تعب الروح

تعب الروح ٧

# تعب_الروح٧
#زينب _الموسوي
-  كنت بالشغل اخر ايام الدراسه وفرحانه فاطمه راح تتخرج وتشتغل وتعيني اتصلت بيه ام حمزه اني مااعرف رقمها ولااعرفها بس هي عرفتني على نفسها حچتلي
- [ ] خاله زينب اعتبريني امچ وساعديني ابني وابوه صايره معارك. بينهم علمودج حتى السياره مالته ابوه اخذها ماشفتيه يجي بسياره مرت اخوه ميقبل ياكل بالبيت وابني مدلل مو مال بهذله الله يخليچ لاتشلعين گلبي وگلب ابوه
- [ ] على شنو خاله مفتهمت
- [ ] حمزه يريدج اني ماعندي مانع والله ابني لو يريد نظر عيني انطيه بس والله سالنه عليچ شغلج مو مناسب النا
- [ ] وهسه شنو المطلوب مني
- [ ] گوليله خلي يأجل الموضوع لحد متتخرجون بلكي يتصالح ويه ابوه
- [ ] صار خاله اني هم مامستعجله على الزواج هسه
- [ ] خاله ابوه مراح يخليه ياخذچ لان يريد بت اخوه طالبه صيدله انتي خليه يايس منچ فدوه لان مااريده يترك البيت
وليش يترك البيت
هو البارحه كال اذا متروحون وياي نخطب اتزوجها من اتخرج واطلع بشقه والله ابوه يموت اذا سواها
لا خاله اني هم ماقبل بهيچ زواج الي يريدني اهله لازم يجوون قبله يخطبون اني مو اقل من ابنچ بشي ولا گاعده على الرصيف ادور رجال ياخذني وكلها سنه اخذ شهادتي واني افتخر اشتغل وساتره نفسي واخواتي ممسويه عيب
خاله انتي تحبيه لحمزه اذا تحبيه مترضين اله البهذله ولاتگليله اني اتصلت
رغم اني قويه لكن ابتعادي عن حمزه شي مؤذي صار اكثر من سنه عرفته مؤدب ويحبني والاهم اني هم احبه لكن اهله ميريدوني ولو اخلي نفسي بمكانه واهلي ميريدوه كان عفته لكن حمزه مگدر يعوفني وحاولت بكل الطرق ابعده عني اجي متاخره عن المحاضره حتى منوگف واطلع ركض تلفون مااجاوب لحد يوم  رجعت من الشغل لگيته واگف بالسياره يم بيتنا ينتظرني
حمزه شتسوي هنا تدري بيش الساعه هسه
وانتي تدرين ادگ على تلفونچ متجاوبين ادري ليش زينب
اذا اهلك مقابلين ليش تريد تعذب نفسك بهيچ زواج  قابل تحبني اكثر من اهلك
احبكم اثنينكم بس ماريد احرم نفسي منج
جرب مراح تخسر شي واني موجوده مطايره
الله يخليج زينب لا تتعاملين وياي بدون مشاعر انتي تحبيني بگد مااحبج وموافقه اهلي تجي بعدين
تگدر تستغني عن. دلال  ابوك سياراته فلوسه والاهم رضاه عليك والله اول انسان راح تكره اني بس يقاطعوك وتحن الهم
الله يخليك اني مناقصه. فكر بالبنيه الي رايديها اهلك جرب اسمع كلامهم اسبوع شهر لحد منتخرج بكيفك
زينب لتطوليها انتي متدرين بلي ابگلبيً مو زغير حتى امشي على حچيهم ماكو شي بالدنيا يعادل اگعدالصبح انتي گبالي
لا اكو امك وابوك فكر واني مستعده لاي نتيجه تركني وصعد السياره اجاني احساس غريب بالخوف وگلبي انقبض شيصير لو اهله يوافقون  ثاني يوم الصبح
- [ ] بقت عشر دقايق واطلع للشغل دگ تلفوني رقم حمزه جاوبت سمعت صياح وافتهمت ديتعاركون على التلفون ابو حمزه حجى وياي مااگدر اگول الي گاله لو ديحچي ويه مومس ميوصفها بالاوصاف الي وصفني بيها واصعب ماگال سب ابوي الله يرحمه وبعدين صار صريخ ومعرفت شنو صار
- [ ] هذيچ اللحظه هانت بعيني الدنيا مردت امي تعرف اخاف عليها طلعت من البيت خبرت الشغل بطلت وضليت گاعده بسيارتي ابچي شنو الي سويته خطا اني ماردت هاي العيشه انفرضت عليه يمكن خطاي حبيت والحب للناس المرتاحه مو الي اوگف من السته الصبح للوحده بالليل عمري واحد وعشرين سنه من دخلت امريكا لحد الان مشفت مناسبه غير زواج اختي فاطمه اتمنى يوم بارد ابقى بفراشي دفيانه مااروح شغل اتمنى اصبغ شعري بدون ماافكر فلوس الصبغ تفيد اخواني اتمنى اطلع سفره مثل صديقاتي اتمنى اب ياخذني بحضنه واگله  بابا تعبت...يتبع