"RICO?!"
Napapikit na lang ako when I heard Gale's angry voice. Nandito ako sa kitchen. Mag-isa. Hinayaan ko lang silang dalawa do'n. Masakit man pero kailangan, e.
Akala talaga ni Gale sila ni Rico ang may secret. Ang hindi nya alam, kami ni Rico ang talagang may secret. Hindi masabi ni Rico dahil masasaktan sya.
At hindi ko rin masabi dahil nasasaktan ako.
I, Euphemia Ivory Salcedo, confesses to the crime of loving the guy that is head over heels crazy in love with my best friend. Alam ni Rico 'yan. Sinabi ko sa kanya.
Si Toby, he chose love over friendship. Ang nangyari? Ayon, nasaktan sya.
Si Gale, she chose love over friendship. Nasaktan din.
Si Rico, he chose love over friendship. Kaya nasasaktan sya.
Paulit-ulit na lang. Wala nang bago.
Ako, I chose friendship over love. Pero bakit gano'n? Nasasaktan pa rin ako? Hindi naman yata tama 'yon. Ako na nga ang nagparaya. Ako na nga ang nag-set aside ng feelings. Ako na ang nag-give way. In the end, nasasaktan pa rin ako.
From the very first time na naging magkakaibigan kaming lima, alam ko nang may gusto si Rico kay Gale. Sinabi nya sa 'kin, e. Sabi nya, akala raw ni Gale joke lang 'yon, and she also thought na ako ang gusto ni Rico.
Kaya lang naman kami madalas magkasama ni Rico kasi sa 'kin sya bumubuntong-hininga. Sa 'kin nya sinasabi ang hinanakit nya kay Toby. Bakit daw si Toby pa ang nagustuhan ni Gale, e, hindi naman ito gusto ni Toby? Bakit daw hindi na lang sya? Tao rin naman sya. Gwapo. Funny. Mayaman pa nga.
Natawa na lang ako no'n. Sa isip-isip ko, Oo nga, Rico. Bakit si Gale pa? Bakit hindi na lang ako? Tao rin naman ako. Maganda. Matalino. Mabait pa nga.
Pero hindi ko 'yan sinasabi sa kanya.
Kaya ang alam nya, tanggap ko na lahat. Ang 'di nya alam tinatanggap ko na lang kahit masakit. Nagtapat na 'ko dati sa kanya.
"Rico, mahal kita," I told him. "Sorry. Alam ko namang si Gale ang gusto mo, e. Sorry talaga! Gusto ko lang kasing ano—malaman mo man lang. Sorry!"
At ang ginawa nya? Tinawanan nya ako.
He said, "Mahal mo 'ko? E, ba't sorry ka nang sorry? Adik nito. Salamat, ha. Mahal mo pala ako." Okay na sana, but then he added, "Oo nga, e. Bakit kasi si Gale pa? Pwede namang ikaw na lang. Kaso hindi ko kaya, e. Mahirap. Sorry din, Femi."
At sa anim na taon naging friends kami. Sa anim na taon, hindi nagbago ang feelings nya. Hindi rin nagbago ang feelings ko.
--
"Sinabi ko kay Gale na patay na patay ako sa 'yo!" he told me one day.
"Talaga?"
"Oo kasi baka makahalata, e. Pasensya na."
"Okay lang."
--
Graduation namin.
Five years ang architecture. Four years kami sa interior design. Ang nangyari, sabay-sabay kaming nagtapos.
Mangyayari na ang kinakatakutan ko, he texted me.
Oo nga pala. Magtatapat na si Gale kay Toby. Si Rico pa raw ang nag-encourage. Tanga rin kasi.
Kalma ka lang. Wag ka iiyak ha? :) I replied.
Oo. Mamaya na lang. Haha.
