مرحبا حبايبي😍
ساعه 9 باليل انزله😍
سوولي متابعه بطريقكم😘😘✋✋✋
قصه واقعيه لفتاة عراقيه اسمه رحمه القصه تشمل قصتين بقصه وحده لكن اساس القصه هيه رحمه اتمنى تعجبكم القصه ...هذا اول نشر للقصه ..يعني حصريه ...واختاريت صورة الشهيد البطل ابوبكر السامرائي لان ابطال القصه يشبهوه ...اتمنى تعجبكم القصه اتفاعلوا حتى اكمل نشر احداث القصه حلوه رومانسيه وموشوقه وطويله...متابعه شيقه اتمناهه الكم..بقلمي .
البارت1 2 3""""
امراة بين #رجلين
#البارت1
#الكاتبه_سهير
. .الأحلام التي تبقى أحلامً لا تؤلمنا، نحن لا نحزن على شيءٍ تمنّيناه ولم يحدث، الألم العميق هو على ما حدث مرةً واحدة وما كنا ندري أنه لن يتكرر .
كل بنت من تكبر تبدي تحلم بفارس الأحلام وترسم بمخيلته صوره اله بمواصفات تعجبه وتسولف وياهه و تنطيهه اسماء ... وتحلم باليوم الي تلبس الحلقه وتتدلع كدام صديقاته ... وتحلم باليوم الي تلبس الفستان الأبيض والفارس ماسك ايده ويدخله للقفص الذهبي و يصير عدهم كتاكيت حلوين ويختلفون او يتفقون ع الاسماء ...كل هذه الاحلام هيه حق مشروع لكل انثى ...لكن مو كل حلم يكون حقيقه!!!!!!...لان الحلم شيء والواقع شيء ثاني عكسه تمامآ.... الحلم امنيه""" والواقع قدر """ نمشي عليه مثل ممكتوب ممن حقنه نغير حرف منه لانه ببساطه قدر اللهي محتوم ...
ندخل وياكم بعالم قصتنه ونعيش احداثه الواقعيه مثل معاشوهه الأبطال واكرر اختاريت صورة الشهيد البطل ابو بكر السامرائي لان ابطال القصه يشبهوا ...
-مرحبا..اني رحمه مواليد86من بغداد كل الي يشوفني ينعجب بشكلي ودائمآ اسمع يكولون عني (حلوه وجذابه) من كبرت كل الي يشوفني يشبهني بالمغنيه باسكال مشعلاني خصوصآ طولي وجسمي الاختلاف بيناتنه عيوني كبار ورموشي كثيفه و اهرام شفتي واضح مثل المثلثات💋😻😻..اني من عائله محترمه ووضعنه المادي ميسور ...اعرفكم بعائلتي بابا مهندس كبير بمصفى بيجي وماما احن واطيب ام بالدنيا ست الحناين مدرسه حاليآ متقاعده اخويه ايمن م71مهندس كهرباء ودنيام 74معلمه جامعيه وداليام77محاميه ومروان م79مهندس حاسبات فدوه لعينه حبيب اخته شايل حنيه مشايله بشر ..واني اخر العنقود....بسنة ال93انتقلنه لتكريت لان بابا تعب من الروحه والرجعه يوميه لبغداد ولان ايمن همات تعين ويه بابا فلهذا انتقلنه لنعيش بتكريت جانت حياتنه كولش حلوه عائله محبه للحياة ومتفاهمه ومعدنه هموم عايشين حياتنه طول بعرض سفرات وعزايم وطلعات ....لكن دوام الحال من المحال.. من كبرت كل شي اتمناه يروح لغيري واشوف غيري يعيش الحلم الي حلمته وتمنيته واذا تحقق حلمي فيتحقق بعد تعب ومعاناة وحتى لهفتي اله تروح ..
كافي رحمه نروح للشباب نتعرف عليهم ومن يجي دورج نرجعلج ...
♤- مرحبا اني بارق م73ظابط اني الكبير بين اخوتي وشخصيتي قويه وعنيد وعصبي ودمي حار بس قلبي طيب وحنين وشديد التعلق بعائلتي .. . طويل جسمي مليان العب حديد من اني صغير مشارك بنادي رياضي عظمي خشن حتى مبين اكبر من عمري اني واخويه الصغير اوسم حيل نتشابه بالشكل بالطباع وحتى الصوت بعكس اخونه باهر ميشبهنه يشبه الوالده بالشكل لكنه بالطباع يشبه الوالد ابويه موظف بوزارة الصحه انسان طيب وقلبه كبير وهادئ واعصابه بارده عكس امي الي شخصيته قويه ولسان وعنيده وكلمته ماشيه ع البيت كوله اني واوسم نشبهه بطباعنه وباهر وخواتي سراب وسعدى هادئين ع ابويه...
