احببت طالبتي المجنونةة😻💜

البارت الاول ❤🌚 (تعريف الشخصيات )

ام اياد ::روجين روجين 😱😱
روجين :اهوووو دعوفوني انام حتى بنومي ورايه 😒
ام اياد : دكومين لابالجفجير ولج وراج جامعه ساعه ب 6 شوكت تحضرين نفسج شوكت تمكيجين هو بس مكياجج 8 ساعات
روجين بصياح : عززززا اليوم جامعه نسيت يمه ليش مكومتيني من وكت هلا اليوم ابدي حياه جديده 😊
ام اياد :كومي كومي شكد تحجين من الصبح حظري نفسج وتعاي اتريكي وخلي ابوج ياخذج للجامعه 😏
روجين :يمه يمه فديت نبع الحنان 😍
روجين بدلت وخلصت وخليت مكياج طبعا اني من عشاق المكياج بس اخلي نازك ومرتب ومن عشاق الملابس والستايل 😁ف كلش اهتم بنفسي وبشكلي لان احس جمال الابنيه بااهتمامها بنفسها 😇

خل اعرفكم على نفسي وعلى عائلتي
اني روجين كرديه عايشه ابغداد اني متفوقه بدراستي كلش وجبت معدل 94 ☹🙏 وطلعلي هندسه الطب الحياتي طبعا جنت اتمنى اكون صيدليه بس مصارت وطلعلي هل قسم بجامعه بغداد 😁 واتقبلت الامر وكلت اتأقلم ويه الوضع واحب قسمي حتى اكون شاطره واني من جنت بالمتوسطه جنت اتمنى تطلعلي جامعه بغداد وطلعتلي 😊☺ عمري 19
اني طولي 163 وسط وجسمي رشيق ومناسق ويه طولي 😕 عيوني وسط وعسليه وشفتي منفوخه وصغيره وشعري جوزي ع عسلي ع بني هيج شي 😅 احب كل شي يتعلق بالمكياج وبالستايل وبالدراسه وبالسفر جنت مبتعده عن سوالف الحب لان من خلال تجارب الاخرين عرفت محد يدوم لااحد ومااؤمن بالحب وكله خرافات 😒 اني طيبه ومخبله كلش وادردم هوايه 😂 ومرحه الى ابعد حد اني بنت الوحيده لااهلي بس عندي اخوان 2 واحد اكبر مني واحد اصغر مني هسه تتعرفون عليهم 👇👇👇👇
ام اياد (جوانه ) : طيبه وحبابه وتحب جهالها كلش ومتعلقه بيهم وتحب زوجها الى ابعد حد وعالمها كلها انه تحافظ على عائلتها لان كلش تحبهم عمرها 43
ابو اياد (احمد ): صارم ؛متكلم ؛ينصح الجميع ؛ يحب اولاده ويحب مرته كلش مدرس كيمياء عمره 47
اياد :ابن الاكبر حلوو ومرتب وانيق طويل وعنده لحيه وعضلات يحب عائلتها لكن شخصيته متقلبه مره يشاقه مره عصبي ميثبت ع شي بس قلبه كلش طيب 😁 عمره 22 طالب جامعي مرحله 4 علوم بايو ☺ وهو وروجين علاقتهم مال مخابيل مره مناكره مره حبايب

امير : اصغر من روجين بسنتين عمره 17 مرح فد مره ومخبل طالع ع اخته روجين 😂 24 ساعه هو وروجين يشاقون ويضحكون حتى لو يتعاركون ويتكافشون يرجعون وراه دقيقتين حلو بس اياد احلى منه 😶 طالب خامس اعدادي

؛؛؛؛؛؛؛؛؛؛؛؛؛؛؛؛؛؛؛؛؛؛👇 👇👇👇👇

علي :كمت الصبح دك منبه ب 6:00 رحت اخذ دوش وشويه لعبت رياضه وبدلت وردت اطلع للجامعه

ام علي :يمه علاوي حبيبي كعدت

علي :اي يالغاليه شعندج كاعده من هسه قابل هم وراج دوام اني بدالج اشبع نوم 😪

ام علي : حبيبي ضجت ظهري انكسر كلت اكوم اسوي ريوك الكم ونتريك سوه

علي :يمه ولله متأخر عوفي ع غير مره اوعدج الجمعه اكابلج واخليج تشبعين مني واصلا انتي دكولين لزكت يمي😂😅