فراس : رفضت نبراس الرجوع آلية ميئست كلت بعد احاول وبقيت اتبعها واحاول ألفت انتباهة ...
نبراس: كان كلبي فرحان بسوالف وحركات فراس بس ماابين كنت وين ماارروح يلحكني اطلع من الشركة الكاة واكف منتضرني ويتبعني بسيارتة لما ادخل البيت مرة رجعت للبيت ومكان واكف منتضرني باب الشركة استغربت كلت يجوز مل ورجع رجعت دخلت العمارة لكيت الأرض كولها ورد احمر الدرج وكان فوك بين باب شقتي وباب شقة فراس كولها ورد وفراس واكف بااحلى طلة كتلة ها شكو هاي سالفة جديدة ..
فراس: من يراكي ياحبيبتي يفعل المستحيل فكل شي مسموح في الحب والحرب احبكي ياملاكي احبكي يااغلى مااملك نبراس احبج والله والله احبجججججججججج احبججججججججججج ياناس ياعالم احبها احبهاااااااااااااااااااااااا ......
نبراس: كافي فضحتنة بطل هاي السوالف فراس متمشي وياي وانسى حبك اجى متاخر واتمنى ترجع البيتك وشغلك... انداريت على شقتي ردت ادخل كال .
فراس: نبراس والله احبج وندمان على كولشي ليش هيج تسوين بية جربيني ونبدي علاقة وبخلال فترة علاقتنا جربيني واحكمي وبعد الج الحق بالرفض أو القبول بس جربي ...
نبراس : تركتة ونزلت طلعت من العمارة صرت أتمشى كلبي فرحان بموقفة وعقلي رافض يكول ميتغير يريد بس يملكج لأن كدرتي تخطين كولشي وكفت بحديقة وصرت اصيح كاااااااااااااااااافي تتحكمون بية كاااااااااافي شسوي اتغلب على كلبي لو امشي ورى عقلي شسوي بقيت ابجي واصيح كعدت بالكاع واني اجهش بالبجي حسيت ايد تخلت على كتفي مسحت دموعي باوعت هذا فراس كال ..
فراس: اني اسف نبراس لأن اذيتج وبجيتج وراح اطلع من حياتج مثل متريدين ويجوز اختفي من الوجود بس لا تبجين ادموعج اغلى من روحي والله احبج حبيتج أكثر من محبيت بت عمي حسيت انتي اول حب بحياتي راح اخلي هذا الحب بكلبي ومراح انساج ومستحيل تجي وحدة غيرج تستحل مكانج مع السلامة يا ارق واغلى انسانة بحياتي احبج ..
نبراس: زاد بجي من سمعت كلام فراس وحسيت كلبي كام يوجعني كام يمشي واباوع على خطواتة ابتعد فجاة سمعت صوت يمي اباوع شباب عددهم خمسة ...
الشاب ١: ماالامر ياجميلة هل حبيبك تركك لا بئس تعالي معنا وسوف تستمتعين
نبراس : اباوع بعيد فراس وذولة صارو يتقربون اتذكرت منير وتخيلت راح يسون مثلة صحت بكل مااملك من قوة فررررررررررررراااااااااااااااااااااااااااااااس الحكلي فراااااااااااااااااااااس ابجي واصيح اجى شاب ثاني تقرب كال ياجميلة لن يسمعك شخص ولن ينقذكي شخص سوف نستمتع اليوم بكي اليس كذالك يا شباب وصاروا يضحكون اني ابجي ومخلية راسي بين رجلية وحاضنة رجلية فجاة وكع اول شاب اباوع هذا فراس لازم حديدة بيدة ويتعارك التفوا حول فراس الشباب وهجموا علية كان سبع وقوي بس واحد منهم غدرة من ورى وضربة براسة الثاني طلع سكينة وضربة بطنة صرت اصيح وابجي ساعدونا ياناس ياعالم والحمدلله كان الحض ويانا وفاتت دورية شرطة وأخذوا الشباب واتصلوا بالاسعاف كان فراس ينزف من راسة وبطنة وحلكة تخبلت صرت ابجي كتلة ليش هيج الله يخليك لا تعوفني..
فراس: ( يحجي بثقل وكوة يطلع الكلمة ) مو متريديني وتريدن اطلع من حياتج خلص هاي راح اطلع وبعد متشوفني بس صدكيني حبيتج واموت عليج ..
نبراس: لا الله يخليك لا تعوفني اني هم احبك والله احبك بس كابرت وغروري سيطر علية فراس لا تعوفني احبك 😭😭😭😭😭😭
فراس أبتسم وفقد الوعي كمت ابجي واصيح فراس لا تموت لا تعوفني انت هم وصلت الإسعاف ونقلوا للمستشفى ودخلوا عمليات اني ابجي وادعي ياربي لا تخلي يعوفني مثل البقية طبعا اتصلت باايمن وكتلة على فراس والصار بي وبعد انتضار ساعتين طلع من العمليات وكان مبنجي والحمدلله مكان اكو خطر بس فطر بالجمجمة ويتعالج مع مرور والوكت وعملية بطنة المهم وصل ايمن ولكاني بحالة ماانحسد عليها حضني وكام يمسح على راسي وكال لا تخافين راح يصير زين بعد ساعة من خروجة من العمليات صحة دخلنالة اني وأيمن هوة يباوعلي ويبتسم اني كولش خجلانة اذكرت اعترافي اله هوة يحجي ويا ايمن ويباوعلي ايمن يباوع علينا ويضحك عافنا وطلع ردت اطلع صاحني فراس
فراس: نبراس لا اطلعين اريدج بس كوليلي صحيح السمعتة قبل لا اغيب عن الوعي ..
