#عشك معدان

البارت الثاني

ولاتفكين حلكج هيج
وتغدينة وغسلت المواعين...
طبعا" اليوم خميس همزين باجر عطلة
يلا كومي
وين!!؟؟؟
وين بعد لبيت عمامج
اوووف مااريد اروح فدوة
امشي يلا هسة تلكيهم امتانينة علمود نلحك على تنظيف
اوووف يلا جااااية
طبعا عمامي جيرانة حايط على حايط....
السلام عليكم
وعليكم السلام ورحمة الله
شخبارج
عايشين برحمة الله وحمدالله على السلامة
الله يسلمج
مرخصتك
مرخوصة.....
مرحبا صار دوري اعرفكم بنفسي انه صهيب انه احب بنت عمي ميقات شايلة حسن مشفت بديرة وحدة مثلها شايلتة
ومثقفة وفقيرة ودخلت مزاجي وعجبتني وحجزتها بس مخطبتها بس كلت الي وانه اتزوجها بعد مااتخلص من المدرسة وجان شرطها عليه هذا ولأن احبها واعزها نفذت طلبها رغم حنة معدنه بنت تكمل دراستها وعدنه عيبه هاي
عمري 23 سنه طولي 188ووزني 82 اسمر مملوح انه ضابط والي مكانتي وسمعتي بين الناس.....
عمة عمة
هااا يمة
عمة هاي نسوان أثنين جايات عليكم ويردنج
نسوان منو!!؟؟؟
هاا ام سعاد شكو
والله خية ام طاهر احميد يكول هذن نسوان يريدني
يااا منو ولك احميد منو هذني النسوان شو شوية خلي اروح اشوفهن...
يلا هلا ومرحبا ام سامر هلا هلا اموااااه😗 اموااااه
يااا اتفضلي اتفضلي....
وبيج اكثر ام طاهر شخبارج خية
الحمدالله بخير نورتينة هلا ومرحبا
وبالمهلي اكثر ام طاهر
يمة زينب جيبي العمتج جوية عصيرات
اي يمة صار
اكول سمعتن امي شكالت يلا بسرعة علما ابدل واروح وأرجع
😒👐 كبور اي والله
يااا يمة سهى شبيج
متشوفينة ليكول خدم عدهم
لايمة لاتكولين هيج هذولي اهلج والبيت بيتج
لاموبيتي انزين اوووف😬
سهى شبيج وية أمي
يامقوتة ياكلبي متشوفين
يلا حبي تعالي انجهز الجاي قبل متجي هاي العوبة هههههههه يلا
خية ام طاهر جا وين ام سعاد
يم الجاموسات تحلبهن تعرفين اتكول مااعرف الا اباوع عليهن وتحلب بيهن
هااا صيحيها احنةجايات بشغيلة يم أم سعاد
خير خية شنو هالشغيلة
دصيحيها هسة وتعرفين
يمة زينب صيحي العمتج ام سعاد
هلا خية امووااااه اموواااه😗
شلونج خية أم سامر
الحمدالله بخير شخبارج  أم سعاد
برحمة الله الواسعة بخير
خية أم سعاد احنة طالبات القرب منكم
وجاي نخطب بنيتج لوليدي سامر.....
خية الي الشرف اناسبكم.....
خية صيحيلي ميقات خلي اشوفها
ليش انتي جاية اتخطبين ميقات!!
اي خية ميقات
بس ميقات مخطوبة لابني صهيب وبس تخلص مدرسة ازفهه اله
شنو مخطوبة بس الي نعرفة مامخطوبة
اي مخطوبة لابن عمها
اهااا جا احنة نترخص
هلا وغلا بيج ام سامر شرفيتنة
اكول شمعنة ام سامر اجت تخطب مقيتة
يااا ام طاهر شمدريني وبعدين أم سامر مو اول وحدة تخطب ميقات
اي بسحورجن هااي ومخليات الزلم تركض وراجن
يااا خية استغفر الله هو احنة مدبرات عيشتنة علمود نسوي سحر؟
مرخصتج أم سامر احنة انروح لبيتنة
الله وياجن
يمة سعاد سهى ميقات تعالن خلي انروح
اي يمة اجينة
يمة شعدها مرت حجي زامل
والله يمة جايات يخطبن
اكول مقيتة
هااا يمة
عندج شي وية ابن حجي زامل
لايمة شعندي ويااا قابل
اي يمة انتي نصيبج من ابن عمج وهو يحبج
اي يمة😔
اكول مقيتة شكو
ماكو شي نامي ..........
هااا يمة بشري
والله يمة يكولون مخطوبة لابن عمها
ونهاية السنة يزفوها
شنو😦
اي يمة ماكو نصيب
صار لازم اعرفكم بنفسي اني اسمي سامر عمري 20 سنة مرحلة ثالثة كلية علوم
أني ابن حجي زامل مختار المنطقة مدلل وكلشي الاريدة يوصل العندي ابوي يحبني ومدللني لأني الولد الوحيد على 5 بنات شكلي عادي حنطي وطولي 179 ووزني 70 معضل لأن العب رياضة ارجع وياكم وشلون شفت ميقات وحبيتها
قبل 3 أشهر
جنت نازل يوم الخميس لاهلي لأن اني عايش بغداد وعندي شقة امااجرها معندي سوالف مكسرة وبنات اعوذ بالله اني عندي عرض واخاف عليه وبعدين اعرف مجتمعنة منو تحبني وتجي تعيش وياي بالقرية بنت المدينة ماتعيش فشايل من راسي فكرة احب
واني جاي امشي شفت بنية حلوة مربربة شنو اعيون شنو طول سبحان الخلقها راجعة من المدرسة
فبقيت اراقبها وين مشت لحدما وصلت لبيت من طين وعرفتها اتصير بنت اخو حجي صكبان الابوهن شهيد فبقيت على هال الحال كلما انزل لاهلي اشوفها البنية ثكيلة وماترفع نظرها من الكاع فرحت سألت عليها وكلها مدحت بيها فقررت اخطبها ومن خطبتها جان الرد انو ابن عمها رايدها فااني خلي اشوفها واجس نبضها تحب ابن عمها لولا اذا اتحبة ابعد  عن طريقها...
ميقات ميقات
عززة هذا منو يصيحني
هذا انتة شتريد
تعالي بس احجي وياج
يمة روح منا فدوة لايشوفني واحد من عمامي والله يذبحوني
اوكفي شبيج بس احجي وياج
جان اكو شارع محصور ومسدود بصبات سحبتها بية ودخلتها بية
يمة يمة اصخام الصخمني
اششششششش شبيج فضحتينة
عفية لايشوفنة أحد
محد يشوفنة قوتة شبيج خايفة أني وياج
قوتة!!!؟؟؟
اي ادلعج بقوتة
وانتة منين تعرف إسمي
أني كولشي أعرف عنج
وشنو المخليك تلحكني وتعرف عني كولشي
لأن احبج
اتحبني!!!!
اي احبج واعشكج عشك معيدي
ياااا ويمتة صرت قيس الولهان بية
من.
بقلمي دينا
توقعاتكم للبارت الجاي