ايمن : لك فراس الحكها رجعها لا تخليها تروح لك اذا راحت بعد انسى حبك للأبد... فراس: خلص ايمن كافي التريدة خلي تسوي.... ......... بعد مرور ثلاثة أيام. رونق: نبراس حبي كافي صار ثلاث ايام وانتي حابسة نفسج حتى الدوام مدا تروحين وين نبراس القوية الي تتغلب على كولشي لج حتى فراس حالتة نكلبت ورجع مثل قبل بعصبيتة وتسلطة... نبراس: لااجيبيلي سيرتة حبابة 😢 كلبي احس يوجعني ليش متاثرة بكلامة يمكن لأن مجنت متوقعة هوة راح يستغني عني اخخخخ ربي ساعدني ليش اني هيج ليش اني مو مو مثل باقي البنات ليش طفولتي معشتها ليش نظلمت وليش هسة من صارت الدنيا تزهيلي وحسيت صعدت للغيوم من السعادة بس فجاءة تجي ريح توكعني السابع أرض ااااخ رونق ساعديني راح اتخبل ... رونق : حبي والله هوة الخسران والباعج بيعي وعيشي حياتج مثل قبل وارجعي اشتغلي واليوم عندج موعد ويا الدكتورة.... نبراس: حبي شتفيد الدكتورة مو عود تعالجت وراحت مني هاي الرهبة بس شفتي الصار من مجرد كلام شخص ..وفراس صدكيني ميهمني بعد والدكتورة مااروحلها ... ام رونق :( وهية تبجي) يمة نبراس حبيبة كلبي ليش تقهريني يمة الخاطري بلشي وهاي آخر مرة اذا مصارت حالتج زينة بعد منطلب منج يمة انتي لازم تصيرين سبعة وتثبتين نفسج نبراس الخاطري اذا عندي خاطر يمج::::::::::: نبراس : نقهرت على مضهر امي كمت بست راسها وايدها كلتلها صار راح اتبع كلامج بس ترى اذا مشفت فرق بعد مااروح... كمت بدلت ورحت اني وامي ورونق وصلنا العيادة الدكتورة وبعد انتضار مدة قليلة صار وكت لقائي بالدكتورة جنت كولش خايفة ... رونق: يلة حبي توكلي على الله وروحي. ام رونق: يايمة صدكيني حالج راح يتغير. نبراس: دخلت الغرفة الدكتورة كانت عطر الغرفة تخلي الشخص يرتاح نفسيا وتدعوا للطمئنينة كانت على جوانب الغرفة اشجار صغيرة يتوسط الغرفة مكتب خلفة موجودة امراءة تبلغ من العمر تقريبا 45 او أكثر صاحبة وجه بشوش مبتسم الها عيون تخبل على الرغم من تقدمها بالعمر ويوجد بجهة المكتب قنفة هاي اللي يمدد عليها المرضى وصوت المسيقى رائع وهادئ ايقضتني من شرودي صوت ملائكي طبعا سميتها بعدين ملاكي المنقذ .. الدكتورة: تفضلي عزيزتي اقتربي واجلسي امامي . نبراس: اشرتلي على كورسي موجود امام المكتب كعدت علية واني اباوع على وجه الرحماني رجعت حجت وياي . الدكتورة: ماذا اسمك ياعزيزتي . نبراس: انا ادعى نبراس.. الدكتورة: اممم اسما جميلا انا ادعى مارلين هل نصبح صديقتين.. نبراس: وقد اعجبني كثيرا اسلوبها اسمك جميل جدا اجل بالطبع تشرفني صداقتك.. الدكتورة مارلين: اذا ياعزيزتي تعالي هنا اجلسي واسترخي وتكلمي معي بكل حرية وعندما تشعري بالتعب اخبريني لكي نتوقف ونكمل في يوم آخر. نبراس : جلست على القنفة وكانت الاجواء تدعوا للاسترخاء بديت احجيلها من بداية حياتي وشلون ربيت بيت عمي وشلون كانت معاملة زوجة عمي وكولشي حجيتلها ولمى وصلت لليوم اللي اختصبني بي منير وصديقة صرت ابكي بصوت عالي اعطتني دواء لااعلم وماهوة ولكن اعتقد مهدء طلبت مني التوقف فرفضت وبقيت مستمرة احجيلها كولشي وحجيتلها عن علي وبعدين عن شغلي وعن فراس انتهت جلستي بس جنت احس هم وانزاح وحسيت براحة طلعت سلمت عليها وانطتني