💕أحببت الطفلة💕

البارت 49 💕

جاد طاح معاها : ساااارة غادي تبراااي اسااارة مغاديش تموووتي

سارة : ع ف ا ك عفاك ته لى (كاتكلم كلام متقطع) عفاك تهلى ف امير... خليك قوي كيف ماتانعرفك ماتبكيش عليا.. كانبغييك عمر شي حد من غيرك مقاسني.. سمحليا عذبتك... سمحليا...

جاد : لااا سااااارة لااا غادي تعيشي

سارة : شش شش ماتبكييش خليك قوي

... غمضات عينيها..

جاد حط راسها على ركابيه وتايحرك فيها: لاااااااااااا سااااارة لااااااااا ماتخلييينيييييش ماتخليييينيش مانقدرش نعيش بلا بيك مااااااااتخلييينيييش تايزأر بحال الاسد...

جاد : يااك واعدتنيي عمرك ماتخليني ساااارة فييييقي احيااتي فيقي.. جا هيتم كايجري قاس عنقهاا..

هيتم : الحمد لله باقا كاتنفس سبقو جاد هزها و هبط بها تايجري.. جاو البوليس اعتاقلو هجر... الاسعاف هزو سارة و جاد للي ماتفارقش معاها.. دخلوها الصبيطار.. تايجريو بها و جاد شادليها ف يدها حتى دخلوها لغرفة عمليات.. تسد الباب.. خلطو عليه البقية

محمود مصدوم معارفش اش ايوقع لبنتو مامتيقش هادشي للي طرا شويا هذا..

ايمان سخفانة على صدر خليل.. نسرين تاتبكي وتغوت.. وجدودهم واقفين ب 4 من كثرة الصدمة طاح الحاج المتوكل.. دخلوه الغرفة باش يتسراح.. حياة تبكي و دعي على للي كان سباب.. الكل واقفين تاينتاضرو الطبيب... يارا فغرفة اخرى ماقدراتش تحمل هادشي لي وقع لبنتها

اما زهيرة عمة سارة تبعات بنتها هجر...

بقاو ساعااات فالانتظار تايتسناو شي حد يطمنهم.. جالسين فالكراسا.. جاد واقف حاط راسو على الحيط.. تايبان بحال الطائر المكسورين جوانحو.. يتيم.. كئيب... ضعيف لا حول له ولا قوة.. الدموع مغطيين عيينيه حوايجو عامرين دم... جبد من جيبو سنسلتها.. للي كان لقاها طايحة فداك البيت.. حل لقا تصويرتها هي و امير.. طاحو الدموع من عينيه بغزارة..

جاد : لمن بغيتي تخليني اسارة.. لمن!! نتي غادي ترجعي ليا انا وولدك محتاجينك بزااف... مانقدرش نعيش بلا بيك.. بقات هاد الكلمة تاتردد ففمو حتى رجع كلشي تايبكي... خرجات الممرضة.. مسح دموعو و مشا عندها بزربة كلشي وقف ودارو بها..

جاد : شنووو وقع نقذتووها ياااك نقذتوهاا...

الممرضة : هاهو ايخرج الطبيب و يعاودلكم.. خرج الطبيب تايشوفيهم بكل اسى و حزن..

شنق عليه جاد : مامااتش سااارة ياااك ماماااتش

الطبيب : تهههدن اسيدي.. للي علينا حنا درناه حيدنا ليها الرصاصة بشق الانفس.. لكن ماتجاوبااتش معانا المريضة حالتها ضعيفة بزااف خسرات دم كثيير.. الشيء للي خلاها ماتجاوبش.. درنا ليها الميغناطيس لكن دقات قلبها ضعيفة... لذلك خاصها تبقى فالعناية المركزة.. و نتمناو من الله تفيق.. تسالكم الدعاء......

محمود : دكتوور كاين امل؟؟!

الطبيب : الامل فالله تعالى

جاد : بغيينا نخرجووها من هنااا نديوها لاميركاا..

الطبيب : غير الى بغيتي تعذبها كثر حالتها ماكتسمحش ليها بالسفر..

جاد : بغيت نشوفها..

الطبيب : مستحييل اسيدي.... مشا وخلاهم.. جاد تايدق فالباب ساااارة سااارة ماتعذبنييييش اسااارة طاح الارض.. بديك الشهامة والقوة.. فثانية تبدل كلشي تايصبرو فيه لكن مقااادرش كيفاش يقدر و اغلى انسانة على قلبو كاتموت وهو للي كان سباب..

جاد : سارة انا للي وصلتك لهاادشي انااا مانسااامحش راااسي عذبتك معايا اسارة عذبتتتتك..

حياة هبطات عند ولدها للي طايح على ركابيه تاتعنق فيه : صاف اولدي باااراكا راك غير كاتعذب فرااسك هاكا... الكل كان فحالة حزن..

خرجوها من البلوك و غادين بها للعناية المركزة.. بقا تابعها حتى سدو عليه الباب مرة اخرى لكن الحمدلله كاين زاج منين يشوفها.. العم و محمود حياة و جدود سارة رجعو لدار من بعد ما قالوليهم مكاين حتى فائدة ببقائهم فالمستشفى..

جاد : ايمان عفاك اختي سيري ردي البال لامير غادي يكون تايسول على سارة

ايمان : تانتا خاصك تمشي اجاد..

جاد : لاا انا مامحركش من هنا حتى تفيق سارة...

مراد : غير بدل علييك و رجع...

نسرين : اه اجااد ماعندك ماتبقا دير هنا..

جاد : صااافي كلمة وحدة مانعاودهاش نتوووما سيرو انا انبقا هنا فهمتو... ايمان خااصكي تمشي امير بقا بوحدو.. وحتى نتوما تسرااحو حتى لغدا و جيو... دار كايشوف ف الزاج كاتبان ليه سارة عريانة مغطية ب ايزار ازرق دايرين بها الالات و الخيوط و ناعسة مغمضة عينيها... دموعو شلال

جات يارا من وراه ربتت على كتفو.. دار عندها و هو يعنقها بقا تايبكيو...

يارا : جاد واش انا للي انقويك ولا نتا.. خاصك تبقا قوي سارة مغاديش تموت غادي ترجع...

جاد : انا عذبتهااا من اول لقاء لينا لدابا عمرها مشافت نهار زويين...

يارا : عفاااك ماتعذبنييش بكلامك.. عفاااك دابا ترجع سارة.. شويا تايشوفو الاطباء جايين يتجرااو دخلو لغرفة مخربقيين.. وقفو كايشوفو فيهم كايديرو لها فالميغناطيس مرة اخرى.. نبضها توقف.. |\/\/\/\/\/_________