اجيال

اجيال ١٥

#اجيال١٥
#زينب_الموسوي#
بعد الست ساعات گدرت اطلع لبيت امي شافن البنات وضعي اتصلن بمحمد وسام اخذوني على الدكتور وعالجوني
الجواز راح شلون اسافر
وسام هسه صير زين وبعدين فكر بالجواز والسفر
اتصلوا بعائلتي فهموهم الوضع
ثاني يوم رحت على السفاره وقدمت جواز جديد يطول ١٤يوم
اشتريت تلفون
حوري من يوم الي رجعت واني مريضه واولادي متبهذلين ضغطي على طول صاعد وجمال تاجلت جيته ليث ميقبل ابوه يعيش ويانا  يگلي اذا اجى بابه لاتسامحيه خلي ياخذ درس واذا دخلت البيت اني اطلع
ماما ليث اذا طلع من البيت الناس هنا راح تحجين علينا وتجيب سيرتنا واحنا مناقصين
ها حنيتي ونكسر گلبچ عليه لان سمعتيه مضروب
ماما اخاف انت الك علاقه بلي صار بوالدك
اني شعليه هو مخلصها مولات وسوالف على النت تگلين اصدقاىه كلهم قفاصه لاتسامحيه خليه يتبهذل
هو اني اگدر اسامحه شايله هم اذا رجع شلون اباوع بوجهه لو ماانتم وحرام احرمهم منه ماخليته يدخل البيت
مراح يدخل البيت حتى الناس هنا عرفوا متزوج الاخبار بنت توصل بثواني
بقى ليث معاند وبدا يدور شغل
واني محتاره مااريد اخسر ابني وماريد ابهذل جمال

جمال
بعد ماصفيت اعمالي بالعراق وكلت

اخويه محمد على الاملاك رجعت لامريكا كلي ندم وخجل حتى ابني ليث كان اقوى مني وعرف يتصرف   واني الغبي ضحكت عليه وطرحتني زوج
طول مااني بالطائره اتمنى اوصل ومااوصل
وصلت الساعه ٩باليل تلگوني اولادي  ماعدا ليث كان مموجود
وين ليث
يشتغل بنادي رياضي فد ساعه ويجي
شفت وضعهم مبهذل
وين ماما
غيث  نايمه بغرفتها
وشلون صحتها
غيث تعبانه ضغط عدها مرتفع وينطوها ادويه تنزله
الله كريم  شنو محتاجين اجيبلكم
غيث مامحتاجين شي بابا متريد تشوف ماما
خايف ادخل تريد الصدوك بابا
غيث ندخل وياك يمكن من تشوفك تصير زينه
دخلت ويايه ولدي نايمه وجهها اصفر وحول عينه منطقه سوده واثر الكانونه باديها
اقتربت منها
بستها بگصتها فتحت عينها
سلامتج ام ليث متشوفين شر انشاالله
الله يسلمك  ردت گوه ولان الاولاد واگفين
هسه وصلت وصفيت كلشي هناك رجعت الكم وبعد مااعوفكم تروحون من ايدي
كان بعينها سوال تريد تسال عن سولاف بس عزة نفسها تمنعها
ردت
اني تعبانه اريد انام وندارت على غيث واخوانه ماما اكلتوا
غيث اكلنا سريل وحليب
سوده عليه ماما بلكي باچر اصير زينه واطبخلكم
شنو تطبخين انتي ارتاحي اني موجود
طلعوا الاولاد رحت يمهم كان في مواعين على السنك والمطبخ هوسه
غسلتهم وساعدني غيث وراحوا ناموا الا غيث بقى يمي اول مره احس بيه كبر وصار رجال
غيث بابا طلگت سولاف
بلي بابا طلگتها وبعد مااريد اسمع اسمها بالبيت
غيث كنت تحبها
لاوالله وداعتك انت كنت الهو  وبس شي مامجربه قبل رسائل باليل وشعر وصور كنت العب بملعب مو ملعبي ومكنت ادري ابني  ليوثي راح يكرهني من ورى هاللعبه
غيث
بابا اني بقيت بالعراق تسع اشهر  ا لي عرفته من الولد هناك اذا ماتكبل اصدقائك يستصغروك ويعتبروك فاشل
بابا انت زغير بعدك
ادري بس احنا جيلنا التواصل الاجتماعي فتح عينه على كلشي كبرنا غصبن ماعلينا
عجيب هذا المفاهيم الجديده بابا  غيث  الحب شي جميل يختلف عن هذي العلاقات العابره
بابا اني هسه اريد اهتم بدراستي كافي السنه الضاعت
عفيه عليك ابني واكيد ليث راح يسامحني بيوم من الايام 
غيث  بابا لاتترك ماما وسط المرض حياتنا كلها هي
والله كلامك صحيح حياتنا كلها حوري
بالليل رحت يم حوري گعدتها من النوم
حوريتي ام ليوثي محد اخذت مكانچ وحق كل الي بينه وحق كل السنين الي مرت مالمستها ولا فكرت حتى بيها
جمال تعبانه اريد انام وضغطي  صاعد 
سلامتج انشاالله بيه ولابيچ نامي حبيبتي
كنت تعبان من السفر نمت نومه طفل
مفطوم يتمنى صدر امه
بعدها بعشر دقايق اندفرت الباب ودخل ليث
ليث مو گتلج ميدخل البيت يعني تريديني اني اطلع
جمال تعال لك شنو تدفر الباب وتدخل متستحي ويابيت الي اطلع منه
تطلع من البيت لو اني وماما واخواني نطلع
حوري كافي اثنينكم ليث يمه انت عاقل وتفتهم الناس راح تگول المره او ولدها طردوا ابوهم
جمال انتي صدوك تحجين تطرديني من بيتي خايفه من ليث هسه براشدي الزگه بالگاع
ليث تلزگ منو بالگاع يله بله شو تعال
حوري اني الي راح اترك البيت وانتم تگاتلوا بيناتكم محروگ گلبكم اثنينكم على سوسو وتطلعون قهركم بيه اني طالعه هنيالها على هذا الحظ ابني ورجلي ميتين عليها
ليث تعالي ماما اصعدي بغرفتي انعل ابو سوسو تروحلچ فدوه
اخذ حوري وطلع وبقيت اني بالغرفه شنو هذا الجيل العجيب يتصورون نفسهم كبروا واحنا شنو مالنا وجود