مرحبا
اعرفكم على الشخصيات
...شمس بطله القصه ع ١٧ شكلي كصيره جسمي حلوو لا ضعيف ولا سمين شعري طويل جوه خصري اسود سرح بيضه صاحبت خدود عيوني كبار سود دمي عسل وجهي يضحك حتلو ماضحك ايبين عليه مبتسمه
...علي ابن عمه الشمس يداوم كليه عسكريه طويل حنطاوي جسمه معضل العمر ٢٣
...شمس اني من وعيت علدنيه عايشه بعائله متكونه من ام اب ٣ ولد و٥بنات اني السادسه احنه من البصره عايشن الحمدلله ابويه معاون مدير متوسطه
اختي الجبيره عهدع ٢٧ مزوجه عدها ٣ اطفال
شهد ع ٢٥ مزوجه عدها ٤ اطفال ماخذها ابن عم ابويه
مهى٢٣ مزوجه عدها ٢ اطفال ماخذها ابن عمتي
قمر ع٢٢ زوجه شهيد سنه وترملت ماعدها اطفال
كرار ع ١٩ طالب مرحله سادسه اعدادي
واني
ومصطفى ١٥ ثالث متوسط
عباس ١٤ ثاني متوسط
نجمه اخر العنقود والمدللة ع١٠ ثالث بتدائي
.
.
.
.
ام شمس.. شمس ماما كعدي ساعه ٧ الصبح وراج دوام هسه ولد عمج يخبصوج كومي كافي نوم وكسل
شمس...ماما عيوني بس اشوي واكوم
ام شمس...ماشي خمس دقايق اتكومين
شمس..اوك 😉
أم شمس... لج كومي لسه نايمه
شمس ..كمت كمت خرب حضي وحض الدراسه وياي
كمت بدلت وكملت اني ماحب اتريك مصطفى هم كعد وكمل اجه ابن عمي حر احنه مدرسته قريبه على الثانيه فا ابن عمي يودينه اني وخويه وبت عمي وبت عمتي الي هيه صديقتي الروح بالروح
اكثر صديقه مقربه الي هيه واخوها ماخذ اختي وحنه الكرايب بيوتنه واحد يم الثاني وبت عمي الي ويانه اصغر مني ثاني متوسط واني رابع متوسط
جا حر كام يدك هورن طبعا ميودينه اذا ميسوي
جو الساجده عبيد بلهورن😂😂 والطرف كله يكعد هوا ع ٢٢ اني عندي ميانه ويه ولد عمي ومعبرتهم اخوتي سوالف وشقه
شمس...رحنه داومنا كالعاده لعبان نفس اني مالي واهس بالدراسه ابد بس بابا ميقبل ابطل
خواتي لمن ازوجن كلهن بطلن اخذن شهاده الثالث وكعدن
رجعنه من الدوام تعبانين اني وزينب طبعا حر ايودينه ويفلت ونكضيها مشي ناخذ الطريق كله مشي زينب كلش حلوة بيضه وطويله وضعيفة شكلها كلش حلوو واني كصيرنه لمن نمشي انصير رقم عشره اني وياهه😅
شمس..رجعت كبل الغرفتنه احنا البنات وحد والولد غرفتهم وحد بدلت وصليت ونزلت ساعدت ماما وقمر وصبينه غده وتغدينة وبعدين كمت غسلت مواعين وغسلت الطرمه وقمر غسلت هدوم ونجمه وبابا وكرار دوامهم عكسنه ماما دخلت نامت ومصطفى وعباس بغرفتهم كملت ورحت الفرفتنه حاولت انام ماكدرت طلعت صورت الحب مالي هااا نسيت اكللكم اني احب ابن
عمي علي بس حب من طرف واحد
ماعرف من شوكت احبه بس من وعيت علدنيه اني
احبه دائما اتكلي زينب شمس متوهمه حبيش هذا هاي مراهقه باجر عكبه تنسي بس اني اموووت عليه
صارالعصر واجو الباقيين من الدوام وكلواحد راح المكان وقمر نايمه وبس اني بالبيت والحجي والحجيه كاعدا اوياهم دك فون بابا رد شوي ونطانياه كال حر ايردج اخذت الفون وحجيت وياه
شمس...ها ولك حر حر 😀
حر...فوكاها ولك بدل ماسلمين 😒
شمس.. ها ولك حر اشلونك شخبارك شو ماكو مشتاقين والله وين ماوين 😉😉
حر... انجبي بعد وكت الا اعتب هسه تجين لو لا
شمس...وين 🤔
حر...البيتنه 😁
شمس... ليش شكو 🤔
حر....والله عرسي اليوم وكلت خطيه خل اعزم شمس تجي تحضر ويانه انجبي يعني شكو مثلن مشتمعين كلنه
شمس...هااااااا عبالي صدك حتزوج
حر......وجعااااااااا تجين لو لا
شمس.....اي تعال اخذني
حر.....مابيه انتي تعالي بيتنه مو بعيد هنه فرعين بيناتنا
شمس...اوك جايه بااااي
حر...بااااي
