تعب الروح

تعب الروح ١

تعب_الروح١#
#زينب_الموسوي
القصص كثيره واصعب القصصً هي الي تكتبها وانت عشت كل تفاصيلها بفرحها وحزنها تبدي قصتي بمخيم لاجئيين عراقيين برفحا مدينه سعوديه ابوي من ضمن الي ثاروا ضد النظام بعد الانسحاب من الكويت عمري كان عشر سنين اسمي زينب وياي اخواتي  فاطمه وزهراء واخواني محمد وحسين توام عمرهم سنتين اني الكبيره وامي كانت ويانا بالمخيم كانت الظروف صعبه وخاصة للبنات ملابس ماعدنا بصعوبه نحصل ماي ونغسل الاكل مليان رمل من الصحراء المنام على الگاع واشكال الحشرات كنت بيه الالف العوائل العراقيه الي دخلت المخيم ومتعرف نهايتها شنو خسرنا مدارسنا وبيوتنا واعز شي خسرنا هو وطنا معظم الناس الي كانت بالمخيم تندمت مو على الثوره تندمت لان ماماتت بوطنها ومع ذلك صمدت الناس ورتبت وضعها الجديد فصلوا العوائل عن العزاب بنوا اساسات بلوك والسقوف  خيم بدينا ننزل كل شهر مره للمدينه نتسوگ فتحوا مدارس لتعلم قران صارت مشاكل بالمخيمات وقرروا كل محافظه تصير لوحده ويخلون واحد مثل الشيخ مسؤول عليهم احنا من كربلاء الحبيبه صارت عن طريق رجال الدين حمله لتزويج الشباب يعني من ١٢يبدون يخطبون مرت علينا سنه صار عمري ١١ظلت الناس تحچي على ابوي لان قدم لجوء لامريكا چان يگللوله زوجهن احسن متوديهن لامريكا الناس الي قدمت للجوء اكثرها چانت خايفه من هاي الدول بس مضطره تريد تستقر وتعيش تشتغل اطفالها تروح مدارس من صار عمري ١٢حصلنا لجوء ودخلنا لامريكا خايفيين مشايفين من الصحراء راسا لامريكا شوارع جسور مطاعم نظافه اخذتنا منظمه وانطونا بيت واثاث الولايه كانت بيها عرب بس العراقيين كلش قليل وكلهم مثلنا جايين من رفحا لو اريد احچي عن الصعوبات الي واجهناها احتاج سنين لالغه لاسياقه لانفتهم بالقانون حتى لبسنا مو مثلهم بس ربك يسهل على البشر وييسر امورهم وامي وابوي كانوا ميبطلون الدعاء ربي اني اسكنت ذريتي بواد غير ذي زرع فجعل افئده الناس تهوي اليهم والله استجاب وصارت عدنا عوائل صديقه وتعلم ابوي سياقه ودخلنا مدارس وظلينا نتصل بالعراق بس بصعوبه المهم نعرف الاخبار