تعب الروح

#تعب_الروح ٣
#زينب_الموسوي
فاطمه مگدرت على الحاح اهل حيدر ورا شهرين من الدراسه تزوجت بس الولد تعهد ميبطلها امي بدت تتعب حيل والمصاريف زادت عليه وعليها وليل ونهار تشكي من گلبها تركت العمل لان الاطباء منعوها عدها قلب تركت الشغل بالمجمع لان جدوله ميناسبني واشتغلت بفندق من اربعه العصر للوحده باليل انضف غرف وابدل  شراشف رجال جوارينا اسمه ابو علي وياي ومن يسألونه يگلهم بنت اختي
وبقيت على هذا الحال اكد واتعب نسيت اني بنيه والله حتى مااعرف اني ضعيفه سمينه حلوه لا البس نفس الملابس وانام بيها اكل ماالحگ اختي زهراء تعلمت سياقه ومخليتها تشتغل لان تودي امي للدكتور محمد وحسين يراد احد يمهم وتعبت روحي لحد الخوف لا فد يوم اموت وتبقى امي واخواني منو الهم خلصت اول كليه وفاطمه خلصت اعداديه وزهراء نجحت اخر سنه اعداديه ومحمد وحسين بعدهم ابتدائيه اخر سنه بيوم احد باليل اتصل حيدر زوج فاطمه
هلو حيدر خير
تعاي اخذي اختچ مااريدها
شنو متريدها هي سياره وتريد ترجعها وليش اني اجيبها انت شبيك
اختچ متحترم احد وكل شويه تبچي وحامل صارلها شهرين متگول
ليش انت متريدها تحبل لعد منو گالك تزوج
اگلچ لاتتفلسفين براسي تعاي اخذيها لااطردها بالشارع
شوف حيدر اولا متگدر تطردها لان اخابر عليك الشرطه ثانيا اختي مرتك تجيبها للبيت معززه مكرمه وتروح امي مريضه مابيهاًحيل هبطات وتفاهموا بعدين زين
اجتي فاطمه وفهمنه امي حامل وتريد ترتاح وافتهمنا زوجها عنده صديقه امريكيه. تاكدت هذا الزواج مراح يطول گتلها قدمي كليه ومن تجيبن ابوه ملزم بالمصاريف وامي اداريه وفعلا دخلت كليه اختصاص بسيط بالتمريض سنتين بس وتتخرج صار عمري عشرين داومت ثاني سنه بيوم عندي امتحان مخليه الورقه گدامي واحل حسيت كرسي مالتي انضرب من ورا مادققت اول مره مره ثانيه انداريت ولد يگلي افتحي ورقتچ شويه لاتصيرين خبيثه
ضحكت ونداريت يعني هم غشاش وهم لسانه طويل بس عراقي المساعده واجب فتحت الورقه وكل شويه قربيها للورقه مدا اشوف
خلص الامتحان اني اطلع ركض حتى الحگ على الشغل شفته يركض ورايه يصيح اوگفي شبيچ وگفت اول شي انتبهت عليه الترتيب والاناقه وقارنت بينه وبين البهذله الي اني بيها همزين لابسه حجاب لو يشوف الكفشه يكره جنس البنات كله
شبيچ تركضين نفسي انگطع
عندي شغل مااگدر اتاخر انت ويانا بالكلاس
لعد شسوي بالامتحان اذا موياكم
مو مشايفتك
هو انتي شايفه احد صار شهر اشوفچ تحضرين المحاضره وتطلعين ركض
هم صدوك المهم نقلت زين
هو خطچ هم خط واحد يقراه كلشي مفتهمت
اي لو گايلي قبل الامتحان حتى ارتب خطي
يله المره الجايه رتبيه تعرفين اسمي
لا والله مااعرف احد بالصف
اني حمزه
الي بفلم الرساله يطلع
اي هو بس ورا الفلم رجعت طالب
واني زينب
اعرف اسمچ عراقيه من كربلا ابوچ متوفي الله يرحمه
شلون عرفت وليش سالت منو عليه
كل هاي الاسىله وحنا واگفين تعاي نگعد
ماعندي وقت والله
مو واگفه تسولفين شنو الفرق اذا گعدنا
المره الجايه نگعد هسه تاخرت
مااجاوب الى ان نگعد شوكت باچر
باچرانشالله
وعد ها
لا مو وعد حچي نسوان لاتاخذ بيه
باجر حتى لو حچي نسوان انتظر باچر
بديت اسوق واني بالي مشغول تنفتح الاشاره خضرا ابقى واگفه صافنه الى ان اسمع الهورن باوعت على نفسي بالمرايه هاي شبيچ زينب شجاچ زغيره مراهقه هو رجال گال اعرف اسمچ شبيچ تفكرين بدلة الحنا راح تختاريها يالون وبعدين اني ضروفي واهلي وعيشتهم خلي اركز على الطريق احسن ناقصه مصايب اني اجى باچر غيرت التشيرت الي كل تلث ايام يلي اغيره ورتبت نفسي اول مره انتبه على نفسي واني طالعه وانسق كل مره الف الحجاب وكبل وصلت  بالكراج الي يخلون بيه السيارات حمزه منتظر بالكراج سلم