مرحبا♤اني اوسم م79دكتور سونر.... الكل يشبهني بأخويه الكبير بارق بشكلي وطباعي نسخه ثانيه منه .... بيتنه بالسيديه حي الظباط ....ب95 اختي سراب نخطبت لأيمن والده ابن عم ابويه ... ايمن اخوهه لرحمه وننتظر بارق يتخرج من كلية الشرطه حتى بعد تخرجه تتزوج سراب وتخرج بارق من الكليه واجه يوم زواجه لسروبه وسافرنه لتكريت اني والوالده والعروس وسعدى وهاي اول مره اروح لتكريت جان بوقته نهاية شهر السابع والجو حلو بتكريت جبال ونهر دجله يجري بقوه وطبيعه حلوه كولش حبيت الأجواء وحبيت مروان هو حماهه لسراب ونطلع سويه اني وياه سفرات ونسه بس المشكله انوا مروان عنده ذيل ههههه منو ذيله رحمه"""....رحمه جانت صغيره عمره بال9سنوات صايره مثل الذيل لمروان وين ميروح وياه نكوم .نكعد. نام. رحمه ويانه كتله لمروان يمعود صدووك كذب هاي حيل متعلقه بيك ...لك هاي بنتي اني مربيه متفاركني .ومن جانت اصغرحلاقي هو يرتبله شعره و حتى اصدقائي تعلقوا بيه بحيث اذا اروحلهم وهيه مو ويايه يفتقدوهه لان صايره ملحق ماتي ويسموهه دوريد ... مروان تصدك حتى اني تعلقت بدوريدمثل جماعتك همات افتقده اذا ملكيته وياك ومحبوبه وسوالفه حلوه ام لسان ... بقينه اسبوع يم سراب ابيت عمو ابو ايمن واجه اليوم الي نرجع لبغداد واني ظايج لان تعلقت بمروان ورحمه وبالمكان كوله بحيث مريد ارجع لبغداد صعدت بالسياره ومتكأب جان بوقته عمري 16 سنه وجنت ناجح لصف الخامس العلمي رجعنه لبغداد واني طول الطريق افكر بمروان ورحمه .... وصلنه لبيتنه واكيد الوالده كعدت تسولف للوالد ع تفاصيل العرس والناس وع سراب و...و... و... بعد انتن النسوان اذا انفتحتن متسكتن تسردن التفاصيل الدقيقه بالتفصيل الممل وتظلن تعيدن وتصقلن ولا تملن واجه بارق من الدوام وتلكته امي تبووس وتحظن بيه امي حييل تحب بارق تحبه بشكل اناني ...فعلآ حبه اله اناني واله مكانه خاصه بالبيت ...
