سر في حياتي

سر في حياتي ١

#سر_في_حياتي١
#زينب_الموسوي#
هل وقفت في وقت ما في مفترق طرق؟
هل وجدت نفسك في مسارات متعدده كلها تنتهي بك الى شخص واحد؟
هل عشت ذلك الشعور حينما تصبح كل امنياتك رؤيه وجه واحد ادمنته ؟
هل احببت يوما حتى اصبح الحب عنوان ليومياتك ؟
اذا كانت اجاباتك نعم تعال معي ل اروي لك قصه حب
شخصيات القصه
انور عراقي مغترب في امريكا ام واب عراقيين واخوات سراب وسهاد واخ سيف
اسماعيل ابن عم انور من اب عراقي وام امريكيه واخت وحده نداء
مسره اب عراقي ام امريكيه وعدها اخوات تلاثه من ام ثانيه حنان نوال وفاء
اثنان يرون قصتهم وخلال القصه تعرفون كيف قصه حقيقيه يرويها اثنين ابطال
مسره
اليوم حاره صار يومين من وصلنا لولاية نيويورك كنت عايشه بيوتا والدي يشتغل محاسب ضرائب والشركه رادته هنا وانتقلنا وياه
والدي متزوج من مراءه عراقيه وعنده منها تلث بنات اثنين اكبر مني وحده اصغر مني كان يشتغل بالشركه تعرف على بنيه امريكيه هي ماما وتزوجها بعقد بالسر وانجبتني ماما لكن زوجة بابا اكتشفت امر زواجه وهي تدور بملابسه عادي النسوان لازم يدورن لگت قائمه مشتريات من محل من ضمن المشتريات حفاظات اطفال سالته المن
جاوبها لصديقي وصاني
داىما الرجال من يبدي يكذب يستخدم كلمة صديقي واحنا النسوان بس نسمع كلمة صديقي تبدي قرون الاستشعار عدنا تسجل خطر
ظلت تراقبه شافته بعش الزوجيه اقتحمت البيت عليه
اتلكتها ماما بفهاوتها كفختها اقبال
وبدت تصيح وتعيط
بعدها اقبال هددت والدي لو يطلگ ماما لو تاخذ بناتها وتروح لغير ولايه وتفضحه گدام الجاليه بزواجه السري
والدي طلگ ماما وكان مدرك ان اذا تركني عدها راح اتاثر بحياتها وممكن تاخذني لغير ولايه اتفق وياها ياخذني تربيني اقبال ويه بناتها والها الحق تشوفني باي وقت تريد دخلت بيت والدي واقبال عمري سبع سنوات
البيت الي احنا بيه كان كبير بالنسبه لبيوت امريكا والدي اشتراه قبل للانتقال للولايه
ظهري واديه ورجليها وارمه من نقل الاغراض صار يومين
لازم اگعد الصبح اجهز الريوگ
ليش اني اجهز وعندي اخوات اكبر مني لان اخواتي عدهم ام اني ماعندي ولازم انفذ كل امر اسمعه احسن مااسمع قصه ماما وكيف ضحكت على والدي وتزوجته هذي القصه يوميه اسمعها من ماما اقبال وكل مره تضيف حدث جديد للقصه بحيث تصير اكثر تشويق للمستمع
اه والف اه على حياة بنت بدون ام
بعد ماحضرت الريوگ گعدت ماما اقبال
ماما يله كعدي ساعه سته
حضرتي الريوگ لبابا
حضرته وبابا ديصلي
باوعت بوجهي
كم مره كتلج ترفعين شعرج من تحضرين الاكل
ماما هسه فتحته واذا تريدين ارفعه من جديد
ئي ارفعيه وبلا مغثه من الصبح
ماما اقبال مسيطره على البيت كله وحتى دراستنا تتحكم بيها جبرت اخواتي اثنينهن حنان ونوال يدرسن طب رغم من يشوفن الدم يخافن وصارلهن سنتين بنفس الفصل ومتقبل يغيرن الاختصاص واني اخر سنه اعداديه ومن هسه هي مقرره ادرس هندسه بابا رجال عصبي وافكاره نفس افكار زوجته هم عنده لازم نصير طبيبات ومهندسات او يعتبر خلفتنا كانت خساره والدي واقبال صار سنين كل واحد منهم ينام بغرفه لكن مرات ترجع العلاقات الدبلوماسيه بينهم يباتون سوا
هسه صار وقت المدرسه
صعدت لغرفتي اخذ الجنطه واطلع مع وفاء اول يوم النا بالاعداديه
شتتوقعين وفاء راح نلكه عرب بالمدرسه
انشاالله منلكه ولا عربي شعاجبج من العرب ماوراهم الا المشاكل
تعرفين اني احب العرب واموت على العراقيين بس المدينه مابيها عرب قليل
لاتخافين تلگين اكثر من الهم على الگلب
من كنت صغيره والدي علمني حب العراق اني من دون العائله متمسكه بيه ودائما اسمع اخباره واحفظ اغانيه واكثر وحده ركز على تربيتها اني يمكن خاف اتاثر بماما
الاعداديه كلش قريبه من بيتنا
دخلت متوتره وخايفه اخذت الجدول ودتني لمس لصفي
الصف بيه تقريبا ١٧ طالب وطالبه دگينا الباب توقف الدرس والكل التفت على الباب يمكن هذي اصعب لحظه يمر بيها الطالب الجديد
مس فيكي طالبه جديده
تتفضل شنو اسمك
مسره سلمان
اخذتني گعدتني بالمقعد الفارغ بين
مقعد طالبه امريكيه اسمها هذر وبنت شكيت شكلها عربي وبعدين عرفت اسمها سمر انداريت عليها
انتي عربيه اني عراقيه
واني عراقيه
الحمد لله لگيت عراقيين بالمدرسه
وهذا انور عراقي وابن عمه اسماعيل ابوه عراقي وامه امريكيه
اني بابا عراقي وماما امريكيه
مس فيكي سكوت اثناء المحاضره

