تعب الروح

تعب الروح ٨

تعب_الروح ٨
#زينب_ الموسوي
عرفت امي تركت الشغل وگتلها لا تخافين العطله جايه واشتغل صبح وليل رن تلفوني اخت حمزه اسمها صابرين اول مره احچي وياها تعارفنا وحچتلي
زينب اخذت الرقم من حمزه هو بالمستشفى
يا شبيه بالمستشفى ليش
من بابا تجاوز عليج تعاركوا اثنينهم على التلفون واخوي انمار ضرب حمزه وصارت هوسه صياح وعياط ارتفع عنده الضغط وگع تگدرين تروحين تشوفيه الله يخليچ
هو بنفس المستشفى الي يشتغل بيه ابوچ
اي نفس المستشفى بس باچر ابوي ميداوم وامي يمه تريد تشوفچ
ماادري اروح لا اسال امي
مسالت امي لان ادري متقبل رحت للمستشفى شفت امه صح المره تحچي حلو بس عيونها مطايقتنيً
وطلعت بعد ماسلمت وذبت كم حچايه تسم البدن انتي قصيره وتعب الشغل مبين عليچ سكتت مرديت يعني ابنها صار شگد يشوفني اكيد لاحظ اني قصيره ماكو داعي تنبه ترى يشوف مو اعمى
حمزه ممبين عليك مريض عبالي اجي الگاك موجهيك للقبله ودتوصي هذا دلال زايد
هو انتي واهلي واحد منكم راح يموتني
ليش اني شمسويه اذا مو گد الحب وعذابه ليش تحب
تورطت بعد ميفيد الليل كله ادعي انساچ ودعائي يجي بالعكس
لا والله اذا تدعي تنساني شلون تريد تتزوجني
ليش انتي تقبلين كل يوم عذر واهلي معاندين واني بنصكم
حمزه والله اني هم مو بيدي بس خلي نتخرج اثنينه وذاك الوكت نتزوج
حتى لو اهلي مموافقين
حتى لو مموافقين الناس راح تحچي عليهم مو علينا والله مايرضى يبعدونه
احلفي متغيرين رائيچ بعدين
والله مااغير رائي
بقينا اني وحمزه ننتظر يوم التخرج اشتغلت فاطمه وزوجها حاول يرجعها مقبلت لان تعرف يريدها تصرف عليه اتخرجت زهراء واشتغلت بعياده واني كنت اشتغل بمعهد تقوية لغه للمهاجرين وتخرجنا اني وحمزه وبدا يشتغل بمعرض سيارات لان ميحب التدريس ودوام واجى الوقت الي ذكرني بالعهد بيني وبينه