الام .تنسيم .....تسومه كعدي ماما ابو الخط بل باب تنسيم. اي ماما خل انام شويه الام.اكلج السايق بل باب تكليلي انام كومي لو نظرة من ابوج تخليج بنص الجامعه تكعدين تنسيم .لالالالا كلشي ولا بابا دقيقة و واني بل سيارة .....صار الوقت اعرفكم بنفسي اسمي تنسيم عبدالرضا جابر ال ...... احنه من عشيرة معروفة كلش ابوية شيخ هاي العشيرة امي متوفية اتوفت اثناء الولادة بيه جانت الزوجه الثالثه لابوية واني بس هاي الوحده الها ربتني ماما بسمه وهي الزوجه الاولى ومصار عدها اطفال ابد بسبب بيبيتي ام ابويه جانت تغار منها وسوتلها سحر بلسبعه مالتها وخلتها تكوم وتوكع وميعرفون علتها لحد ورة ٦ اشهر انتهت فد مرة وبيبيتي اتخربطت وكللتلهم اني سويتلها سحر وخليته بل اكل مالتها من تاكل تتاذة بس بعديش بعدما انتها رحمها كلش وزوجة ابوي الثانية هي ماما رحمه هم زينة بس مرات تفرقني عن اخوتي او اني احس هي بعد مااريد اظلمها عندي ٥اخوة وبس اني بنية وماعندي احد اشكيلة ضيمي مواصفاتي اني اشبه هاي بس شعري يوصل لركبتي ومن اشسورة يصير اطول بعد
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
هسه خل اروح للكليه ومن ارجع اكمللكم ها طبعا نسيت اكللكم اني ادارة واقتصاد مرحله اولى طبعا بعد تواسيل واسطات وماما بسمه توسلت بابا وزعلت عليه يالله دخلت كلية بدلت وكملت نزلت لكيت بابا كاعد كتله تنسيم .صباح الخير الاب. هلا بابا تنسيم مااوصيج بعد ... ........ وشغل اسطوانة كل يوم لتحجين وي ولد وعينج بلكاع ولتراددين وووو غيرها مليت يومية نفس الكلام اكلت لكمه وحليب ورحت للسيارة طبعا كلها كامت تحجي ليش اتاخرت عليهم ومن هذا الكلام ركبت اني ماعندي صديقات بس وحده اسمها ميس الريم متزوجه وعدها ولد اسمه حسين حسوني فدوة لعينه يخبش اموت على خديداته مال عظ باوستها طبعا هاي بيت اسراري واني بيت اسرارها ودائما تنصحني احنه سوة من الثالث متوسط خطنه كية كله بنات بس بعد ينقصنه نفر وصلنه للجامعه بعد مو الكل مداومين فمر الدوام عادي بوقت الرجعه ابو الخط اسمه ابو مهند كال مالكيت بنيه تصعد وياكم بس ولد جاي محافظات وساكن بشقه وحدة بنفس المنطقة فياريت تقبلون يصعد ويانه محد اعترض بس اني خفت من ابوي اجيت اني وميس حاجيته بسكوت كتله اخاف من ابوي كال خوش ولد واني اظمنه ابن عشاير وهو شيخ عشيرة اني من كال شيخ عشيرة انقبظ كلبي خفت كلت هسه يطلع مثل ابوي وابومهند كال ياخذ الولد ويروح لابوي يحاجي بل رجعه بعدين الولد خابر على ابو مهند كاله اني رايح بسيارتي وباجر ارجع وياكم بيني وبين نفسي كلت لمن هو عنده سيارة المن الخط بعد المهم رجعنه للبيت اني انزل اول وحده وارصعد اخر وحده اوامر الوالد طبعا والبنات يضوجن من هذا الشي معليه بيهم وصلت للبيت طببت لكيت اخوتي ملتمين سلمت عليهم اخوتي هم احمد الجبير وهو بعد ابوي يلزم الشيخه عصبي وحنون بنفس الوقت خريج صيدله ومتزوج وعندة ٢ اطفال وكاعد بمشتمل طبعا ابوي ياهو الي يتزوج يطلعه بمشتمل وحده بس بشرط نسوانهم تخدم بيتنه وبيتها بوقت العزايم ووقت الاكل يجيبن اكلهم ويجون لبيتنه
علي الثاني خريج ادارة واقتصاد هذا صديقي الصدوق واقرب واحد الي متفهم وهادى اخذ بنت عمي لمار هم نفس طبعه عصافير الحب لان تزوجو عن حب وطبعا اني الواسطه مالتهم جنت هي تنطيني شبه بس موشكرة وعيونها سود اني عيوني خظر على ماما وماعدهم خلفة صارلهم ٣سنوات طبعا ماما بسمه تسمعها كلام واني انقهر عليها
امجد اخوي الثالث هذا جان خاطب وفصخ خطب بعد معاناة طويله عريضه لان الي يريدها غريبة عنه وبابا ميقبل ياخذ غريبه لان ميعرفون طبايعنه فبعد موافق بابا ت راحلهم امجد للبيت بعد معقد سيد وديسولف وياها راحت تجيبله مي وعافت تلفونها ودك تلفونها كاتبه على الرقم امجد حبيبي امجد استغرب فتح الخط جاوب ولد كال الو امجد سد التلفون واخذ الجهاز وطلع كله راسلني مااكدر احجي طبعا اجت الرساله وانصدم الولد كاتب بل رساله مو وعديتني اليوم تفتحين كاميرا وتشوفيني جسمج الله شكد مشتاقه اشوفه مشايفه من اخر مرة اجيتي بيها لبيتنه قبل اسبوعين يعني ورة خطبتهم فرجع طب صيح عليها وكتلها كتله محترمه طبو اهلها كلهم باجر اطلكها وخلوها الكم وراوة الرسائل لهلها والصدمه الكبرى اهلها طلع هذا شغلهم وموهمين امجد بلزواج حتى ياخذون فلوس وقبل العرس بفصخون ولهذا السبب اخوي صار منعزل وميريد احد وقلما يحجي واخوتي التوم حسن وحسين ثنينهم ٣كليه تجارة بس حين تزوج وطلع بمشتمل لان جان يحب بنت خالته وبقه حسين هم يحب بنت خالي اني وابوي معارض ياخذها لان يخاف يكلوله كصه بكصه وياخذوني لاخو روجمان وهذا اخوها ماعرف يشبهمن بس اني اسمب سبونج شفيق لان راسه مربع وخشمه جنه خشم شفيق بس عيونه زرك لان اهل امي عيونهم كلهم ملونه يتبع
