تعب الروح

تعب الروح١٤

تعب_الروح ١٤
#زينب _الموسوي
كنا اني وعدنان وامي بمجمع تسويقي شفت حمزه وظل يتابعنا وين منروح حچيت ويه امي حتى تتصرف وياه امي گالت لعدنان يمه انت انتظرنا هنا اني وزينب نجيب شغله ونجي صار اكثر من سنتين مشايفه حمزه ومااعرف ليش گلبي مخبوص اقترب من عدنه وسلم امي ردت اني ساكته سأل امي زينب مخطوبه صدوگ.  اي مخطوبه واسبوع وتتزوج.  تدرين بيه اني طلكت     شي ميهمنا خاله كل واحد راح بدربه واخذ نصيبه
وصارت عندي بنيه سميتها زينب
يعني تخليت عن اثنين اسمهن زينب بحياتك
اريد الاسم يبقى وي اسمي للموت
وشتسوي بالاسم وانت عفت صاحبته
الله يدري بندمي على الي سويته
حمزه ماكو داعي لكل هذا الله يخليك روح  ارجع مرتك وانسى احنا ممقسومين لبعض
اني تركت بيت اهلي ونرجس وزينب بنتي عايشات وي اهلي
حتى لو حمزه انتهينا اني على ذمة رجال هسه يحترمني ويقدرني ماأگدر اجرحه مثل ماانت سويت
خاله احچي وياها تنطيني فرصه
خاله كافي حمزه طريقك غير طريقنا
خلي تفكر واني اجي على المعهد اخذ جوابها
عرفنا حمزه ديحچي بدون وعي وميعرف شديگول وديت اخواني عليه لشقته القديمه اتفاهموا وياه ميقترب مني وميحاول يحرجني گدام عدنان اتصلت بعدنان باليل
عدنان اريد اطلب منك شي تحققه اليه
كولي واعتبريه صار
اني تركت العراق عمري عشر سنوات اريد اشوفه اشوف كربلاء نسافر اني وياك ونتزوج هناك
وامي وين تروح
خلي تجي ويانا هم تشوف عرسنا وهم تزور
يعني متتضايقين منها
ليش اتضايق مو راح نعيش سوا
لعد خلي امچ تروح ويانا
صدوگ خوش فكره بس اذا تعاركن امهاتنا بيناتهن شلون
معلينا بيهن احنا نسد بابنا والصبح. نگعد نشوف المنتصر نصفگله
صدوگ عراقي تموتون على التصفيق
بشهر التاسع سافرنا وتزوجنا هناك عند الامام الحسين عليه السلام كان عمري ٢٨سنه بحياتي مع عدنان ايقنت ان ربنا سبحانه وتعالى دائما ارادته  افضل واجمل النا ولو نصبر ونسلم لارادته ندرك كل حزنه ودموعنه سببها هوى النفس مو حظ ولا نصيب وصدگوني رغم بفتره من حياتي كانت كل امنياتي اكون زوجه لحمزه لكن هسه من اتذكره مااتحسر على الصار وهاي الذكريات هي الي دفعتني اتمسك بزوجي واكون وياه اسره احاول قدر الممكن اجعلهم سعداء مثل ماهمه يحاولون يسعدوني بقت كلمه هي الي دفعتني اكتب قصتي رغم اني هسه عمري ٣٧سنه هي الحب اذا كنت شاب او شابه وتعيش قصه حب فكر ان متتخلى عن الي تحبه متوعد وعد انت مو گده كسر الگلب ذنب الله يحاسبك عليه الي يحبك يوثق بيك وتصير كل تفاصيل حياته صعبه بيوم وليله تريده يلغيك من حياته بكل اه وكل حسره الله يكتبلك ذنب واذا كنت اب او ام من اكبر الاخطاء الي ممكن ترتكبونها بحق ابنائكم هو غصبهم على زواج شخص انتم تريدوه من حقكم تدخلون تنصحون باختيارهم لكن مو من حقك تحرمه من الشخص الي اختاره  بقى اخبركم حمزه رجع لنرجس بعد خمس سنين طلاگ وعايش بيت ثاني بولايه ثانيه بعيد عن اهله وعنده زينب وايه وعلي يتصل بامي مرات الحمد لله على كل حال واسفه على الاطاله