#الكاتبة سهى الشمري
حب الطوائف
مرت العطلة الجمعة والسبت يعني وردعت لبغداد علمود الدوام
وداومت بالكلية ولبست
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
واني داامشي رحت ورة الكلية بالحديقة الخلفية حسيت احد حظني من ورة
زهراء:يمةةة
رواء:وجع
زهراء:ههههه هاي انتي
رواء:لعد منو
زهراء:اشتاقيتلج ولج وين رقاوي
رواء:مريضة فما راح تداوم
زهراء:خطية عدها العافية
رواء:خلينا نروح للمحاضرة
زهراء:يلا امشي
،،،،،،،،،،،دخلنا للمحاضرة
زهراء بالمحاضرة ظليت افكر بوميض اگول شو ماشفته اليوم معقول مامداوم؟بس مشتاقتله صدك معقول حبيته؟لا شنو السالفة زهراء؟زبن هو يحبني؟
الدكتور :انتي ام الشال الاصفر والقميص الابيض عيدي الي حجيته هسة
زهراء صافنة
رواء:وج يحاجيج الدكتور
زهراء:نن نعم
الدكتور:شحجيت هسة عيديه
زهراء:اا اسفة دكتور شردت شوية
الدكتور:انتبهي لان هذا الموضوع كولش مهم
زهراء:اسفة
الدكتور:اكعدي
زهراء كعدت
رواء:شبيج اليوم
زهراء:مابية
وبعد ماخلصنا المحاضرة رحنا للكافتريا اني ورواء وانوب دخل وميض وسلم علية من بعيد واني متت من الفرحة اخيرا شفته ابتسمتله ورفعت ايدي لوحتله واشرلي تعاي
زهراء:دقيقة وارجع
رواء:اخخخ روحي
زهراء:😂
ورحت وراه گعدنا بالحديقة الخلفية عالكراسي ورة الكلية بس فارغة
وميض:شونج
زهراء:تمام وانت
وميض:الحمدلله
زهراء:ليش جبتني لهنا مبين بحلكك حجي
وميض:يي اريد اگولج شي
زهراء:گول
وميض:اا اني اني
زهراء:اي انت هاي فهمتها الوراها
وميض غمصت عيوني: زهراء اني حبيتج من اول لحظة شفتج بيها وحبيت كولشي بيج وكل تفاصيلج وشخصيتج واخلاقج وكولشي بيج مو بس حبيت عشقت وعشقتج كلج على بعضج واتمنى انتي نفس الشي وعندج نفي المشاعر
زهراء:مااعرف شاكولك بس انت فاجئتني
وميض:اعرف بس جاوبيني انتي تحبيني؟
زهراء:ان اني ما مااعرف مااعرف
وميض:شنو متعرفين؟بس جاوبيني لو اي لو لا؟
زهراء:لنفترض انو اني احبك من كل عقلك اهلي يوافقون عليك انت سني واني شيعية انت من بغداد اني من كربلاء كومة شغلات تمنعنا
وميض:انتي هذا اليهمج انو اني سني يعني؟
زهراء:مايهمني عسا ما تكون مسيحي قابلة بس مانكدر
وميض:يعني؟
زهراء:يعني انسى هذا الموضوع
وميض:اتمنى هسة تكمشين ايدي وتگوليلي اني احبك ومستعدة اتحمل كولشي علمودك
زهراء:اسفة بس مااكدر احققلك هالشي
وميض:شكرا على صراحتج الله وياج وانسي واحد اسمه وميض بحياتج
زهراء:وميض
وميض:باي
وعافني وراح
زهراء اني تفاجئت بكلامه بس بداخلي فرحت بس اعرف هالحب مستحيل لان هو من طائفة واني من طائفة ومحد راح يقبل واحس دموعي نزلت گمت ماتحملت رحت للمغاسل وظليت ابجي بيها ليش؟ ليش هيج اني حظي؟ ليش حبيت واحد مو من نفس عالمي؟
وفداة دك موبايلي رواء مسحت دموعي ورديت
زهراء:الو
رواء:وينج
زهراء:بالمغاسل
رواء:ليش هيج صوتج شنو دتبجين؟
زهراء:لا
رواء:شحاجاج وميض
زهراء:ماحجة شي
رواء:لعد ليش تبجين
زهراء:رواء نفسيتي تعبانة كولش فراح ارجع للقسم الداخلي وهناك نتكلم
رواء:براحتج راح اسجللكم المحاضرتين البقيات الج ولرقية
زهراء:رحت للقسم الداخلي رقية بليل تجي فوحدي بالغرفة وصليت وقريت قران ومددت عالجرباية وظليت افكر وماادري بروحي وغفيت
،،،،،،،،ستوووووووب خلص البارت اعرف قصير بس احداثه قوية راح انزل لو بعد شوي لو باجر اكتبولي شنو رئيكم بهذا البارت وشحيصير؟تفاعلوا ☺
أنت تقرأ
حب الطوائف
Lãng mạnطائفتان مختلفتان لكن ماذا دخل الحب الى القلوب فهل يستمر هذا الحب ؟ ام له نهاية اخرى؟؟...حب الطوائف... بقلم سهى الشمري