بارق_يمه مشتاق لحظنج مددي رجليج دحوط راسي ع رجليج ولعبي بشعري شوفي شبيه كمل ..نمل.. فار.. اشو يوكحني...يا يمه شبيه شعرك هو انته مخففه كلش بعد الكملايه تتزحلك شعر وماكو تكمش بيه ههههههه ...لعد لعبي بشعري دنام وسولفيلي لكيتيلي مراه لا يمه اريد مراه تزاحمني بفراشي تتحارش بيه تتلكاني من ادخل البيت يمه مليت ليليه احظن المخده ونام وانت موراج تلكيلي مراه ....ابني غير اشوفلك وحده تعجبني...اي يا امي هو انت تزوجيه لو اني غير اني انعجب بيه اشو كل وحده تعجبني انت تعترضين عليه وتطلعيلج الف عيب بيه... هو مبين تاليتي ابقه طول عمري عزابي وفراشي بارد و حاظن المخده ... ابني لكيتلك عروسه بس بعد اقتنع بيه يالا ...منو هذه وهم متقتنعين بيه هسه تطلعيلج بيه لوله ...يمه هو زواج عمر لتستعجل والبنيه حمات سراب ...صدووك يمه كعدت عدل وصفيه الي حلوه طويله قصيره اني اريده طويله وحلوه اريد من امشي وياهه معاين ع غيره لان مكتفي بيه. يمه مدام حمات سراب يعني تعرفيه وشايفته انت من قبل...اي يمه شايفته بس هسه عجبتني ولو بعد موكلش مقتنعه بس اشوفه حلوه وهادئه وتوالمك #اللهي ماأعظمك_سهير....يتبع #امرآه_بين_رجلين
#البارت2
#الكاتبه_سهير
يمه بس اصبركم يوم كلت لسراب تشوفه تعرف طبعه توالمك لا ...لعد يمه فد اسبوع واخذ ابويه ونروح لسراب بحجة نباركله بلكي اشوفه البنيه ...هسه انت الويش مستعجل دصبر نشوف اختك شتكول عنه جائز متعجبني طباعه ...اهووووو يمه انت حتى لو اجيبلج من حور الجنه هم تطلعين بيه الف عيب. هذا طبعج بعد محد ميعجب...شدعواك يمه روح وشوفه واني معليه بيك فوكاهه ددورلك الزين ...لا زين ولا موزين يمه اني اعرفج مترديني تزوج خاف تاخذني المراه منج ...وظلت امي تحلف وتحاول تقنعني انه تريد تزوجني بس اني اعرفه تحبني بانانيه متريدني تزوج ...وبعد يومين اتصلت ع سراب وسئلته عن حماته ومدحته وكالت توالمك البنيه وحس مي بارد نزل ع صدري وامي من شافت فرحتي نعقج وجهه عجيب امره غريب متريدني اتزوج ..وكلتله اذا مخطبته الي ازعل عليه ووافقت تخطبه بشرط مطلع بيت وحد لو شميصير وقسمتله مطلع ابد لو ع رقبتي ...يالا يمه شوكت تتصلين ع سراب تخطبين حماته مو قسمتلج مطلع منكم ...اصبرلي ..شصبريمه خاف البنيه تروح ..وراحت قحط بنات ازوجك اغاته وعيونك يمه ازوجك وحده تفصال ع مرامك ولو ازفلك اثنين بليله وحده يمه انت ملازم بارق شويه طول وعرض ورتبه نياله بنت ابوهه الي تصير مرتك ليش هيه تطول تاخذ واحد مثلك...اووف يمه همات رجعتي من جديد كلته بصوت عالي...اني طالع وحتى عشى ماريد وزواج هم ماريد بطلت افرحي وطلعت وركعت الباب حيل ...تعال يمه بروقي وين رايح شوف شلون ركع الباب بوجي هاي بعدهه مجته المراه وتسودنه عافني وطلع يعييط عليه.ابو بارق شفت ابنك شسوه بيه..يمعوده دخطبيله البنيه وفظيه موشلعتي قلبه تلعبين بأعصابه وانت موراج واني حخطبه اله يعجبج ميعجبج بابا اوسم جيب التلفون دتصل ع ابوايمن ...دنتظر يمعود ..دسكوتي عاد ممرتيه للولد احسن يجيبلج وحده ساقطه من الشارع ويدخله عليج هيج تردين كافي سكوتي دك دك التلفون الصمي.. الوو السلام عليكم .وعليكم السلام.شلونج عمو.الحمدلله منو حظرتك..اني ابو بارق..هلو عمو هلا بيك شلونكم خاله شلونه سعدى.الحمدلله بخير منو ويايه.عمو اني دنيا.هلو عمو شلونج.. الحمدلله عمو هسه انطيك سراب ..لابنتي انطيني الوالد اذا موجود وتالي سراب..لحظه عمو..دشوفي صوته شلون هادئ مبينه خوش بنيه ...هيه بالصوت يارجال ..اسكتي ليسمعج الرجال..الو هلا بابو بارق........
