بقلمي ..
#الاميره الموسويه 👑
دخلت شمس عليهم والدموع مبلله وجها وحجابها .. بس محجت اي شي بقت بس صافنه وتباوع بالوجوه!!
الكل التفت عليها لما دخلت .. ابو رعد اتفاجأ لان هو خايف عليها وما رادها تجي من البدايه، اولا ميعرف هذولي منو وشرايدين منها؟!
وثانيا ميريدها تسمع شي وتنصدم او تتأذه لان هي رقيقه وضعيفه .. متتحمل!
المهم
غالب .. اول ما شافها بقى مركز بوجها.....!!
هذا الشكل والملامح هذي مو غريبه عليه بس ميعرف وين شايفها؟!!
شمس .. بصوت جامد ومليان غضب وقهر.. شنو معرفتني عمو غالب؟!!!
غالب .. اتفاجأ من كالت عمو!!!
وكف بذهول ممصدك معقوله يكون الي اباله صحيح؟!!
بقى صافن ومصدووم .. انتي بنته لجواد مو؟؟؟؟؟؟
شمس .. حست كلبها انكسر والدموع رجعت اتجمعت بعينها
اي اني بنته لجواد ، بس يا ترى انت منو؟!!
غالب .. والبسمه ملت وجهه .. اني عمج غالب زوج عمتج بتول ، وانتي بنت اخوي وابن عمي جواد ، متعرفين اشكد صار اندور عليكم حتى فقدنا الامل انتو عايشين، بس الحمدلله لكيتكم وبعد مستحيل انضيعكم ، انتو ريحة الغالي جواد.
شمس .. ابتسمت بألم نبرة الحزن والانكسار واضحه بصوتها ...
ريحة الغالي؟!!!!
وبنت اخوك؟!!!
ومستحيل تضيعنا؟!!!
هه .. هذا يا غالي الي تحجي عليه؟؟
قصدك ابويه جواد؟!!
الي حاربتو كل هذي السنين وتبريتو منه؟!!
ويا اخ الي دتحجي عنه؟!!
قصدك ابويه الي اختفى صار سنين وانتو متعرفون عنه اي شي؟!!
وهذي يا ريحة الغالي الي جاي تسأل عليها؟!!
قصدك اني و اخواني الي مات والي هاجر؟!!
وهسه جاي بكل بساطه اتكولي عمج؟!!!!!!!!!!!!!!!!!
غالب انصدم من سمع كلامها .. شنو جواد مختفي ومنو الي مات و هاجر!!
شمس .. ودموعها تجري .. شنو اتفاجأت من كلامي؟!
حقك تتفاجأ ، وحقك تنصدم ، بس الي مو من حقك انك بعد كل هاي السنين وبعد كل الي شفنا وعشنا بسببكم .. تجي و تكول اني عمج!
والي مو من حقك انك بعد كل الي سويتو بأبويه تجي و اتكول عن بابا اخوك ، وعن زوجتك عمتي!
غالب .. دنك راسه ومعرف شنو يجاوبها .. وابو رعد وابو احمد انقهرو على حال شمس حتى عيونهم دمعت!!
شمس .. اني ما عندي اي اهل ولا عمام .. اهلي الوحيدين الي اعرفهم هم بيت ابو رعد .. الرجال الغريب الي فتحلي بيته وكلبه هو وزوجته وأبو احمد الي ساعدني ووكف وياي!
الاهل هم الي يوكفولك بأصعب الظروف مو الي يتبرون منك!
غالب .. انقهر هواي من كلامها .. وبصوت هادئ ديحاول يوضح الامور .. بنتي انتي حقج وشنو تكولين وتحجين حقج بس انتي الظاهر متعرفين الحقيقه!!
أنت تقرأ
انتقام الحب
Romanceبقلمي الاميره الموسويه.. قصة فتاة يتيمه ظلمتها الدنيا واقرب من تحب فتقرر ان تنتقم ولكن عن طريق الحب ?
