكيد جن لبسك قالتها بسخرية شديدة اوي ومشيت ... - من كتر عياطي نمت تاني اكني متبنجه وأول مغمضت عيني لاقيتني في نفس المكان تاني وفضل الحلم ده يتكرر يتكرر وطبعا خوفت أقول لأهلي عشان عارفة ردهم بس بعد عناد وخوف و فزع كل يوم أمي هي اللي قالتلي أنا هجبلك شيخ ساعتها قعدت اترجاها لدرجة اني بوست اديها بلاش شيخ واني مفيش حاجة وعرفت اقنعها بكده .... -- بس اللي حصل اني اول ماسبتها ودخلت اوضتي لقيت نفسي جوا المكان اللي في الحلم و كذا كائن قدامي صوت بأعلى صوتي لقيته بيضحك وبيقولي محدش هيسمعك روحت فتحت الباب وجريت بس ..