.....#سهير
هاي خطبناهه لبارق وان شالله خير وحتى بنتج فرحت كالت توالمه لبارق ...اي فرحت العوبه بنتي تريد تخلص من حماته وتنومه برقبتي اوووي مالت صونده وصلخ لجلده هسه ...كافي بعد مصيره يزوج اليوم باجر يتزوج نزوجه وحده نعرفه احسن مياخذله غريبه وتاخذه من عدنه ومنو كال البنت توافق جائز متوافق..اي هو هذا الناقصني متوافق بنت خوله #سهير..موتحلم بابني بارق يخطبه نزول ع البانيه ام السعابيل
...هو وينه هسه شيجيبه ونكوله خطبناهه الك ...مرت ساعه ساعتين وبارق ماكو بابا باهر اوسم روحوا شوفوا اخوكم وين ولتكولوله خطبنالك كولوله ابويه قلق عليك شوفوه بيت عمك عند اصدقائه يالا روحوا ولترجعون الا هو وياكم وانت موتاكليه لقلبه من يجي كافي ليروح من ايدينه الولد تعرفيه عصبي ليسوي شي بنفسه ولو اعرفج لسانج متبري منج متكدرين اسكتين...صارت الساعه ب11 ولهسه ماكوا وزاد القلق والاب واكف بالباب ..قريب الساعه12نفتحت الباب ايه ياالله جووي الوللد الحمدلله..يتبع
#سهير #إمرآه_بين_رجلين
#البارت3
#الكاتبه_سهير
وين صرتوا بابا قلقتونه عليكم هلا بالعريس تعال بابا تعال ..حظني ابويه وبوسني ويكولي عريس تهي بهي ياعريس يابا هيه تقبل امي ..لك بابا خطبناهه وكولشي انتهه يا امك انت شتحجي ..صدووك يابه لو تشاقه لو تريد تهديني.لا صدووك احجي هسه اتصلت ع ابو ايمن وخطبتلك دنيا وكال البنت بنتكم ومنلكه احسن من بارق بس نشوف البنيه شتكول وارودلك جواب يعني بالمختصر همه موافقين وان شالله كوله كم يوم ونروح نكطع مهر...اووف احس مي بارد ونزل بصدري بوسة ابويه من راسه وبوست الوالده وكالت الله يسعدك ابني ببرود مو بفرحه تركته ورحت لغرفتي نمت واني فرحان وارسم صوره لدنيا حسب موصفوهه الي وكعدت الصبح مرتاح رحت لدوامي وعاين ع الساعه شوكت يخلص الدوام ورجع للبيت وبلكي اسمع اتصلوا موافقين خلص الدوام ورجعت للبيت سئلت سعدى متصلوا الجماعه كالت لا وظليت اسئلهه عن دنيا واجه اوسم همات ظل يسولفلي عنه ومن تجي امي نغير الموضوع وبقيت يومين ع اعصابي لحد مفديوم رجعت من الدوام وتلكاني اوسم وباهر يصفكون ويهوسون نتشكر من كال اخذوهه نتشكر من عمه وبوهه نتشكر يابا فرحت فرحه بكد الدنيا وافقت.. اي وافقت والخميس تروح تشوفه وتشوفك ...#سهير
اووف اليوم خميس نص دوام لو اني اشوفه اطوله من اسبوع مصدكت صارت ساعه بال10 اخذت اجازه زمنيه وطلعت للبيت الكل ينتظرني اخذتهم وطلعنه لتكريت وبعد الغده انفتح موظوعي وبعد النقاش صاح عموابوايمن بابا دنيا جيبي الجاي واني بديت ازوخ عرك جتي دنيا شايله صينية الجاي والكليجه وعاين ع اديهه ترجف وشكله كولش حلو وهادئ واني عين عليهه عين ع الصينيه اكول هسه تكلبه ع واحد منه وجان يكولي ابويه بابا بارق اخذ الصينيه من خطيبتك كمت اخذت الصينيه منهه وجتي عيني بعينه عيونه كبارعسليه وشويه ناعسه واني طويل وهيه ناعمه احسه تفاجئت بيه جفلت ورجعت ليوره وطلعت بسرعه وصاحله ابوهه ارجعي اكعدي هنايه اشرله ع مكان كدامي #سهير..ورجعت كعدت ومدنكه ووجه احمر دم من الخجل وقرينه الفاتحه وتفقنه ع المهر وامي ساكته شكله ظامتلي عركه كبيره من نرجع ويوم ثاني رجعنه لبغداد وتفقنه الاسبوع الجاي نكطع مهر واحنه بالطريق اوسم كال بارق وامن مستقبله بعد باهر واني وهمه عدهم بعد بنات اثنين حجزوهن النه وامي نفجرت وبعد شيسكته وظلت تحجي طول الطريق مسكتت الا كسرت فرحتي وبقيت يومين محجي وياهه وتالي رجعت بوسته من راسه واديهه وصالحته لان عليت صوتي عليه ولو هيه استفزتني بكلامه وبقت معترضه ع المؤخر المقدم مجان هوايه بس المؤخر ثكيل اني وابويه وافقنه لانه مجرد رقم بس امي متقبل ..اخذت امي وسعدى ورحنه اشترينه الحلقه والذهب وكملت امي النيشان والجمعه المهر وهيه معاجبه وتشتري وتحجي ع دنيا واهله وبداخلي اكول شلون نعيش وياج ياأمي ...#سهير...
