تعب الروح

تعب الروح ٩

#تعب_الروح٩
# زينب_الموسوي
ظل حمزه يوميه يذكرني بالحلف الي حلفته فتحت الموضوع ويه امي
ماما حمزه يريد نتزوج بدون موافقة اهله واني اشوف مابيها شي لان هم رفضيين بدون سبب
لا اني هم رافضه انتي هسه معلمه وشابه الف واحد غيره يتمناچ
يمه بس الي اتمناه اني حمزه يمه اني شابه وامريكا حياتها زلگ والي گبالي شاب احبه ويحبني ليش ادور الف غيره اذا اعرف نفسي احبه
لچ زينب تصيرين مثل فاطمه شهر ويعوفچ
ماما رجل فاطمه كان طفل حمزه عمره ٢٥مو زغير وصار تلث سنوات سوا الله يخليچ ماما اوگفي ويانا فدوه اني بعمري ماطلبت منچ شي ولارديتلچ كلمه
الله يدري بگلبي ممرتاحه من هذا الزواج بس مبين عليچ ميته عليه هاي هيه خلي يجي نتفق على التفاصيل اتفقوا امي وحمزه وعقدنا بالمحكمه وعند الشيخ وبدا يدور على سكن قريب من اهلي وحصلنا شقه وتساعدنا اثنينه على تاثيثها بدت امه تتصل بيه يوميه وتگلي حرام عليچ ابوه راح يتبرى منه ويلغي الكردت كارت مالته ويلغي التامين الصحي عوفيه وانطيچ الي تريديه حاولت اقنعها اني مااريد فلوس وااثر عليها توگف ويانا مفاد وكل مره. اسال حمزه اخاف تندم يجاوبني اندم اذا عفتچ  وكان عنده امل من نتزوج يغيرون رائيهم رحنا اني وياه نختار غرفه ولمن اجينا ندفع. عرفنا الكردت كارت ملغي مگدرنا نشتري گتله عادي نتزوج وبعدين نشتري غرفه بس حمزه ماتقبل الموضوع حس بالاهانه من ابوه راح على البيت وناوي يتعارك هذا الموقف صار قبل موعد عرسنا بخمس ايام اليوم كله متصل بيه حمزه واني عندي موعد على قياس بدلتي وفاطمه لازمه التلفون وتدعو صديقاتنا للعرس خفت اگول الهم نتظروا امي تسمعني الشعار اليومي مو گتلچ مندفع زايد وهذا مدلل ميفيدچ سكتت ورحت جبت البدله واخذنا صور بيها اني واخواتي زهراء دزت الصور لحمزه حتى يشوفني بالبدله چنت اشوف اخواتي واخواني يضحكون وفرحانيين واني جواي ضحكه خايفه   لاتنذبح ويتراجع حمزه مرت يومين بالليل خابر حمزه سلم وعرفت من نبرة صوته خجلان ويريد يعتذر
شفت صور مالتي بالبدله اخبل مو
زينب اسمعي الي راح اگوله المشاكل الي بيتنا وصلت حد مينطاق ابوي تعارك وي امي وعاف البيت وامي تتوسل بيه حتى أاجل الزواج وحتى المعرض الي اشتغل بيه هم اصدقاء ابوي واثر عليهم يطردوني من الشغل. مااگدر اتزوج واهلي بهذا الوضع خلي نأجل احسن
ماكو داعي ناجل نلغي احسن انت على كردت كارد ماتحملت شلون راح تتحمل بقية عمرك بدون فلوس ودلال ابوك
ماگلت نلغيه انطيني فرصه تهدأ المشاكل بيتنا يعني شلون اتزوج واهلي صايرين حرب بينهم
حمزه خذلتني وفشلتني لو اموت بعد ماصدگ بحچيك مفكرت بيه باهلي بامي الي جبرتها توافق على زواجنا الناس الي عرفت موعد العرس ترى الفكره چانت فكرتك من الثاني كليه واهلك من ذاك الوكت مشاكل هسه تذكرت ميصير نتزوج وهمه مشاكل
زينب والله البيت مهجوم الكل يلوم وامي منهاره واخوي يتوسل بيه انتظر وعدني يقنع ابوي واصلا هو مندري بيه وين راح تلفونه ميجاوب
روح اضحك على غيري بهذا الحچي لايسمعك ابوك وياخذ التلفون منك وشلون تعيش بدون تلفون صدگ اني غبيه وديلي ورقتي الله يخليك حتى بيتكم يرجع عامر
هذا الحچي لاتعيديه بعد مستحيل يصير بينا طلاگ
مثل مامگلت مستحيل تعوفني
سديت التلفون ظل يتصل بيه قفلت التلفون رحت على غرفة امي چانت متمدده بغرفتها ركضت عليها وماگدرت احچي افتهمت من دموعي وحرگة گلبي فاطمه خبرت الناس اجلنا العرس لان ابوه مريض