اجيال

اجيال ١٢

#اجيال١٢
#زينب_الموسوي#
حوري حياتي صارت كلها قلق وخوف
رجلي ميدري شكو بالبيت وحتى من احجي وياه لازم التلفون والحجايه اعيدها مرتين عليه يجاوبني
ها انشالله
شنو انشالله سمعت شگول
سكت ماحجى
گتلك اريد اسوي شفط وشد لجسمي
ياريت حبيبتي انتي بعدج زغيره  ولازم تهتمين بنفسج وكافي تهتمين بالبهارات بالبرياني والدولمه لازم حامضه والكبه الي متنفتح حتى المواقع المشتركه بيها كلهاطبخ
وانت شمدريك
ادخل على تلفونج اشوفه
وليش اني مادخل على تلفونك واشوف
شسويلج انتي متغارين عليه اني اغار
يمكن واثقه منك وادري ماتبدل عشرة السنين
والله صدوك مابدلج بنسوان الدنيا

بديت التغيير على وزني ومضهري راجعت اطباء عرفت ان الغده لازم تدخل جراحي يعني عمليه وبعدها اگدر اشتغل على وزني وافقت على العمليه وانطوني موعد اسبوعين

استمرت لعبتي مع الجن باليل من تصعد سوسو لغرفتها اخلي اللايت بعيون البزونهً وتضل تصيح  البزونه وسوسو   تظل ترجف وتنزل تبچي جن جن وجمال وامها يتفرجون وكنت ازود حسام بمعلومات عنها شلبست شاكلت وين گاعده حتى الشامه بكتفها وصفتها
لحد اقترحت على امها
اسمعي جميله بنتج مبينه عدها. مس شيطاني ناخذها لهذا الي يطلع بالتلفزيون الي يثقب الجن يقرا عليها تصير زينه
وثاني يوم رحنا على ابو ثقب القاعه تخنگ من كثر الناس وكلها ترجف وتصيح وكلها عدها جن حتى شكيت بروحي اخاف اني هم عندي جن
وصل السرى يم سوسو  سال امها شبيها گالت جن يريد يتزوجها وهذي سوسو من شافت عيونه ابو ثقب   العسليه ظلت ترجف وهو يقرا وهي ترجف لحدوگعت بالگاع رجعناها وابو اتكسي فاتح جيناك بهايه والصوت يرگع باذاني
وسوسو صارت الا طحين دخلنا جمال موجود
ها شببها سوسو
والله ماادري تگول جن لابسها
گعدت الصبح احاول افتح موبايل جمال
گعد شافني احاول افتح تلفونه
سالني ها حوري شتسوين بتلفوني
دزيتلك صورتي اريد اشوفها وصلت
تعالي انتي شمسويه لشعرج يجنن صاير
والله حلو عجبك شوف افره مثل ذني الي يرگصن
اويلي شعر شعر هز يالكمر
هههه للگاع للگاع  الله ينطيه الي اخترع الكرياتين بس لو مخترعه بعرسي جا وفر عليه هواي عارات وحچي
بعدج تتذكرين ذيج الايام كانت صعبه بس حلوه لحد الان اتذكر اول مره زعلتي مني تتذكرين عليمن
لا مااتذكر عليمن
شفتي صورتي مجموعه ويانا بنات وزعلتي
دگ تلفوني الصبح اخويه فلاح
عرفت منه والدي انتقل لرحمة الله

جمال حوري والدها مات ومتاثره حيل صار الها يومين مامكله ومشايفها. بس امها بالفاتحه تنقلي اخبارها اني بين الاولاد وبين الفاتحه
باليله الثالثه گاعد على التلفزيون جتي سولاف يمي گعدت
شتسوي هنا امج وين تدري بيج يمي
لا متدري مهان عليه اشوفك ضايج
وگاعد لوحدك گلت اگعد يمك اسليك
حوري خطيه متاذيه على ابوها هوايه
هنيالها شگد تحبها لو اعرف شمسويتلك
شنو اخبار الجن مالتج
ردت اگوم انام لان كانت ملابسها مو مناسبه واولادي جوا نايمين بالصاله الثانيه تعاجزوا يصعدون
قبل لااوگف دخلت بحضني
شنو گلبك صخر احبك ابو ريماس
لخاطر الله لاتجيبلي مصيبه اني مو زغير
خلت اديها على لحيتي احبك لان مو زغير
باستني مرتين دفعتها ورحت على الغرفه
ركضت على باب الغرفه وگفت بطريقي
وخري لج شنو هالدياحه باجر من الصبح انتي وامج تطلعون مااريد اشوف خلقتچ هنا
تعلقت برگبتي ظلت تبوس ضعفت لحظات حضنتها ضحكت وظلت تهمس باذني احبك
وسط هذا المسخره الي كنت بيها شفت ليث واگف گبالي
ودفعتها حيل  والخجل من ابني ومن نفسي حجب قدرتي على التفكير
ليث اقترب منها وضربها راشدي وگلها 
خاينه مو كلتي احبك ونزلت دموعه
ردت عليه امشي لك زعطوط انت لزگه  انت وديت طلب صداقه اني وجوجو  نحب بعض وراح نتزوج
ليث  والي بينا ليليه حضن وبوس
كذاب انت متستحي وتتحرش
ماتحملت اشوف ابني يبچي وهي تگله زعطوط ضربتها ضربه
حميده لج حميده
كانت واگفه على الدرج
خير خويه ابو ليث
اخذي بنتج واطلعي برا هسه باتي عند امي والصبح مااشوف خلقچن اثنينجن
ليث لا بابا  احبها اريد اتزوجها بابا لاتطردها الله يخليك
كافي ليث بابا هذي وحده ساقطه
شوف صورها بموبايلي شوف رسائلها وحده متستحي تلعب عليك
ليث انت لعبت عليها وتريد تاخذها مني سوسو تحبيني اسف حبيبتي ضربتج ام ريماس سامحيني كومي ويايه للغرفه تنامين بحضني مثل البارحه
دارت الغرفه بيه كلام ليث شل  كل ذره عقل  براسي راسي
بابا ليث شنو مسوي وياها احجي بابا
ليث هاي مرتي حبيبتي
يامصيبتك ياجمال الغبي ابنك راح

