حب الطوائف

البارت الثاني

#الكاتبة:سهى الشمري
#حب الطوائف
رواء:احم احم نحن هنا
زهراء:وجع شكو
رقية:انوب ابتسامات هاي شنو
زهراء:دااسكتن اسكتن
رواء:ايه نسكت ليش لا
وميض كنت طالع اني وصديقي للكافتريا ومن دخلت شفت زهراء كاعدة هية وصديقاتها ابتسمتلها هية ابتسمت وخجلت ودنكت راسها
وميض(بداخله):فدوة للخجلان
رقية:خرب شوفي الغمازة العده يمةة
رواء:عابن امة نحلة حتى جابت هالعسل
زهراء:ولجن فضحتنا اسكتن
واحنا كاعدات دخلوا 4شباب ومبينين عينهم ماصخة اجو وكفوا يمنا
وميض واني دااسولف وية ماهر صديقي دخلوا شباب ماارتاحلتهم راحوا يم زهراء وصديقاتها
وسام:هلو ياحلوات نكعد؟
زهراء:اعذرنا خوية ماانريد
وسام:عليمن هالاخوية؟واجيت كعدت  يمها
زهراء:عفوا منو سمحلك تكعد
وسام:شباب اكعدوا
الشباب كعدوا
رواء:امشوا منا لانصرخ
حيدر:اي ياعسل فنج اذا صرختي
وسام حطيت ايدي ورة زهراء
زهراء:گوم مناااا
وسام:لتصيحين ياحلوة خلينا نتعرف
وميض شفتهم يتحارشون بيهن اني ماتحملت گمت لزمت هذا الي اسمه وسام ولزمته من ياخته مال قميصه وضربته بوكس
ناصر:ولك ليش تضرب وسام وضرب وميض
ماهر اجة وضرب ناصر
وميض:وضربتهم اني وماهر
زهراء:وميض وميض عوفهم خوية گوله خل يتوقف
ماهر:وميض عوفهم لاتوصخ ايديك بيهم
وسام ضربته بوكس على خشمه ونزف
البنات:😭😭😭
زهراء:وميض خشمك ينزف
وانوب اجوا الدكاترة والامن
واخذوهم للعميد
زهراء:بنات من ورانا راحوا للعميد مو؟
رقية:احنا شنو اصلا همة خوش موقف انو دافعوا عنا
رواء:صح
زهراء:😔
ورة شوية
رواء:راح اروح للقسم الداخلي يلا نمشي
رقية:يلا زهراء
زهراء:اسبقني راح اسوي شغلة واجي للقسم
البنات:اوك
زهراء راحوا البنات وفرغت الكلية بقة كم طالب وطالبة واني انتظرت وميض حتى اطمن عليه
وانوب طلع
وميض تعاركت وية هذولة الحيوانات وانوب اخذوني اني وماهر وهذولة للعميد ورزلنا العميد وانطانا فصل 3ايام عقوبة ومن طلعت لگيت زهراء واكفة من طلعت اجت علية
زهراء:وميض وميض شصار
وميض:ماصار شي 😡
زهراء:اني اسفة لان سببتلك مشاكل
وميض:لامو مشكلة المهم انتي بخير بس ديري بالج
زهراء:شحاجاكم العميد
وميض:رزلنا وفصل3ايام
زهراء:عززززة اني اسفة 😦
وميض:لاتعتذرين عادي
زهراء:تعال وياي
وميض:وين
زهراء:بالحديقة هناك ورة الكلية نحجي احسن
وميض:اوك
ورحنا وكعدنا على كراسي بالحديقة الخلفية
وطلعت خاولي زغير اني دائمن اجيبه وياي
وقربت ايدي من وجه وميض وداامسح خشمه من الدم
وميض طلعت من جنطتها خاولي زغير ومسحت خشمي
وميض:عوفي اني امسحه
زهراء:لا لا عادي اني امسحه
واني داامسحه شفت وميض ينظرلي بنظرة غريبة
زهراء:شبيك
وميض:لا لامابية شي
زهراء:انت مرحلة ثانية؟
وميض:اي وانتي اولى مو؟
زهراء:بلي بلي
وميض:احجيلي عنج
زهراءوخرت الخاولي وجاوبته:اني من كربلاء وعايشة وية امي وابويه واخويه واختي الازغر مني وانت
وميض:مثلج بس من بغداد
زهراء:اها
وميض:بس شون ترجعين للبيت وتداومين؟
زهراء:لا اني هسة ساكنة بقسم داخلي
وميض:اها
زهراء:يي
وميض:عادي تنطيني رقمج
زهراء:شتسوي بيه
وميض:لا بس حتى من تحتاجيني اتكدرين تخابريني
زهراء:لاميحتاج شكرا
وميض:لا مو بس بهاي يعني عالدراسة او شي
زهراء:اوك سجل.........
وميض:اوك
زهراء:يلا اني تأخرت لازم اروح
وميض:اوصلج؟
زهراء:لا اخذ تكسي
وميض:لا دنيا الظهر ماتلگين تكسي
وميض:لا سيارتي موجودة
زهراء:اوك
وللحكاية بقية،،،،،،