موعد ثاني على جلسة ثانية بعد اسبوعين وطلعت لكيت امي ورونق منتضراتني خطية شكد تعبوا وياي ركضت حضنتهم جنت اشعر براحة... رونق: حبي تاخرتي خفت عليج عبالي صارلج شي . نبراس : لا حبي ماكو شي يلة نروح نتعشا بمطعم ونرجع رحنا اكلنا وتونسنا اذكرت زواج رونق وأيمن تاجل بسببي كلت باجر اداوم واحجي ويا ايمن . ثاني يوم كعدت من الصبح واني كلي نشاط اخذت شاور وشسورت ورفعتة وخليت ميكب كولش نازك وحلو ولبست هذا البس وكان هذا شكلي 👇
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
طلعنا اني ورونق للشركة دخلت سلمت على ايمن وهوة كان كولش متفاجئ وفرح الرجوعي بديت اشتغل بمكتبي القديم وحجيت ويا ايمن على زواجهم ولازم يسرع بي واعتذرت لأن تاخر بسببي فوافق بعد الحاحي وكال ايمن : اوك ياصديقتي الاسبوع القادم زواجي اوك .. نبراس: فراس شخبارة بعدة مقهور مني.. ايمن: صدكيني راح يتندم بعدين بس فراس لأن تعرض الخيانة من اقرب الناس صار ماعندة ثقة .. نبراس : (بتنهد) لا ماعندي شي على راحتة بس لأن كان صديق مقرب مني راح احاول اعتذر منة . بعد انتهاء الدوام طلعت شفت فراس وأيمن يريدون يصعدون بسيارتهم تقربت عليهم وسلمت كتلة شلونك فراس . فراس : (وهوة ميباوع بوجهي ) تمام بس رجاءآ لا تنسين اني استاذ فراس مدير الشركة اللي تشتغلين بيها يلة ايمن تاخرنا .. نبراس: انصدمت من كلامة بس من راد يصعد كتلة فراس اريد احجي وياك .. فراس: اذا بخصوص الشغل باجر الصبح ناقشي ايمن. نبراس: فراس اريد احجي موضوع خارج نطاق الشغل . فراس: اعتذر ماعندي كلام وياج خارج نطاق العمل . نبراس: فراس لا تنسى اني زوجتك فراس: اها ذكرتيني ليش احنا هم كنا نعتبر مزوجين بس ولا يهمج كنا يعني بزمن الماضي يلة ايمن (بعصبية) نبراس: شتقصد فراس . فراس: باجر تفتهمين كولشي .. نبراس: تركنا وراح واني مااعرف شنو قصدة سئلت رونق اذا كان ايمن كايللها شي بس كالت كولشي متعرف عدة اليوم واني افكر بفراس ثاني يوم رحت للشركة وباشرت بشغلي بس بعد فترة اجى شخص وسلمني ورقة من المحكمة فتحتها لكيت ورقة طلاق غيابي فراس مطلقني صعدت دخلتلة كمت احجي علية واكولة ليش هيج سويت ليش .. فراس : مشرفيني زوجة رجاءأ اطلعي من مكتبي واحترمي نفسج واعرفي اني منو وانتي منو .. نبراس: نقهرت ونزلت كتبت استقالتي وانطيتها السكرتيرة ايمن وطلعت خارج الشركة افتر بسيارتي وابجي مااعرف ليش احس بهذا الانكسار وكفت بمكان فارغ نزلت من السيارة وصرت اعيط بكل ماعندي من قوة لييييييييييييييش ياربي ليش ليش دا احس باالم كلبي ليششششششش 😭😭😭 جنت محتاجة احجي ويا دكتورة مارلين صح كان موعدي وياها بس حسيت لازم اروحلها وفعلا اخذت سيارتي ورحت الها................. ايمن: شفت وين وصلت نفسك ليش بسببك استقالت ومن الصبح ليهسة الساعة ب 10 بليل ونبراس مختفية اذا صار بيها شي مراح اسامحك فراس مراح اسامحك نبراس اختي واللي راح يوكف وياها هوة اني لو آخر يوم بحياتي ....................... ................................ ....................
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اسفة على التاخير بس كولش مشغولة اليوم .................... انتضروني غدا وإحداث مشوقة