ليث سوسو نسيتي الوعود نسيتي احلامنا وريماس  بتنا
  جمال شنو ليث يا ريماس جاوبني ليث
صعد لغرفته صعدت وراه انطاني موبايله
نفس الصور الي تدزهم الي نفس الحجي احبك وتزوجني وبتهم اسمها ريماس
راويته صورها عندي ورسائلها الي جذبني صوره الها ويه ليث يشربون عصير من نفس القصبه
شاف الصور ليث انهار بچي وطردني من الغرفه اطلع برا اكرهك اكرهك
سد الباب
نزلت جميله وبتها واكفات بالصاله
سحبت سوسو
لج انتي وليث شسويتوا احجي
ممسويه شي وياه هو هذا يعرف يسوي شي
يابنت الكلب يله برى جميله اخذي هالكح.....واطلعي
حاضر خويه بس اذا ابنك يحبها اخطبها اله
شنو اخطبها اله هذي الساقطه  وهي اكبر منه
هذي الاسباب لو اكو شي ثاني
شنو الشي الثاني شنو قصدج
سولاف تگول انت تحبها وتريدها
اسمعي جميله بلا خرابيط تاخذين بنتج وتطلعين
حاضر  انشاالله
رحت يم باب غرفة ليث ليوثي ابني اقسملك بالله الي شفته هي بدته ومكان قصدي اغلط وياها لكن هي
هي شنو بابا هي زغيره يجوز متفتهم واني ماافتهم لكن انت ليش  هم متفتهم
صدوگ ماافتهم ولو ميت ولا مهتزه صورتي كبالك
تدري بابا  كانت تجي ليليه عندي
شتسوي وياها احجي ليث شسويت
كانت تبوسني وتحضني وتكلي خلي نتزوج اني وياك ونروح ل امريكا
بابا ليش تخون ماما خطيه تحبك
افتح الباب بابا اني محتاجك اخذ بايدي فتح الباب شفت مزق الكتب والدفاتر والملابس

حضنت ابني ودي ابچي بحضنه من هالگد ممستصغر نفسي دفعني وطلع
وين رايح ليث الدنيا ليل
ليث معليك بيه انت حطمتني حرمتني من وطني وحبيبتي
هذا وطنك ابني
هذا وطنك انت مااريدك تتدخل بعد بحياتي

حوري
صار تلث ليالي بالفاتحه 
ومشايفه ولدي وگلبي يم جمال ليش  ميجيب الولد ويبات هنا  اكيد عنده شي
وچماله هذي جميله وبتها بالبيت اتصلت بليث باليل گتله انزل شوف ابوك نايم لو لا  ولحد الان مراد جواب اتصلت بيه
ها ليث ماما اشو مجاوبت
ليث تعالي شوفي رجلچ شسوا ميستاهل تحبيه
وسد التلفون اكيد جمال ضاربه لو مصيح عليه
اتصلت بجمال
شصاير ابو ليث متعارك انت وابنك
بلي متعاركين شمدريج
هو گلي بس مافتهمت شي منه فدوه جمال روح صالحه ابنك كبر ميصير تغلط عليه
صار هسه اتفاهم وياه
جمال
خابرت ليث ميجاوب
شسويت اني بنفسي وابني

سولاف راح احجي اخر جزء هنا
الي صار البارحه كنت مخططتله
وجمال يتصور نفسه تخلص مني لا المفاجاءات جايه وراح يتزوجني غصبن ماعليه وعلى الخلفوه وهسه تشوفون
يله ماما نطلع
جمال طلعت جميله وبتها قلعه بلا رجعه طلع الصبح واني انتظر ليث يرجع او يجاوب اتصالي
وديت اولادي للمدارس ورحت شفت حوري طلعت تبچي
حبيبتي ام ليوثي لاتبچين الله يخليج
ظلت تسالني على البيت والولد وعرفت طلعت جميله وبتها من البيت
ليش طلعوا
بتها مخبله وبيها جني وتروح تعلم اولادي هذي السوالف ويظلون يقلدونها
ها والله زين سويت كانوا موغفين على گلبي
شوكت ترجعين حوري البيت مينطاق بدونج
باچر باليل وارجع الصبح لهنا
صفنت عليها وبيني وبين نفسي اذا عرفت شراح يصير بيها