Hindi ako makagalaw sa aking hinihigaan. Sinusubukan kong sumigaw at igalaw ang aking mga daliri sa kamay at paa. Halos hindi ako makahinga. May nakatayo sa gilid ng kama ko, tila binabantayan ako. Sino ba itong lalaking ito? Tinitigan ko pa siya at nakita kong wala siyang mukha.
Tumaas ang lahat ng balahibo ko sa katawan at lalong hindi ako nakagalaw. Biglang bumukas ang mga mata ko, nakita kong 3:00 am na pala nang madaling araw. Panaginip lang pala.
Huminga ako nang malalim at pag-tagilid ko, nakita ko ulit ang lalaking walang mukha.
