للحب كلمة

٢١

Mam mam mam...اتخلعت ام حسام وقامت علي حيلها لقت الشغاله واقفه بتصحي فيها دعكت عيونها وقالت ليها what happened ردت الشغاله و قالت ليها Miss Gina here.... What بقت تفتش تلفونها وطوالي اتصلت بس حسام ما برد اتصلت علي ساره وتلفون ساره مقفول هنا عاوزه ترجع تاني لحسام بس حسام يرجع لامه الو اي يا امي انا خلاص قريب من البيت ...اوعك اوعك تجي جينا هنا ...شنو ضرب يده في الديركسون وعاوز يكورك بس ساره نايمه بقي يتكلم بصوت واطي طيب والعمل يا امي ... العمل انت تشوف حته تمشي ليها وانا ح انزل اتكلم معاها وأشوف يمكن اقدر اتصرف معاها بس كله منك قلت ليك البت دي ح توديك في ستين داهيه اذا عرفت انه انت اتزوجت ...طيب يا امي انا نهيت كل شي معاها من زمان وانتي عارفه بس يحس بساره اتلفت عليها لقاها بتتقلب في الكرسي الكانت مرجعاهو لوراء ... طيب طيب طيب تتصرفي معاها واتصلي علي او رسلي لي مسج وقفل مع امه وبقي سائق ما عارف يعمل شنو ... صحت ساره ورجعت الكرسي لقدام وقالت ليهو اه وصلنا يا حسام ولا لِسَّه ...ايوه وصلنا يا عمري ... يعني قربنا من البيت لاني تعبانه شديد وما مصدقه اترمي في السرير متين النومه في الكرسي متعبه وحاسه جسمي كله اتربط .... طيب رايك شنو انه نحنا نمشي نأكل وبعدين نمشي البيت ...لالالالا يا حسام ما قادره امشي اي مكان خلينا نصل البيت وناكل هناك اي شي ....ما قدر يصر عليها لانها ح تشك فيهو بقي ماشي ويدخل بشارع ويطلع بشارع منتظر تلفون امه عشان تكلمه انها اتصرفت والام نزلت سلمت عليها وقَعَدت معاها وكانت جينا بتشرب في النسكافيه والام ساكته ما عارفه تتصرف كيف ومرت دقائق زي السنين وهنا جاء تلفون لجينا وبعدها وقفت وقالت ليها انه جاها مشوار ضروري وأنها ممكن تتأخر ووصتها انه تخلي حسام يجيها في شقتها اول ما يصل وباستها وطلعت شالت الام نفس وختته وطوالي رسلت رساله لحسام عشان يرجع وحسام كان لافي في الشوارع وحمد ربنا انه ساره ما بتعرف البلد كان زمان عرفت انها علي بعد أمتار من البيت طوالي مشي علي البيت ولمن وصلو سلمو علي الام وطوالي استأذنت ساره عشان تدخل تاخد حمام وتنام ....ما ح تآكلي ...لا يا ماما انا جعانه نوم يلا تصبحو علي خير ...وانتي من اهله .... مشت دخلت اخدت حمام وحسام دخل وراها ودخلت ساره الحمام ولمن طلعت لقت حسام منتظرها وهنا ابي ما يخليها تنام وقعدو مع بعض وهي في حضنه قالت ليهو الليله انت ما طبيعي في حاجه حاصله معاك ....انا لالالالا مافي شي والله. خلينا هسي في الجو بتاعنا وطفئ النور 
وصحت من النوم وهي ما عارفه نامت قدر شنو المهم لمن قامت ما لقت جنبها حسام عاينت لساعه لقتها اتناشر بعد الضهر قامت دخلت الحمام ولبست وجات مارقه مافي كان زول في البيت غير الشغاله طلبت منها الفطور كانت ساره الانجليزي بتاعها ما علي قدر كدا يعني تعليم المدارس المهم الشغاله فهمتها وعملت ليها الفطور فطرت وبعدها شربت العصير وبلعت الدواء ومشت تخت تلفونها في الشاحن لانه من أمس مقفول بعد ما بطاريته خلصت وهي بتلعب فيهو وكانت عاوزه تتصل علي ناس امها ومن كتر استعجالها اتصلت عليهم والتلفون علي الشاحن وجرس ووين حتي ردت امها اااااامي ازيك وحشتيني والله ...هيييييي ساره ازيك وكيفك وكيف أحوالك ...انا كويسه الحمدلله يا امي بس فقداكم والله ...ونحنا كمان والله البيت مسيخ بدونك ... وتسمع صوت حبوبتها بتقابض في التلفون ...امي دي حبوبه صاح ...اي يا ساره وعاوزه تقلع مني التلفون قلع نفسها تسمع صوتك ...يا حليلها اديني اسلم عليها ...هاكي الوووووو سرويه حبيبتي ازيك ...حبوبه كيف والله ما تشوفي قدر شنو مشتاقه ليك ولي الشكل معاك ههههههه ...