فراس: صارت حياتي ماالها اي معنى بعد مطلعت نبراس من حياتي بيوم اللي رسلت النبراس ورقة الطلاق انصدمت من قدمت استقالتها مجنت متوقع راح تطلع مو بس من حياتي من الشركة هم وبيومها ايمن كال ماكو دا يدورون عليها وماكو تخبلت تركت ايمن وبقيت ادور بالأماكن اللي ممكن تكون بيها تعبت واني ادور بعدين شفتها تحجي ويا مراءة كبيرة بالعمر معرفت بالبداية منو هاي بعدين راحت المراءة وبقت نبراس تتمشى وتبجي احس كلبي نار صار عليها تمنيت اركض واحضنها وأمسح دموعها بس شلون امسحهم واني سبب هاي الدموع من احلى عيون من عيون دائما عشقت النضر الها بقيت اراقبها ومكدرت اتجرء واحجي وياها إلى أن راحت للبيت رجعت البيتي طبعا بيبي مقاطعتني لأن طلقت نبراس ولأن رفضت اسمعها معقولة اني بالغت بردة فعلي اخ اخ كلبي يوجعني ومااعرف شسوي ثاني يوم عرفت انوا المراءة الكانت نبراس تحجي وياها هية دكتورة نفسانية قررت اروح الهادي الدكتورة بعذر اتعالج عدها واعرف عن نبراس طبعا متندم لأن مسمعتها وهسة كبريائي يمنعني اسئل بس بعد متقربت للدكتورة وبعد عدة جلسات عرفتها عن هويتي الحقيقية وكلتلها البنية الاحجيلج عنها هية نفسها نبراس بقت تحجي علية وتعاتبني وكلتلي خسرت جوهرة كان لازم تسمعها تندمت بكد شعر راسي يعني اني هيج غلطت غلط جبير وماادري بنفسي اوووف مااعرف شلون راح اصلح غلطي بعد فترة وغيابها عني طبعا اني طول هاي الفترة اني اباوعلها من بعيد بدون متشوفني والتقت عيونة بحفلة صارت الكل الشركات دخلت بكامل اناقتها وانوثتها انبهر كلمن كان موجود بالحفلة طبعا غيرتي فولت بس كالعادة كبريائي منعني وبين فترة وفترة تلتقي عيونة يااالله شكد مشتاقلها كانت وياي زميلة الية من ايام الدراسة كانت معجبة بية بس كنت ممعبرها بس بعد فترة غياب سنين رجعت المانيا كانت عايشة بغير دولة طلبت تتوضف عندي وظفتها بس صارت تتقربلي اني ممخلي بالي تصرفاتها المهم بيوم الحفلة حسيت ب نبراس ضاجت بس الصدمة الصارت آلية هوة طلب مدير شركتها الزواج بيها تخبلت معرفت شسوي وشلون اتصرف كلت لازم اتصرف رحت للمدير كان الي بي معرفة حجيتلة كولشي وكتلة اني متندم المهم كال اللي اكدر علية اسوي بس هم مرتاح كلبي وحسيت راح اضيع من ايدي رحت البيبي ونزلت على ايدها وراسها بستة وكمت ابجي كلتلها ساعديني ورجعيها الحياتي كالت.
الجدة: اللي اكدر علية اسوي بس الدور كلة عليك ..
فراس : صار بس ساعديني ..
اجى ايمن ورونق وكالوا احنا هم نساعدك لان نبراس تحبك بس متكدر تعترف وحالتها النفسية صايرة زينة ...
نبراس: فكرت هواية بعرض المدير مكدرت اتخيل نفسي ويا شخص غير فراس حتى لو كان اذاني بس مراح اكدر ارتبط وازوج فرفضت عرضة بقيت عادي اداوم بالوظيفة وشغلي كان كل الزين ومرتاحة وجلساتي ويا دكتورة مارلين مسمترة كل اسبوعين مرة اروح وكالتلي انو مااحتاج بعد استشارة طبية لأن حالتي زينة صارت ومرة من المرات سمعنا برونق حامل ومسوية حفلة بالبيت عائلية كنا كولش فرحانين حاولت اعتذر ومااروح بس رونق زعلت وكالت لازم اروح حضرت نفسي وشسورت شعري وميكب خفيف ولبست هذا اللبس 👇
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
ورحت اني وامي كانت الحفلة عائلية وفراس كان موجود والحية صديقتة اعتقد اسمها جانيت كلت ال رونق مو على اساس عائلية هاي شنو ..
