و بعد ما رجعو لدار جوزو هاديك الفاكونس قاااع يهدرو مع محمد و يحيى غي فالفايسبوك 😳 .. فاتو الايام و رجعو يقرو فالجامعة😉
رهف ( تمشي مع فرح فطريق) : صايي دخلنا نقرو دروك غادي نجمو نتلاقا مع يحيى 😉
فرح : واه و الله توحشت محمد 😇
وصلو للجامعة و سجلو عامهم و قعدو فلاكوغ
فرح : وقتاش يقلع لبيس ؟😕
رهف : والله ما علابالي واقيلا قالولك راني نخدم فلايدارة 😒
فرح : بفففف تعييي😒 ... ر..ره... رهف اوياااا يحيا هاداك😨
رهف : يحيى؟؟ بركي ما تشكلي راهم مأترين فيك قاع هاك 😂
فرح : و الله شوفي مليح حدا هديك شجرة😲
رهف : سبحاان الله يشبهله 😮
فرح : ياااو هوااا
رهف : ارواحي نڨدمو عنده 😶
قربت فرح و رهف حتى شافو يحيى واقف و يوجد في دوسي تاعه 😍
رهف : يحيىىى هادا نتاااا ؟؟ شاراك دير هنا 😇
يحيى ( طلع راسه و بدهشة ) : رهفف ... كي راكي صاڨا ؟؟ 😃
رهف : الحمد لله 😊
فرح : احم احم مانيش انڤيزيبل 😅
يحيى : هههه طبايعك ڨاع ما تنسيهمش😂 .. راكم ملااح ؟ 😇
فرح : راكم تقرو هنا ؟؟؟ 😄
يحيى : غي انا راني نقرا في هاد لافاك بصح محمد مشي هنا
فرح : اااه ماعليش 😞
رهف : و الله فرحت كي شفتك هادي غيبة 😃
يحيى : الله لا يغيبك 😉.. ستناي دقيقة نسجل و نجي نجمعو ملييح
رهف فرح : اوكييي مطولش😀
راح يحيى و جمعو لبنات يهدرو
فرح : شفتي زهر كي داير😣 .. زعمة علااه ما يقراش محمد هنا علااه 😤
رهف : شا يقرا ؟ 😓
فرح : علوم تجارية
رهف : ايا نوغمال يدير طعن و يجي هنا نفوتو عام كونفوختابل 😉
فرح : هااحي هادي ڨوليهاله نتي.😒
رهف : انا نقولهااله ؟؟؟ 😒
فرح : مهبولة نتي .. يحسب راني نحوس عليه 🙍
رهف : ههههه بصح نيشان راكي تحوسي عليه هههههه مهبوولة الله يشافيك 😂
جواد : هيا هيااا دااار 😡
رهف و فرح : ياااا جواد .. صايي كملت صوالحك😇
جواد : نوضو و متكتروش معايا لهدرة 🙅
رهف : ماالك جواد غي لخيير 😒
جواد : نتووما لبنات ڨاع ما فيكمش ثقة 😤
فرح : علاااه شا درنالك 😧
جواد : عجبتكم لهدرة مع لولاد يااااه 🙅
رهف : ايييه راك على يحيى ؟😁
جواد : و سموه يحيى .. ملييح 😬
فرح : جوااد خطينا من تبهليلك 😑
جواد : فدار قدام بابا نوريلك تبهليل كي داير😡
فرح : تخبر بابا ؟؟؟؟😱
جواد : هاياااا نوووضو منقعدش غير نعاود 🙅
رهف و فرح راحو مع جواد و فطريق يحاولو فيه باش ما يخبرش عليهم😖 .... كمل يحيى تسجيل تاعه و خرج يحوس عليهم ما لقاهمش رجع لدار و خبر محمد بلي فرح و رهف يقرو في نفس لجامعة ومن تم قرر محمد يدير طعن و يبدل 😏
أنت تقرأ
عقبات حياتي
Romance●كرونيك (عقبات حياتي) ، تتحدث عن بنتان 👭 من عائلة محافظة جدا 🙍، كيف سيتجاوزان صعاب حياتهما و عدم الحرية في تصرف ؟ و كيف سيقابلان فرسان احلامهما ؟ 😓 تابعو القصة الى الاخيير لانها مشوقة 😉 ♢قصة رومانسية كوميدية • قصة من #سلسلة_كرونيك_جزائري • بأ...