وانتي كمان يا سرويه يا حليلك وحليل ونستك وهزارك .....اه يا حبوبه اديني الشمارات ...حبوبه والشمار طبعا اكتر زول ممكن يحكي ليها الحاصل بالتفصيل الممل واه عاوزه تعرفي شنو يا ست الكل بس قبل ما اوريك عاوزه اعرف شمارك انتي شنو ... اه عاوزه تعرفي شنو .... عاوزه اعرف كل شي اه ما بقيتو تلاته ....هههههه متين اصلو يا حبوبه لِسَّه بدري ...كيفن بدري مافي حاجه اسمها بدري يلا احملي وجيبي لينا ساره صغيره ...ان شاءالله يا حبوبه ان شاءالله دعواتك بس ...داعيه ليك من جوا قلبي ربي يسعدك وينور طريقك ويكمل شفاءك علي خير يارب وترجعي مجبوره الخاطر ...يااااااا الله علي الدعوه دي بالجد محتاجه ليها ...اه نسيبتك كيف ما تكون معزباك ...لا والله دي شيلاني من الارض شيل .... اه وحسام الهناء كويس ...الحمدلله يا حبوبه كويسين اه انتو الاخبار عندكم شنو ...اسكتي اسكتي الاخبار كتيره يختي نديك اول قنبله ...خير في شنو قلقتيني ...لالالالا ما تقلقي واتعدلت الحبوبه في قعدتها وقالت ليها ما شفتي لؤي السجمان الرمدان عمل شنو ...مالو عمل شنو ....عرس ليهو وحده جنوبية وجاء بيها لي امه وقال شنو خالتك جايه ماده شلاليفها وفرحانة وقال شنو عاوزه تعرفنا بيها ....وب علي لكن لؤي بالغ عديل كدا ..... اه وعملتي شنو انت .... عملت شنو طردتهم طبعا الاتنين ... وما شفتي رشا ما حامل ...بالجد مبرووووك والله يا حليلهو خالد كان نفسه في حته عيل ...اي يختي وشايلها شيل كأنها اول زول يحمل في الدنيا .... ما فرحان يا حبوبه خليهو يفرح عليك الله ...وفي زول منع الفرح منه يفرح بس ما لدرجه يخدمها .... امي اديني أكلم البت شويه قبل ما الخط يقطع ...استني يا محاسن كدا دقيقه خلينا نتم ليها باقي الشمارات وأخدت ليها تكيه في السرير وبقت تقول ليها وما شفتي تهاني ما راجلها عرس فيها واداها بمبه ...لا ما تقولي انا سافرت من هنا وحصلت بلاوي من هنا ...واسكتي والعريس بتاع لندن العاوز يعرس بت سعاد قريبه تهاني اقصد العرسها ...اه ماله دا كمان مَش هي سافرت ليهو ... اي سافرت وَيَا خساره شهر ورجعت من هناك وهي مطلقه ...اعوز بالله لشنو ...اسكتي ما اتضح انه عريس الهناء متزوج وحده خواجيه حست ساره بنقذه في قلبها ما عارفه ليه لمن سمعت الكلام دا قلبها وجعها المهم اتونست مع الحبوبه وكلمت امها وجات سماح من الشغل ولحقتها واتكلمت معاها وبعدما قفلت منهم قامت وفتحت التلفزيون وقَعَدت تقلب فيهو وووووين لمن جات حماتها وهي معاها التزاكر حقت تركيا وقعدو يتونسو مع بعض وعلي الساعه خمسه جاء حسام وباس ساره علي خدها وقعد معاهم وهنا الام طلبت من الشغاله تخت الغداء واتغدو وأُكلت ساره علي خفيف لانها كانت مأكله اصلا متاخر وبعد الغدا الام طلعت فوق وشويه ولحقها حسام واول ما دخلو اتلفت الام عليهو وقالت اه اتصرفت معاها كيف .... والله يا امي ما عارفه اعمل شنو معاها البت دي لصقه ... وهنا ساره كانت عاوزه تلفون حسام عشان تشيل منه رقم خالد لانه لمن حسام غير ليها تلفونها كل الاْرقام طشت وهي ما حافظه الا تلفون امها وهي عاوزه تبارك لخالد وما معقوله تتصل علي امها عشان تكلم خالد واكيد خالد حيكون مافي المهم طلعت السلم وبقت تطلع سلمه سلمه وهناك المناقشه شغاله بين الام وحسام وهنا قالت ليهو الام بس يا حسام البت دي لازم تنهي معاها كل شي وتفهمها انك عرست عشان تقتنع وتمشي في ستين داهيه وهنا قربت تصل الباب وهنا حسام بقب يقول لي امه انا فهمتها قلت ليها انه نحنا ما ينفع نكمل مع بعض ولازم نطلق ودا كان قبل ما اسافر السودان بس هي قالت بتفكر وهسي لمن مشيت ليها قالت انها ما عاوزه تتطلق أعمل شنو .... دي مصيبه وخاصه لو عرفت انك متزوج دي ممكن تحبسك لانه القانون هنا ما بسمح الا بزوجه واحده