يله وين الوعد تعاي نكعد
والمحاضره راح تبدي
بعد عشر دقايق ونتاخر عشر دقايق بحجه ازدحام بالطريق
اوكي ليش تريد نگعد
مو انتي تريدين تعرفين شلون عرفت اسمچ مو اسمي اسمي عرفته من يصيحون بالحضور بس اني من كربلا وابوي متوفي شلون
والله انشلع گلبي يله عرفت لان انتي حتى صديقات ماعندچ دخلت على سجل الطلاب وعرفت محل الولاده كربلاء والوالد متوفي متريدن تعرفين ليش دورت بمعلوماتچ
ليش دورت
اني منقول لهاي الولايه جديد كنت بولايه ثانيه ومن بداية السنه عيني عليچ وحتى الغش هم حجه لان انتي متنطين مجال غير تساليني منو انت شرايد
يجوز ميهمني اعرف
ها يجوز بس خلي اگلچ اني حمزه عمري ٢٢سنه تاخرت بالدراسه سنتين عايش وي عائلتي امي وابوي واخ متزوج احمد واخوات اثنين حبابات مثلچ ابوي دكتور معروف وامي مدرسه اثنينهم يشتغلون
اوكي ليش دتگلي هذا كله
ماادري اذا اگلچ يهمني تعرفين راح تساليني ليش وراها ليش واليوم منخلص زين انتي متريدين زميل صديق
ماعندي وكت لهاي السوالف اريد اخلص كليه وارتاح مااريد اشغل فكري بشي ثاني
يعني اذا صرنا زملاء راح ينشغل بالچ
اگلك اني مو زغيره ولاغبيه وانت خايف تكول شتريد لا ارفض شنو زملاء عيني اصلا احنا زملاء بكلاس واحد
لعد راح اگول الي بگلبي وراها ادخل المحاضره وانتظر ردچ انتي شاغلتني وتهميني حاولت اوصلچ احساسي انتي مشغوله وممنتبهه على الي حواليچ انطيني فرصه اقترب منچ واعرفج هنا بمحيط الكليه لاتطلعين ولا تفترين وياي
لا عايزه اطلع وياك هو اني ماعندي وقت ادرس انوب اطلع
ليش على طول تگولين ماعندي وقت
هاي قصه طويله بعدين احچيلك عليها المحاضره بدت 
بعدين تحچيلي يعني راح تحچين وياي شوكت
بعدين الله كريم تعال نركض  حتى نلحك على المحاضره
من ذاك اليوم دخل حمزه حياتي مااعرف شنو اسميه واي صفه انطيه لكن شي حلو منعش يذكرني اني عايشه وخلاني افكر بزينب البنيه الي شايلهً حمل اهلها من حقها تعيش تلبس تترتب بعد اسبوعين من معرفتي اله فكرت اجرب الميكب اني مااخلي لان كانت وفاة ابوي وكنت زغيره وبعدين شغلي منظفه وخاله ميكب مراهمه اخذت جنطه فاطمه داطلع منها الميكب لگيت الحمره مكسوره والباودر يابس والكحل معفن فاطمه شنو هذا الميكب من هاحيدر عافچ وراح للامريكيات
وانتي شچاچ اليوم تخلين ميكب شكو
شكو يعني ارتب نفسي ميصير
لاعيني يصير بس ديري بالچ تصيرين مثلي صدگت اول واحد گال احبچ
لاتضوجين فطومه حيدر بعده زغير هسه يفتر ويرجعلچ المهم انتي ادرسي
حتى حچيچ متغير كله عيني وتحچين بنعومه وعيونچ تلمع اگص ايدي اكو رجال بالموضوع وعاجبچ همين
لچ ليش متاخذين خيره احسن
لاتقشمريني اليوم بالليل ترجعين تحجين شكو من رجعت حچيت الفاطمه صدمتني بحقيقه ممفكره بيها
لچ هذا ابوه دكتور وانتي منظفه بفندق وامه مدرسه واخو مااعرف شنو عوفيه من هسه حيدر فگر وشاف نفسه عليه وعافني
بس اني لحد الان مداخله وياه بعلاقه نوگف عشر دقايق الصبح وبس
وبهاي العشر دقايق شتحچون تراجعون الدروس هي اي علاقه تبدي هيچ وبعدين تصير انتي الهوا الي اتنفسه وانت الضوا الي اشوف بيه
عيني ام الهوا والضوا اذا هيچ تفتهمين شبيچ رچلچ عايفچ ولاحك امريكيه
دوني ميفتهم بسيطه خلي اجيب اذا مااوگفه هو واهله بالمحاكم هسه تشوفين