رونق :(باابتسامة) فراس عزمها يكول راح تصير من العائلة..
نبراس: طبعا نقهرت كلت الا اضوجة واقهرة سويت نفسي احجي ويا رونق بس سمعتة كتلها اكو موظف وياي يريد يخطبني اعتقد راح اوافق لأن اول وتالي راح ارتبط بشخص 😋..
رجعنا للبيت بعد فترة سمعنا ب رونق حالتها كولش تعبانة بسبب الحمل وطلبت اروح اني وماما يمها ونعتني بيها كلتلها راح اخلي بس ماما تجيج لأن مااريد اشوف فراس كامت تبجي وزعلت كالت ..
رونق : (بكاء مصطنع) اي لو اختج الحقيقية مكان هيج كلتي ومكان همج وجود فراس واجيتي اهي اهي ......
نبراس: لج حقيرة تعرفين انتي اختي وروحي شلون هيج تحجين والله ازعل اذا مرة ثانية هيج كلتي ..
رحت ودست على كرامتي الخاطر رونق رحت وكان التقائي بي قليل صرت اجنب اطلع وهوة موجود حتى مااشوفة وبالليل مااتعشى حتى مااكعد ويا نفس المكان صرت بليل من ينامون انزل مرات اتاذى حيل من اسمع بجانيت جاية بقيت ٣ اشهر يمهم الصبح ماما تعتني بيها من اني بالدوام ومن ارجع اني استلم المهمة مرة من المرات نزلت كالعادة للمطبخ حتى اكل لأن كولش جعت كان الكل نايم نزلت على أطراف أصابعي المطبخ كان اضلم كولشي مااشوف فجاة حسيت ايد سحبتني والثانية تخلت على حلكي تخبلت مااكدر اصيح عبالي حرامي فجاة سمعت صوت صار هواية مسامعتة الله شكد اشتاقيتلة...
فراس: سوت رونق خطة تعبها بسبب الحمل حتى تجبر نبراس تجي واكدر اخليها تحبني بس للاسف صارت تجنب شوفتي صرت الوب اشتاقلها مرات اشوفها من تنزل للمطبخ تاكل لأن متكعد تتعشى ويانا اني متاكد حتى متشوفني فبعد مدة طكت روحي كلت اليوم مامنها مجال لازم احجي وياها واصارحها بكل مشاعري ختلت بالمطبخ شفتها نزلت كنت اكدر اشوفها لأن اكو ضوة خفيف يبينها بس اني ختلت بالضلمة وهمستلها باذنها اششششش لا تفضحنا راح اوخر ايدي من حلكج بس تسمعيني للاخير حسيت بتسارع ضربات كلبها ونفسها يضرب بوجهي عطرها سطرني سحبت خصلة من شعرها اشتميتها كلتلها لو تدرين شكد مشتاقلج مو كافي تكبر ادري بيج تحبيني نضرات عيونج فاضحتج تعرفين بية مااخليج تاخذين غيري فلا تحاولين..
نبراس: منو انت حتى تحجي هشكل وياي وشغلة ثانية اني مااحبك ..
فراس: هههههه بس اني مكلت تحبيني ولنفترض انتي متهتميلي زين كلبج ليش هيج يدك سريع ...
نبراس: حسيت كلبي راد يطلع من مكانة عطرة رجولتة صوتة همستة كولها مااكدر اقاومها دفعتة ونهزمت سمعتة يضحك وراية ركضت للغرفة سديت الباب بقيت اتنفس سريع اوووف منك ياكلبي دومك فاضحني تحب اليهينك بقيت الليل كولة افكر كلت لازم مااسمحلة يسيطر علية اني لازم ابتعد ..........
.....................................................
....................
