حفر حفره وطاح فيها

الجزء الثاني عشر

بالكافتيريا..والزحمه والحشره..

ياسر قاعد مابين ثلاث حريم..يرمسو عن اي شي وكلشي..اما هو بس قاعد يسمعهم ومبنفس الوقت ياكل.. لمح بنتين وولدين رايحين صوب الطاوله اللي تبعدهم طاولتين من صوب اليمين..مها وسيف وفهد وشمه..وقاعدين يسولفون ويضحكون..بدا يضايق..بس حاول مايبين ونزل راسه لتحت ..

وهو يسمع البنات يحشون..

مروه: شمه ومها صارو ربع؟؟

جواهر : شكلهن..

شمسه: وقاعدين جدام حبايبهن بعد هههههههه..

ياسر تضايق بس ساكت..

مروه : اششش عن يسمعووج..

ججواهر: لا صدقها..يوم انهم قاعدين جي بلا حشيمه ويسوون اللي يبووه ليش عيل نسكت..؟؟

ياسر بقلبه: هب جنج انتي بروحج قاعده مع ريال الحين ولا انا هب ريال بعينج؟؟

مروه لفت صوب ياسر: لا تقولون لحد بس يقولون سيف يبا يخطب مها..

ياسر ويحس ماي ويهه طاح ومنصدم يطالعها..بس ماقال شي..

ياسر يطالع مها وهي تضحكك ويه اللي وياها..هالمره ماقدر يكتم غيضه ووقف..

شمسه: ع وين؟؟

ياسر ابتسم وهو يطالعهم: قبل لا تتكلمون ع غيركم شوفو عماركم..

البنات بوزو..

وراح..وقف وهو يطالع برع..: شو بلاني لازم اعصب يعني شدخلني فيهم..

طلع السجاره وولعها وهو يقول: افا بعد اليوم ماشي بوسات وياهم..

وبدا يدوخ وهو يفكر بسيف ومها..بيخطبها (وين يبا هالانسان..زواج مره وحده..مايبا يستانس بالاول.. حياته ممله..اصلا هو انسان ممل مادري كيف هاي قاعده ويااه..هي بروحها ملل..اصلا انا شدخلني ؟؟ ليش افكر..)

قاطع افكاره صوت مروه وراه..: ياسر..

ياسر لف صوب مروه مستغرب شو اتسوي هنا ..ساكت ويطالعها يعني نعم؟؟

مروه وبندم: حنا اسفات..المفروض مانرمس عن الناس جي..والسموحه لانا خليناك تعصب..

ياسر(صح هم يبونه اكيد مابيقطعون علاقتهم فيه ..بيسون كلشي عشان يلاحقوونه)..

ياسر رد يطالع ع جدام: لا عادي..

مروه: صدق..؟؟ ..وبعدين انا تهمني ماباك تزعل مني ..

ياسر ساكت..

مروه..: اممم الحين بخليك تاخذ راحتك..اشوفك بعدين اوك؟

ياسر اشرلها براسه يعني اوك وراحت..

ياسر (عيل ليش مها ماتهتم لو زعل ولا لأ..؟؟)..