سر في حياتي

سر في حياتي ١١

#سر_في_حياتي١١
#زينب_الموسوي#
مسره
رغم الحب الي محوطني بيه انور واهتمامه باقيه غصة بانفاسي وحاسه بالخجل داخلي من زواجي بدون موافقة اهلي واهله
رجعت البيت فد يوم انور كان مهموم وحزين
خير انور شصاير
في وحده عسكريه لازم تتحرك لافريقيا واني من ضمنهم ونبقى ميت يوم (قوات امريكيه عباره عن( يواس افر كم )٢٠٠٠شخص تحمي القافلات الي تقدم. مساعدات للمجاعه وتساعد حكومات الدول بالمحافظه على  استقرار دولهم وهذي القوات تتغير دوريا)
افريقيا تروح ودراستك شلون
حبيبتي لازم ااجلها واني كل خدمتي ماطلعت برا امريكا لازم اخدم خارج الحدود
يصير اروح وياك
وين تروحين شايفه الحر والمجاعه والامراض ياعيني كلها ١٠٠يوم نتحملها
مااعتقد اگدر انور اني منو الي غيرك
الله يخليج لاتشيليني هم اكثر گوليلي اتحمل وانتظرك
لخاطرك اتحمل الموت وانتظرك لحد يخلص عمري
گعدت الفجر من الغرفه ماردتها تگعد وتحس اني رايح فزت راسا
ها صار الوقت شبسرعه
ارجعي نامي الله وياج وديري بالج على نفسج
انت دير بالك على نفسك واتصل بيه كل يوم
تعرفين هناك الاتصالات صعبه ونت ممتوفر اتصل كل ميصير مجال
بقت لازمتني من اديه متقبل تتركني
وتالي مسره مو. اتففنا نصبر ونتحمل
خايفه عليك والله حظي وداك لافريقيا 
لخاطري لاتبجين ودعيني بابتسامه
شلت اديها من عليه وبوستها
الله وياج
ركضت وراي حضنتني من ظهري
انور  احبك اندار عليه فدوه
انداريت كافي مسره ترى مرايح حرب والله مجرد دول تعبانه وفقيره
طلعت من الباب وهي مكمشه بملابسي وظلت واگفه بالباب وهي تشوف سيارتي تبتعد
مسره انور صار يومين ممتصل ومااعرف وصلوا بعدهم ماما هلن كانت تتصل بيه يوميه انور موصيها عليه 
ياريت اگدر اطير وحط يم انور واشوفه الدنيا تخنگ بدونه وعبالك كلشي توقف وكلشي ينتظره
استغليت الوقت اتعلم لغه ثانيه  الاسبانيه مهمه بامريكا لان الاسبان يشكلون نسبه كبيره من السكان اتصل بعد اسبوع
حبيبي انور والله ممصدكه اسمع صوتك وين انت
بليبريا مجاعه وضيم وروحي طالعه
اسم الله عليك زين تاكل تنام
داگلج ضيم شنو هالحياة هذي ناس ميته من الجوع وتحارب على شنو ماادري والي يقهر هذي الاطفال حتى حليب ماكو ذني كل وحده مخلفه سبعه اريد اشوف هذا الي. خلفهم بنص هالجوع واله مزاج يخلف
هههه وانت ليش مقهور گولي صايم لو فاطر
شوف هاي شتحجي ولج وين فاطر  اني بافريقيا ناس ميته مناظر تفطر الگلب وانتي تساليني صايم او فاطر
شبيك هو سوال انور تتذكرني هناك لا
وعيونج الي عندي اغلى من روحي مافي لحظه ماافكر بيج مسره حب عمري
مرت عشرين  يوم متحملتها وكلشي يذكرني بيه مامر يوم اذا مادمعت عيني عليه
الصبح اريد اطلع لدوامي انطرق الباب
فتحت اثنين من الجيش قبل لايحجون گلبي نزل للگاع
انتي خطيبة انور ممكن نتحدث معك
انور شبيه ردوا عليه بسرعه
هو البارحه وصل لمستشفى متعرض لجرثومه بالامعاء هو بخير  وحبينا ناخذج معنا للمستشفى لان هو مخلي. هذا العنوان الطواري  رحت معاهم كان الطريق اتصوره بلا نهايه ميخلص كل شويه اتخيل الصوره الي راح اشوف انور بيها وشفته كان نايم فاقد للوعي واني ايضا فقدت كل احساس بالقوه وبقت بس صرخاتي تدوي باركان الممر واني اشوف لونه الشاحب والاجهزه المحيطه بيه حاولو ا يطمننوني عليه وخاصه الاطباء
سيدتي الحاله مستقره فقط غايب عن الوعي والجرثومه مسببه التهاب بالدماغ ومعاني نقص الاوكسجين
گولولي شراح تسولوه شنو تحتاجون فلوس دم گلبي دماغي اخذوه بس يتشافى
سيدتي حالته غريبه وفي اطباءاثنين مختصين بهذي الحاله جايين من ايوا حتى نبدي بخطوات علاجه
شوكت يوصلون شنو منتظرين هو عسكري عنده تامين صحي كامل واني مستعده ادفع تكاليفهم