لبست العبايه طبعا ابد ماعرف البسها شلون مجان طلعت وصلتت فرع الثاني وشفت طفله كاعده بالباب مالهم حاطه بزونه بحضنها وتوليلها ضليت اباوعلها وضحك واكو ولد شاب ديغسل سيارته بالشارع وشارع كله طين ماحس روحي الا وكعت بنص الطين ضليت اللعن بحضي واغلط على حر لان ما جا اخذني بالسياره
اجا الولد عليه
الولد...الله الله اختي خوما صار بيج شي
شمس... رفعت راسي لا ماصار بس وكعت بالطين وتوسخت ورجلي انجرحت وكله من وره حضره جنابك دتغسل سيارتك بنص الشارع وتارسه طين
الولد...اني اسف اختي بس ماعندي مجال ادخلها للبيت
شمس...عادي خويه مصار شي طلعت فون ماما لان دائما اشيله من اطلع بره لان اني ماعندي فوون
اتصلت بحر
حر...الووو
شمس...وجعووو تعالي بسرعه وكعت بنص طينه بالفرع الوراكم ماكدر اتحرك من الطين البيه
حر....صدك والله جايج دقايق ويمج
شمس...بسرعه وسديته
دقايق وجا حر😲الله وعمه وثول😂 هاي شنو الطين بلة انتي زغيره شمس
شمس...اكل خره علساس مو بسببك موكتلك تجي تاخذني😐😐
حر..سكتي سكتي فضحتينه
كومني وركبت السيارة اني وطيني وصلنه للبيت عمي طبيت سبحت لبست من هدوم البنات وحر خارطلهم الموضوووع كله وضلو ايصنفون عليه واني اخزر بحر ماكدر احجي لان علاوي حبيب الكلب كاعد استحيت منه
اتعشينه وتعللنه ورجعنه كلمن البيته وثاني يوووم نفس لعبان نفس دوام
رجعنه ولفيت راسي ونمت ماكعدت غير قبل المغرب جو الولد وبابا وسوينه عشه اني وقمر
وتعشينه وجو بيت خالتي وتعللنه
وسوالف وضحك حياتنه كلش عاديه مثل كل عائله
وحلوه بوجود ماما وبابا الحمدلله
نمنه وكعدنه الصبح يوم جمعه
احنا بالجمعه نكعد من وكت لان خواتي كلهن يجن ونلتم لان عطله مر اليوم حلووو
ضحكه وشقه راحن خواتي العصر لبيوتهن
وخواني طلعو بقينه بس احنه البنات وماما تعشينه وكعدنه جووي الولد ولد عمي يتعللون طلعت سلمت وكعدنه احنه عدنه عادي ولد بنات
سوالف شقه عادي اهلنه ميدخلون بهلشي
مال عيب وميصير من هلسوالف بس البس حجاب
كدامهم دنشاقه اني وحر
وجان علي حبيب الكلب ايكول شمس اني عفت حر التفتتله كلتله هااا 🤤
علي... شمس شبيج
شمس...مابيه ليش 🤤
علي...لعد ليش متتصرفين وياي مثل حر والولد
شمس ....شلون يعني مفهمت قصدك 🤔
علي....شمس يعني ويه ولد عمي سوالف وشقه واني على كد السلام وسوال وجواب لا اكثر مو مثلهم انتي سامعه شي عني او شايفه شي اني من زمان ملاحض هلشي بس مسألج اذا اكو شي جاوبيني
شمس...لا علاوي انت فاهم غلط مو مثل ممتوقع
علي....فهميني لعد خل افتهم
شمس....علاوي كل القصه انو انت اغلب وقتك بالدوام مامتواجد ويانه يعني سبوع يمنى وشهر بالدوام والولد دائما موجودين اغلب الوقت بالبيت مو مثلك انت مشغول وتجينه فتره قصيره واستحي احجي وياك واشاقه هذا كل الموضوع لا اكثر
علي....ها زين عبالي اكو شي ضل بالي لا عادي اكدرين تاخذين راحتج بالحجي اني هم ابن عمج مو غريب
شمس....عفتهم وطلعت يالله هذا منتبه عليه اشلون همزين لحمت الموضوع ومانفضحت كدامه بس منين جبت هلحجي مادري المهم عدت على خير
علي...اني ادري بشمس اتحبني من زمان بس ممبينلها اني ادري وهيه هم متدري اني ادري بيها
مره زينب حجتلي عنها كلشي وكالت انو تحبك
مهتميت للموضوع كلت بعدها زعطوطه شمعرفها بالحب واني مومال زواج وين اني والزواج وين
.
.
.
.شمس ....جتي امتحانات نص السنه وبده الموت😣 الاحمر يارب انجح يارب 😓😦
.
.
زينب....اليسمعج ايكول ميته علدراسه😕
.
.
شمس....والله ميته منها واكرها بس شسوي مجبوره بس كون انجح لان بابا اتوعدلي اذا نجحت يجيبلي فون هديه النجاح
.
.
زينب....مصلحه 😐☹😔
.
.
شمس...😋😋😋
خلص البارت ياريد عجبتكم القصه
