حب الطوائف

البارت العاشر

راحوا وماما ظلت تحجي وية بابا وعلي واقتنعوا ورضوا بغيث ومحد حتى طلب رأيي رحت لغرفتي صحت بنين
بنين:ها زهورة
زهراء:بنونة حبيبي اريد موبايلج
بنين:شتسوين بيه
زهراء:اريد اخابر تعرفين علي كسر موبايلي
بنين:هاج
واخذته اني حافظة رقم وميض دگيت عليه مارد انوب دگيت مرة ثانية يلا رد
وميض:الو منو وياي
زهراء:وميض هاي اني زهراء
وميض:زهرااااء حبيبتي شونج ها شصاير وياج ادگ عليج ويطلعلي مغلق وحاولت هواي اوصلج بس ماكو فائدة واجيت حتى اجيكم لبيتكم بس خفت عليج لايسوون وياج شي
زهراء:علي كسر موبايلي
وميض:لاتضوجين اني اجيبلج موبايل
زهراء: وميض اني راح اتزوج
وميض: ......
زهراء:الوو وميض
وميض:و ووياج شگلتي هسة؟
زهراء:اني راح اتزوج
وميض:مم منو وليش وشلون 😢
زهراء:اليوم اجو خطابة واهلي وافقوا مو قصدي اضوجك لان خابرت بس خابرتك حتى تنساني وبعد متفكر بية
وميض:ليشش بس گوليلي ليش وج من اول ماعرفتج ماعرفت شنو النوم وعيني ابد ماغمضت من وراج ووگعت بمشاكل وحدة اكبر من الثانية وهسة دتگولين راح تزوج عادي
زهراء:سامحني ارجوك
وميض:ماااخليج على جثتي
زهراء:ومييض الله يخليك عوفني وعيش حياتك وكون متيقن بشي اذا اتزوجت ماراح يكون بگلبي اي احد غيرك انت
وميض:ماراح اخليج لغيري فاهمة لو لا؟ انتي الي ومو لاي احد الي وبس
زهراء:لك وميض انسااني خلصصص
وسديته وانطيته تأمين حتى مايگدر يخابر على بنين
اجتني امي وگعدت تحجي وياي وتگولي وافقي ووافقي بس اني ماجاوبتها ابد بس هية عرفت جوابي من عيوني المملؤة دموع
ام زهراء:يماما شأاريد غير مصلحتج هذاك السني ميفيدج لا ابوج ولااخوج  قابلين بيه ولا الناس فااقبلي بغيث خوش ولد هوة احسنلج
،،،،،،،،،وعافتني وراحت
ظليت افكر بكلام امي هي وياها حق تقريبا لان اني حتى لو ماوافقت محد يقبل برفضي ويأذوني بالبلاش اوافق احسنلي بس ووميض راح يتأذى من وراي وينجرح بس شبيدي عليه لو بيدي كنت اواجه الكل بس ماباليد حيلة وهو مستحيل يتقبل فكرة يتخلى عني وينساني اذا مايقتنع انو اني تزوجت اي احسن شي اوافق على غيث ومبين حباب بس هم مااريد اأذي وياي شسوي ياللهي وصار الليل صليت وتعشيت ونمت صار الصبح سبحت ونشفت شعري وسويت الريوگ والكل گعد
ابو زهراء:الوادم تريد خبر موافقة لو لا
زهراء:،،،اا مو موافقة 😔😢
ابو زهراء:بيها الخير عفية بنيتي هذا القرار الصح واحسنلج وباسني براسي
اني ابتسمتله ابتسامة مزيفة واني حجايتي هاي وموافقتي احسها سجينة طببتها بگلبي
ابو زهراء:معناتها اليوم اخابرهم حتى يجون و نتفق على قراية الفاتحة والعقد مالتج
زهراء:يي 😔
ابو زهراء:اخيرا رجع عقلج لمكانه
وخلصنا ريوك واني اغسل اماعين سمعت صوت علي يسولف وية حبيبته ظليت اباوعله من باب المطبخ ليش يحلل على روحه ويحرم علية انو احب شنو هالتخلف بمجتمعنا ليش البنية هي الي لازم تضحي وهية الي لازم تتعذب والولد اذا راد شي لازم يصير شوكت يجي اليوم الي يتغير هالشي وكملت الاماعين وگعدت اباوع عالتلفيزيون واجتني ماما
ام زهراء:عفية بنيتي هذا القرار الصح صدگيني لمصلحتج وراح من تكبرين تعرفين انو قرارج صح هسة ابوج خابرهم وگاللهم بموافقتج وموافقتنا واليوم راح يجون علمود تتفقون عالعقد والعرس وهم تتعارفون وتحجون شوية
زهراء:ماما لاتحاولين وياي يجوز اني راح اتزوج بس ماراح احب غير وميض
ام زهراء:كااااافي مو حتى اجلي راح تجيبي ادري سحر خو ما سحر مسحورة حتى هيج كاتلة روحج عليه
زهراء:تي اعتبريني مسحورة وظليت اباوع عالتلفزيون واحس مختنگة كولش وماما گامت تسوي غدا وبنين بالدوام
علي:زهراء
زهراء تفاجأت من صاحتني لان من زمان مامحاجيني من تعاركنا وگتلهم على وميض مامناديني بأسمي
زهراء:ن نعم
علي:راح ترجعين لجامعتج بس اذا سمعت انو انتي التقيتي بهذا وميض مدري شسمه اذبحج فاهمة
زهراء:صدوك يعني راح ارجع
علي:يي بس اذا حاجيتيه تحلمين تتنفسين الهوة بعد فهمتي؟
زهراء:يي
علي:واليعلمج حطيت ناس تراقبج
زهراء:😒😒 عادي
ورحت انظف بالبيت حتى الهي نفسي وصار الليل واندگ الباب واجو اهل غيث وغيث اني كملت تبديل وحطيت ميكب خفيف ونزلت سلمت وابواع لغيث خطية فرحان بشوفتي بس انكسر خاطري عليه شكله متأمل بية ومعجب بية بس مااكدر احبه مو بيدي وگعدنا فرشنا السفرة وناكل وكل ساع الگيه صافن علية رحت للمطبخ اسوي جاي واجة وراي
..................ستووووووب خلص البارت
ترة طويل وتعبت بيه برئيكم شراح يصير بغيث وزهراء ووميض تابعووووا البارتات القادمة تصبحوووون على خير وباجر عندي امتحان ادعووولي حتى اذا جاوبت زين انزللكم باجر بارتات كوووومة ادعولي والقصة احداثها تجنن عندي هواي افكار حتحبوها 😉