انور
اليوم اول يوم دراسه دخلت بنيه ملامحها بين العربيه والامريكيه مبينه خجوله يمتى يخلص الدرس ونروح نسلم عليها يارب تطلع عراقيه حتى تنضم للگروب ويانا مو بنيه صاروخ ارض ارض صدوك لو گالوا الحلوه حلوه لو تطلع من انفجار عبوه ناسفه
اسماعيل يهمس الي
يوم ممل مثل كل يوم البنات من داومنا اليوم عبالك بالعطله مسافرات للمريخ متغيرات ماادري شيسوون ويكبرن بسرعه وهاي البنيه جديده شفتها من اسمها مبينه عراقيه
هسه غير تخلص المحاضره ونشوف مسره هذي منين

مسره
خلصت المحاضره المس مبينه حبابه مو بالله
سمر هذي حبابه هسه تراوينا الويل وكل كلمه تگولها بالمحاضره تجيبها لازم تكتبين كلشي
شفت شباب اثنين اقتربوا من عدنا ومعاهم هذي البنيه هذر
انور منين الاخت (حجى انكليزي )
سمر لاتتلوگ زايد عراقيه مثلنا احجي عراقي
اسماعيل اخيرا صرنا متعادلين ولد اثنين بنات اثنين عراقيات بالصف
انور مابقى شي ونحتل المدرسه ونرفع عليها العلم العراقي
ضحكنا كلنا
هذر اني بنصكم وكلشي مدا افتهم احجوا انكليزي ياناس

انور احجيلنا مسره منين جايه
من يوتا والدي انتقل شغله وانتقلنا وياه
سمر تدري اسماعيل امها امريكيه
اسماعيل لعد طلعنا كرايب
انور معليج بيه هذا امه چانت امريكيه هسه صارت عراقيه وتتعشى ثريد باميا يوميه كلشي ماستفادينا منها بس خلفت هذا الثور خلقته متشبه العراقيين
دمكم خفيف گولولي نظام المدرسه هنا شنو
انور لازم تقرين ليل ونهار واجبات والمكتبه كل سبت نروح نجيب كتب ونشتغل متطوعيين حتى نحصل كردت للجامعه تسجلين ويانا
لازم اسال بابا يجوز ميقبل
اسماعيل اساليه واذا مقبل ظلي لحي عليه انتم البنات تعرفون تزنون على راس الواحد
سمر يله كل واحد على مكانه بدا الغضب الثاني
انور رحنا كل واحد على مكانه (مسره واسمها عليها مو عيون غضب )

مسره (انور واسماعيل اثنينهم دمهم خفيف وسمر حبابه الحمد لله في عراقيين بالصف وبيوتهم قريبه مني يارب يطلعون شطار مثلي)