اوسم:كملت خطوبة بارق ودنيا وكولنه فرحانين اله بس امي موكلش فرحانه😕😕احسه تجامل بارق وقدم بارق ع موافقة زواج لان الظابط ميزوج الا موافقه والموافقه سنه يالا تجي وصار بارق كل اسبوع يروح يشوف دنيا واني مرابط وياه لازم اروح اشوف اصدقائي مروان ورحمه .. وخلصت السنه وجتي الموافقه مالتهم وحددوا موعد زواجهم بداية شهر9 ب96وبالعرس جتي رحمه ومروان ويه العروس وسهرنه بالحديقه اني ومروان ورحمه ورحمه نامت ب المرجوحه واني ومروان بقينه للفجر كاعدين والصبح رحمه كعدت تتقيأ انكلبت معدته كد متتحرك بيه المرجوحه واني ومروان نصنف و نضحك عليه وهيه تبجي ...وبعد يومين رجعوا لبيتهم وظجت لان حيييل تعلقت بيهم وخصوصآ رحمه من اذكره معرف شنو يصير بداخلي رغم هيه طفله واني اكبر منه بس بداخلي شعور غريب تجاهه وجنت اتناكر وياهه اكوله من ازوجج اشبعج كتل واادبج ولسانج هذا اكوصه جنت كل عقلي احجي وياهه وهيه تظوج تكولي من اكبر اني اكوتلك واذا لحيت عليه بالشقى تروح لامه تبجي وتزعل عليه وشويه وترجع ناسيه زعلته وترود تحجي ويايه ..
دنيا:مر شهرين ع زواجنه واني كولش سعيده ويه بارق وكل يوم حبه الي يزداد واني نفس الشي واهله خوش ناس وعمو والأولاد وسعدى كولهم حبابين ويايه واوسم دائمآ بسيرة مروان ورحمه ويتواصل وياهم بالتلفون الارضي بس عمتي شديده ويايه واحسه تغار ع بارق مني ومن يطلع بارق للدوام تظل تتحجج عليه وتحاول تخلقلي مشاكل وكل يوم ارجع من الدوام استلمه شغل لليل تنضيف غسل ملابس البيت كوله عشى غسل مواعين غسل الطوارم الخبز كول شغل البيت عليه واذا كلت لسعدى ساعديني متقبل عمتي تكولي بنتي مو خدامه عندج حتى تصخريهه تساعدج بحيث اوصل للمخده هلكانه من التعب ومشكي لبارق منه لان مريد مشاكل واكول هو تعبان مريد اشغله بمشاكل البيت ومدام اني احبه اتحمل لخاطره ومرت اشهر واني معندي حمل وزادت عمتي عليه بالكلام الجارح وتعيرني بسراب لان حملت بسرعه وجابت تؤم واني ماكو وكل يوم تكول كدام بارق فلانه جابت فلانه حامل لو اعرف جان زوجتك منهن وبارق يكولي سوي نفسج متسمعين لتجاوبيهه مريد مشاكل ومرت سنه وسنه ثانيه وثالثه وحمل ماكو وعمتي تكومني بالعاكر تكعدني بالكاع البور وبنتي خصبه احسن منج وتعبت من العلاج ومن عاراته واني نفسي بطفل يملي عليه حياتي واشوف بارق من تجي سراب شلون يفرح بأطفاله ويلعب وياهم ادخل لغرفتي لو للحمام وخلص نفسي بجي وكل شهر اندعي ربي هل شهر اني حامل وماكو حمل وخلصت راتبي ع العلاج وع الدكتوره واي نتيجه ماكو وكل مره تكولي الدكتوره اثنينكم مبيكم شي السبب من الله مبيكم اي عيب وعمتي متقتنع بهذا الكلام تكولي انت عاقر والا ازوجه 3 غيرج واطلكج منه .وفد يوم باهر كله اخطبيلي داليا اخته لدنيا وهيه انفجرت عليه وخزتني كدامهم...يتبع
