بعد ما فاتت 8 اشهر و كل شخص تعلق بتوأم روحه
عند البنات : كملو نتواياج تاع الدار و جمعو على مائدة الغذاء دخل الاب فرحان جمع معاهم 😊
رهف : الله يدومها بابا غي لخير 😅
الاب : امين بنتي😐
الام : جيت في وقتك ارواح تاكل 😁
الاب : وي وين راها فرح عندي هدرة معاها 😐
فرح : وييي بابا هاراني جاية😇
الاب : يا بنتي باغي نقولك حاجة 😃
الام : هههه غي لخير نشالله شوقتني 😅
الاب : يا بنتي ليوم واحد صاحبي طلب يدك لولده و منكدبش عليك هاد الانسان مكانش كيفه و ولده نعم التربية
رهف شافت في فرح نظرة دهشة😱. و فرح مشووكياو مشي عارفة كيفاه ترد😨 .
الام بفرحة : نشاء الله كلشي بالمكتوب و خليها دروك تخمم شوية و تفكر و ممبعد نشوفو 😇
الاب : شاااا تفكر صايي انا عطيته كلمة 😑
فرح و رهف : عطييته كلماااااا😧
جواد دخل لدار و ضرب لباب
جواد : رهف ارواحيي راني مستحقك 😑
جواد سبق رهف و طلع لشومبرته .. و طلعت موراه فرح و عينيها يسيلو بدموع بلعت على روحهة في شومبرتها و رهف لحقت خوها بعد ما خملت طابلة
رهف : جواد عمري فواش راك مستحقني 😐
جواد : رغد راها في يومين ما كونيكتات ما عيطتلي ما رسلتلي ميساج ما بغات تريبوندي راني حاس كاينة حاجة 😣
رهف : و كيفاش دير دروك ؟؟ 😩
جواد : رحت عند صحبتها و طلبت عليها نيميغو تاع الفيكس تاع دارهم
رهف : ايا عيط شاراك تقاارع
جواد : كيفااه نعيط هادييي كون يريبوندي بوها نقوله جوزلي بنتك😒
رهف : هههه لا قوله زوجلي بنتك 😏
جواد : هادا وقت الضحك اففففف تعييي شوفي عيطي نتي و سقسي كومسي نتي صحبتها 😑
رهف : اوكي عيط 😉
جواد كتب نيميغو و بدا يعيط حتى رفدو حط لبوغتابل في ودن رهف
رهف : الووو
رجل : الووو بنتي
رهف : ممكن تجوزلي رغد
رجل : .....(صمت)
رهف : الوووو ...
رجل : انا الاب تاعها شكون معايا
رهف : انا صحبتها و تقلقت عليها ماراهاش تريبوندي
اب رغد : يا بنتيي رغد راها ف الانعاش دعيلها ربي
رهف : كواااااااا😲 ... ( جواد يأشر لرهف بوجهه و يده وااش كااين 😨)
اب رغد : كيما سمعتي يا بنتي
رهف : علاه شا كاين
اب رغد : قصة طوييلة
رهف : صحا حمبووك معليش كل خطرة نسقسيك عليها
اب رغد : اوكي بنتي شكرا
رهف : ربي معاكم .. باي
جواد : شاكاااين رهف😟
رهف : رغد راها مريضة متنجمش تحكيي 😩
جواد : باش راها مريضة ؟😦
رهف : ما قاليش قالي غير رغد راها في مصلحة الانعاش كي قتله علاه قالي قصة طويلة
جواد : اففففف و دروك كيفاه ؟؟ 😣
رهف : و الله المشاكل قاع يطيحو ضربة وحدة 😥
جواد : علاه شاكاين تانييي 😧
رهف : فرح خطبها واحد و هي تبغي محمد
جواد : ايا ما توافقش و خلاااص
رهف : بابا عطا كلمة لهادوك ناس و تعرف بوك كيدار
جواد : ايوااااااااا .. الله يجيب لخير
رهف :اميين 😞
عند فرح بعد ما دخلت لغرفتها و قعدت تبكي قررت تعيط لمحمد و تحكيله
فرح ( ببكاء ) : الوو محمد 😢
محمد : ويي حبي صاڤا توحشتك 😊
فرح : انا تاني عمري 😢
محمد : مالكي علاه تبكي😶
فرح : محمد جا خطبني واحد و بابا وافق 😭
محمد : شوالاااا ونتييي ؟؟؟😲
فرح : انا مانيش موافقة مي بابا راه مديسيدي
محمد : و كيفاش نديرو دروك انا ني باغييك😤
فرح : وانا تانييي 😭
محمد : نجي نخطبك بلاك يوافق
فرح : موحال يوافقلك مام انا منجمش نوافق عليك و نخلي لاخر يفيقلنا
محمد : فرح راها في قلبك هادااك ياك ؟؟؟😒
فرح : كيفففاه نتا تخمم كيما هاااك هادي قاع مشي هدرة 😤
محمد : املا كيفاه ؟؟😡
فرح : خمملي في حاجة نقنعه باش ما نوافقش
محمد : والله ما علابالي
فرح : اوووه😫
محمد : كي تجيني في راسي حاجة نعيطلك
فرح : اوكي باي 😢
دخلت رهف عند فرح و ونستها و حكاتلها على رغد فرح نخلعت و ما صابت تزعف على خوها ولا على روحها فات هاداك نهار كيما كان لحال و صباح ناضت فرح و رهف و جدو رواحهم و جواد و صلهم للجامعة و كي لعادة يتلاقو دائما مع محمد و يحيى
يحيى : سلام صاڤا 😊
رهف : اااااههه نقولو لحمد لله 😑
يحيى : اسما لهدرة لي قالهالي محمد نيشان 😧
رهف : واه نيشان 😞
يحيى : ممممم ربي يجيب لخير 😞
عند جواد .. حط لبنات فلجامعة و راح قعد في حديقة عامة و قعد يخمم كيفاش يدير حتى و صل معاه لحال بدا يخمم يروح عند رغد
عند فرح
محمد : فرح ارواااحييي😐
فرح : بيبي صباح لخيير 😑
محمد : صباح نور .. يادرا كيفاش باغي ديري
فرح : والله ما علابالي ( وعينيها تغرغرو بدموع )😢
محمد ( ضمها بقوة لصدره و بادلاته العناق ) : انا خممت في حاجة فرح
فرح : شايالاااا ؟؟😓
محمد : مالڨري كنت باغي نكمل معاك حياتي مي الله غالب والديك كانو فيطريقنا .. تبانلي حاولي تحبي هاد الشخص و كملي معاه حياتك😖
فرح : محمد انا نبغيك نتا و مستحيل نسمح فيك😫
محمد ( دمعة طاحتله 😢) : مي معدناش حل اخر ماعليش فرح تنجمي تنسيني 😑
فرح شافت في محمد نظرة خيبة امل ماكانتش تتوقع هاذ العدرة منه بعدت منعند محمد و راحت للكوغ تاعها ما بغاتش قاع دور وتشوف موراها
( يتبع .....)
====================
رايكم في البارت
مادا تتوقعون القادم ؟؟؟
أنت تقرأ
عقبات حياتي
Romance●كرونيك (عقبات حياتي) ، تتحدث عن بنتان 👭 من عائلة محافظة جدا 🙍، كيف سيتجاوزان صعاب حياتهما و عدم الحرية في تصرف ؟ و كيف سيقابلان فرسان احلامهما ؟ 😓 تابعو القصة الى الاخيير لانها مشوقة 😉 ♢قصة رومانسية كوميدية • قصة من #سلسلة_كرونيك_جزائري • بأ...
