💕أحببت الطفلة💕

البارت 44 💕

غادي و تايخبط... تانشهد صافي غادي نديرو شي كسيدة..

جاد : علااااش تاترقصي مععاه شكون هذااك؟؟؟؟

انا : ماسووقكش شكون نتا تاتحكم فيااا

جاد : ومزاااال زايدا فيه مزال كاتغوتي...
تايهز يديه حتى كايبغي يضربني و يعاود يحطها (ضحكني واخة مافيا للي يضحك) تانحاااول نخلي راسي مزيان معاك مانحطش عليك يدي ولكن باين ليا بردو عليك عظامك... ماتاتهنااي تاتاكلي قتلة دالعصى

انا : وماااشي سووقك يااه نرقص معامن بغيييت... ماشي غير نتا بات ولدي اتولي تحكم فيا.. غلطة وندمت عليها ماتيقش رااسك..... حبببس الاوطو بالجهد..

جاد : عاودي شنو قلتي ؟؟؟! انا غلطة وندمتي عليها ؟؟؟!

انا : اه اجاااد براكاا انا وياك تاحاجة ماتجمعنا حتى امير...

جاد : بصح انا نيت تعديت حدودي.. تصحاابي غادي نقوليك هاكا... عطاني بواحد الخبطة تاتزدح راسي مع الزاج... شدني من راسي و حط فمو على فمي كايبوس و يمص.. دفعتو رجع شدني بقا هكاك شي ربع ساعة... حليت الباب و خرجت .. تبعني...

جاد : علااش كاتعاملي معايا هاكا ؟؟ ماجاوبتوش دورت وجهي الجهة الاخرى.. علاااش انا ديما تابعك تزوجتي اسارة كون كنتي كاتبغيني مغاديش ديريها.. ومع ذلك ماسولتش واش كاتبغيه قلت غادي تنسايه و غادي ترجعي ليا... خزنتي عليا ولدي و باقي تابعك.. علاااش اسارة شنو درت ليك حتى تكرهيني

انا : ماكانكرهكش بغيتك غير تبعد مني

جاد : علاش سمحتي ليه يقيسك مدام امير ماشي ولدو ؟؟؟

درت عندو : هادشي للي هامك هههه علاش ماسولتينيش شنو طرا فاش مشيتي... علاش ماسولتينيش شنو طرا فاش ساقو الخبار بلي انا حاملة.. علاش ماسولتنيش معامن مشيت ندوز الباك...

جاد : عاودي ليا...

انا : فات الفوت اجاد.. فاش بغيت نعاودليك قلتيلي انانية... ههه... صافي اجاد خليني عليك نساني

جاد : لااا قوليليا ورك ليا على ذراعي...

انا : اشنو نعاودليك نعاودليك بلي بقيت شهر فبيتي غالقة عليا مع ذكرياتك و تصاورك ماتنخرج ماكانشوف تاحد... وفاش قررت نخرج.. هههه سخفت فاش جابوليا الطبيب.. بشرني بخبر حملي قدام باباك و ماماك بابا جدودنا ب 4 البيت عامر بيهم نطق الطبيب و قال مبروك عليك حاملة والباقي كمل من عندك... درت باش نمشي الاوطو شدني..

جاد : كملي..

انا : ههه واخة نكمل... خديت تصرفيقة من عند السي محمود شوهتو معع عائلتو... فاش جدي وماما قالولهم را مزوجة...

نطق عمي ماعندنا مانديرو بزواج عرفي.. خرجو تايتناقشو برا وقارنوني بهجر.. يعني هي كبيرة و بعقلها و بشرفها و انا للي جيت غير البارح وسختهم... هنا بدا الصراع ديال العائلات ب 2 ماما و عائلتها معايا... و عمي و البقية ضد... شفت حتى عييت و هزيت راسي رجعت لبلادي... مابغيتهمش يتفارقو و مابغيت حتى حد يشفق عليا فاش يشوف بنت 17 بكرشها و راجلها هارب عليها.... هنا اضطريت نلجأ لكارت للي عطيتيني... ديك الساعة عرفت لاش عطيتيهالي... فاش بغيت نزل الولد لقيت عندي 4 شهور سمعت دقات قلبو... شفت العيالات مع رجالهم و انا بوحدي... بديت تانتقل تانتشهى شي حاجة حتى انا بحال الحاملات مي مكانلقا تاحد حدايا للي يقابلني ومع ذلك بقيت تانقرا

جاد : وعائلتك...

انا : ماعرفونيش فين كاينة حتى لنهار للي ساليت الامتحان عاد جاو عندي و داوني معاهم بزز وصلت وشدني لوجع...

جاد : كاع هادشي طرا ليك...

انا : عندي الحق نكون انانية و مانوريكش ولدك ... لكن هو كنت ديما تانعاود ليه عليك

جاد : سمعت كلشي...

انا : دابا الله يخليك بعد من طريقي صافي... مسح دموعو وصلني القصر.. لقيت الصقيل كان صبح الحال مشيت غسلت حالتي.. من داك المكياج والدموع.. و نعست حدا اميري... مافقت تال 12.. تغديت وخرجنا انا وامير تلاقبنا جاد مشينا لعند الطبيب...

الطبيب : و لدكم.. طفل نشيط متفهم وكنتي كاتعاودي ليه على باباه الشيء للي ماخلاهش يكون عندو مشكل.. و حتى السي جاد عزيز عليه يعني مغادي طرا حتى شي صدمة فحياتو الى خبرناه بالحقيقة...

جاد : يعني نقدرو نقولوهاليه عاادي..

الطبيب : بالتأكيد...

انا : شكرا نعيطو ليه دابا يكون مستاعد؟؟!

الطبيب : اه من الاحسن تكلمي معاه نتي الاولى... ولدكم مشاء الله ذكي..

عيطت ليه بعد ما خرج جاد والطبيب..

امير : ماما علاش جايبيني لهنا فين عمو جاد بغيت نخرج

انا : حبييبي شحال هادي كنت تانقوليك عندك باباك مي مسافر ياك؟؟

امير : اه... و الا قلتليك راه رجع !! ؟

امير : بصصححح ؟؟؟ ...

انا : وي رجع و موجد ليك مفاجئة كبيييرة

امير : فين هو ؟؟.. غمض عويناتك.. 1 2 3

حل عينيه لقا جاد قدامو... بقا تايقلب تايتسارا على شي حد اخر..

الطبيب : امير.. باباك هو هذا.. جا شحال هادي شحال هادي باش يشوف واش غادي تبغيه ولا يمشي فحالو...

امير : لاااا انا بغيتووو... فرحان تايعنق فجاد حتى جاد عنقو وطلعو لعندو... بابا البطل نتا هو بابا البطل...

جاد بقا مصدوم جاتو ديك بابا فشكل ... عنقو توادعنا مع الطبيب

امير فرحاان بجاد انا قلت غادي يتصدم.. ساعة فرح...

جاد : ليوم انخرج مع ولدي حبيبي... امير نمشيو الالعاب.. ونمشيو فين ما بغيتي ... شاف فيا تمشي معانا ؟؟!

انا : لاا غادة دابا الشركة حتى الليل و نتشاوفو تهلا فيه بيناتنا التيلي... مشا جاد بالاوطو وحتى انا ركبت فطوموبلتي و صلت الباركينغ حطيت طموبيلتي وهو يخرج واحد صحييح جرني معاه

انا : طلق بعععد منيييي شكوووون نتاااا رش عليا بالرشاشة...