بقات تكاميري فينا
فات لعرس شباب و فتالي مين لحقت لا بياس مونتي دارو غنيا ديال اليسا (عبالي حبيبي) و كان قدامي وليد و يقولي هاد الغنيا و شعال نحبها حتى بقينا نغنوها مع بعض و منبعديها قسموا gâteau حتى يجي وليد و يديلي pâtisserie في شعري و نود انا نديرهاله في وجهه و غادتني مين ماكليتهاش المهم بدلت قشي على جالو و هو كيف كيف
خرجت لعروسة و بقات تمد لعزبات بوقلات مشا عندها وليد و قالها انا طفلة معليش مديلي بوقالة مبعديها قالي قراي بوقالتي و انا نقرا بوقالتك طاحتلنا كيف كيف زهر شباب 😍 و فتالي ودعنا لعروسة و بقينا نستناو ف طوموبيل باش نروحو لدار
حتى جات بوكسار كبيرة رفدتنا كامل لافامي وكي ركبنا بقينا نطبلو و نزغرتو و نصفقو و نرقصو المهم قلبنا الحالة و كي وصلت لدار حكيت مع وليد واحد شويا و رقدت ما ندتش حتى مع 2 ديال المساء مين شعلت تيليفون ديالي لقيت 20 (apelle) من عند وليد خليت حتى فطرت و غسلت و ريحت كي جيت نعيطلوا حتى لقيتوا يلغى و رفدت عليه قالي ناس كامل ناظوا بقيتي غير نتي راقدة ؛انت شكارة قتلوا و الله يلا نيشان عندك الصح بقا يضحك
ايا قتلو و نتا واش عملت كامل النهار قالي والله نضت مع 12 و فطرت و خرجت لشارع ضرت شويا عاود راني فدار ضروك قتلوا ايا مليح المهم بقينا نحكوا حتى قالي توحشتك قتلوا يشتوحشك لخير بقا يضحك و يقول هذا ما نستاهل قتلو هههه و شا حابني نقولك قالي بضحك (ما نكسروا بيضات نكلوا عنبات و نقسموا بتيخات ) بقيت هابلة بضحك يعني هاذ المقولة تاعه يقولها بضحك و منبعديها بقا يحكيلي على الزريبة و البقر و العنزي🐮و الدجاج كامل الحيوانات جبدهملي😂😂 بقينا هكدا نحكو كل يوم و في كل وقت و صباح و حشيا .
لحقت سمانة و دخلت نقرا و تلاقيت بريحان و حكيتلها كلش مامنتش راسها و منبعديها جوزنا سمانة تع قراية و نحكي مع وليد وبقينانسهرو ف ليل حتى لصباح و نخلوا تيليفون اون لاين ومين ما يجيهش النعاس نكون راقدة حتى يحرم عليا النعاس و انا كيف كيف😂😂 واحد نهار قالي ميرال راني نحبك و حابك تكوني حبيبتي و مدامتي و كلشي انا تشوكيت و خبرت ريحان و دعمتني و قاتلي قوليلو وي ايا بقيت سمانة باش رديت عليه و قبلت و فوتنا يامات شابين و هايلين بقينا فليل نحكو وكل مرة قبل ما نرقد يحكي لي حكاية و نحكو ف الفيس بوك
قعدنا شهرين و حنا هكدا مين لحق الشهر التالت اللي هو ديسمبر وليد نقص الهدرا معايا ف التيليفون و انا توالفتو بزاف يحكي معايا لحقت سمانةما عيطلي ما والو انا تقلقت مين لحق الخميس ف المساء عيطلي قالي و الله غير سمحيلي كانو عندي مشاكل انا تقبلت الوضع و أحسنت العون ديالو حكينا جات الجمعة مع الصباح رحنا عند عمتي و شفت بنت عمتي اللي تزوجت و كنت متوحشتها و تفرجنا الفيديو ديال لعرس و خرجت نهبل 😍😍 و شفت اللقطة اللي كنت نرقص مع وليد جازو لحضات هبال بزاف
و من بعديها هبطنا انا و ندى و بنت عمتي اللي هي فالسن ديالي للمانيج و ندى كانت عيطت لوليد و خبراتو بلي جيت و انا ما قتليش حتى نشوفو قدامي و جا عندي و غمزلي بعينيه انا منقوت وحشي ليه حبيت نعانقو مي منجمش لان منحبش هاد التفاهات الغير الائقة و لكن انا 😲
نخلعت عملتلو السلام و حكينا و لعبنا مع بعض جوزناها هايلة و لما رجعت لدار ندى فتحت الفيس البوك ديالها و قاتلي فيس ديال وليد راهو عندي يلا حبيتي نعطيهولك قتلها اوكي مكنش مشكل
(انا كنت حابة نقولو على الفيس مي محبيتش ندخلو ف الخصوصيات) و كانت قاتلي ندى بلي متقوليلوش بلي انا مديتهولك
ايا درت عليها و خبيت سرها
رجعت لدار فتحت الفيس البوك ديالي في الماسنجر و ديالو هو ف فيس بوك لايت
مين فتحتو حكمتني سكتة قلبية💔تشوكيت مامنتش بلي هو يعمل كامل هاد الشيء فيا
