تعب الروح

تعب الروح ٦

#تعب_الروح٦
# زينب_الموسوي
فكرت ويه نفسي يمكن اهل حمزه مراضين على الخطوبه لذلك ماكرر الموضوع وياي وحتى بطل الحاحه نطلع سوا مگدرت ادعي ممهتمه قرت اسأله مو لان مستعجله على الزواج لكن مااحب احد يستخف بعقلي واريد اتاكد اذا كان حمزه اتراجع لو اصلا كان مناوي جاوبني
لو عليه نتزوج اليوم بس اهلي مراضيين ابوي اصلا ميحچي وياي من يوم الي عرف اني عندي بت عم يتيمه عايشه ويانا من الصغر گايلين الي وابوي يريد الورث الي عدها يعني اتزوجها حتى ناخذ ورثها
ليش ابوك فقير ماعنده حتى ياخذ مال يتيم
زينب ابوي دينه ومعبوده الفلوس اصلا صار دكتور حباً بالفلوس مو بالطب
وليش مگتلي صار شهور
زينب اني مدا اگلچ هذا الحچي حتى  اتهرب من وعدي الچ ومستحيل اتزوج غيرچ بس اذا اگالچ الحل متقبلين لذلك ساكت
شنو الحل بله
اخطبچ من اهلچ لحد مااتخرج ونتزوج
بدون اهلك ميوافقون مو
زينب اهلي مراح يوافقون لو اموت انتي لاتصيرين مثلهم وبس تريدين تتمسكين بتقاليد ماالها معنى
شنو الي مااله معنى موافقة اهلك وناسك وعرس مااله معنى
اذا مضطرين اذا راح ننحرم من بعضنا واتزوج وحده مااطيقها اذا اگعد الصبح يوميه وانتي مو يمي اني مراح اخذچ بالسر گدام الناس كلها وزفه تطلع من باب اهلچ شنو الغلط بالموضوع اعتبريني ماعندي اهل
لاحمزه مااگدر اسوي هيچ وحتى امي متقبل اختي اهل زوجها وافقوا ومقبلت تنطيها انوب اني
انتي خليني اشوف امج واني اقنعها المهم انتي وافقي شوفي بعد كم سنه راح تتذكرين هذا اليوم ويمكن تحچين عني لاطفالچ شتريدن تگولين الهم ابوكم لو رجال متعرفوه
عفيه حمزه كافي تلعب بعقلي روح هسه وبعدين اشوف حچيت لفاطمه گالت اذا يتخرج وتشتغلون اثنينكم ليش لا واهله بعدين يوافقون
اتوسلت بيها تفاتح امي لان اخجل منها وحچت فاطمه امي سألتني
انتي رايدته الولد وتعرفيه خوش رجال لو مثل حيدر
ماما اذا رايدته او لا انتي الي تگولين عليه اسويه
مبين من جوابچ تريديه وتريدني اوافق اووف منچن يالبنات بس تريدن تلبسن الحلقه ميتات على الزواج
ماما لعد انتي مامتي علمود تتزوجين ابوي الله يرحمه فدوه ماما احجيلنا شلون اتزوجتي بابا
دكافي كافي گلي لصاحبچ خلي يجي اشوفه
اتصلت بحمزه راسا وگتله امي تريد تشوفك
اجى ثاني يوم حمزه امي سألته ليش اهلك مقابلين حچالها الاسباب امي ماقتنعت وگالت اله ميصير انطيك بتي بدون موافقتهم باچر اذا اخذتها وذبيتها عليه اعاتب منو اني جيب اهلك احسن وزينب مطايره تتخرجون والله كريم اصر حمزه يلبس حلقه هو انطى لامي حلقتي امي گالتله خليها عندي