نبراس: خجلت وحسيت خدودي صارت نار كتلة مو وكت هذا الحجي من تصير زين نحجي بكولشي..
بقى فراس ثلاث ايام بالمستشفى بعدها طلعتة الشقتي ايمن رجع بعد مااطمئن على فراس اخذت فراس وخليتة بالغرفة على السرير وصرت أهتم بي بااكلة وعلاجة وهوة بس يبتسلمي ومرات احس يتقصد يلزم ايدي من انطي شي ومرات يسحبها يبوسها ...
فراس : اهتمت بية نبراس وجنت اشوف الخوف والحب بعيونها وكل مااذكر اعترافها آلية افرح صرت اتقربلها وحالتي صارت زينة ..
نبراس : رحت اني وفراس للمستشفى حتى يشيل الضماد مال بطنة دخلت وياة مكنت اريد ادخل بس فراس كال الله يخليج احتاجج جوة وياي دخلت والدكتور طلب انزعة قميصة ياربي صح اني اللي البسة القميص لأن ميكدر بس كولش استحي هوة يبتسم ابتسامة مكر كل مرة المهم تزعتة يااالله على هذا الجسم والعضلات شلون يخبل هوة ابتسم من شافني صافنة علية درت وجهي وكمل الدكتور وكان متعجب من شفاء فراس بهسرعة رجعنا للبيت اول مدخلنة سحبني فراس وحصرني على الحايط قرب راسة على اذني صار يهمس..
فراس: مو كافي شوكت يحن كلبج علية مو كلبي خلص ...
نبراس: خلص فراس لا تحرجني ..
طبعا مجنت اكدر احجي بسبب قربة آلية وجسمة الحاصر جسمي بي ونفسة اللي يضرب بركبتي
حسيتة باس ركبتي صارت قشعريرة بجسمي نوب باس خدودي اثنينهم حسيت راح يتقرب على شفتي خليت ايدي على حلكة كتلة مو هسة من نزوج ..
فراس: مصدكت من كالت من نزوج يعني وافقتي شكد فرحت شلتها وصرت افتر بيها هية تضحك وحاضنة ركبتي كتلها هسة نروح نعقد ..
نبراس: هسة شلون اني مجنت اعرف هشي ..
فراس: ههههههه ولا اني اعرف صدكيني بس اعقد ومراح المسج إلى أن نرجع البيتنا وهناك من توافقين يلة المسج ....
نبراس: وافقت وغيرت ملابسي لبست تنورة قصيرة جوة الركبة اوف وايت حصر وقميص مقفل احمر وكعب احمر وميكب خفيف طلعت فراس كال ..
فراس: ياربي شنو هاي غيرت رائي والاتفاق الغي وانتي السبب ههههههه
نبراس:(بدلع) فراس لا تسوي هيج ههه
فراس : اشتعل فراس وأهل فراس يلة يابة امشي راح نتاخر والله يصبرني هههههه..
نبراس: رحنا وعقدنا طلعنا مطعم تعشينا رجعنا للبيت خابرنا اهلنا وكلنالهم وشتغلت الهلاهل والضحك والسوالف ...
ايمن: اي عمي منو كدك بس مرة ثانية اذا تسون هشي الزمكم احبسكم بغرفة واقفل الباب عليكم هههههههه ...
رونق والجدة وام رونق : الف مبروك ياعمري تستاهلون كل خير ...
الجدة : يلة لازم ترجعون واريد حفيد ..
فراس ونبراس : واحد يباوع بوجه الثاني ويبتسمون ..
رونق: هي نحن هنا نبراس ولاتي الاسبوع القادم لازم تجين توكفين وياي ..
نبراس: خلص حبي تدللين باجر اخلص كل اموري بالشركة وبعد باجر نجي ..
غلقنا التليفون وكال فراس..
فراس: نبراس الشركة استقيلي منها وارجعي الشغلج ..
نبراس: شغلي راح ارجعة هناك بس مو الشركتك نفس الشركة ..
فراس: نبراس حبيبي لا تحركين كلبي وغيرتي نار اعرف المدير كان مخلي عينة عليج ...
نبراس: اوك حبي افكر هسة خلي انام ..
فراس: لحضة لحضة شنو شكلتي هسة ..
نبراس: باابتسامة يلة خلي انام كلت ..
فراس: لا لا القبلها
نبراس: افكر كلت
فراس: نبراس بطلي هاي السوالف وعيديها بداعتي ..
نبراس: وهية تخلي ايدها حول رقبة فراس اعيدها بس مو اليوم لأن مااضمنك بعدين اكولها يلة خلي اروح رحت سبحت ولبست برمودة واجيت ردت انام دخل فراس كتلة ها وين ..
فراس: شنو وين زوجتي هنا لازم اكون يمها ..
نبراس: فراس احنا شكلنا ههه
فراس: والله مااسوي شي بس احضنك وانام ..
نبراس: حاوطني فراس بين ادي وكان احلى شعور حسيتة بحياتي ونمت الصبح صفيت كل اموري بالشركة وقدمت استقالتي لأن مااريد مشاكل بعد بيني وبين فراس طلعت لكيتة خطية واكف متكتف يم السيارة ركضت حضنتة ورجعنا للبيت حضرت نفسي سبحت وشسورت ولبست بدلة نوم احمر فاضحة أكثر ماتستر وخليت مكياج طلعت لكيتة كاعد على القنفة بالصالة يباوع تلفزيون شافني بقى صافن رحت كعدت بحضنة وبستة بخدة هوة بادلني باسني من شفتي وبركبتي وبقي يأكل بشفايفي وايدي محاوطة رقبتة بعدين شالني ودخل الغرفة النوم وكان احلى يوم بحياتي وصرت زوجة الإنسان الكلبي حبة . رجعنا للبيت والكل كان فرحان بينا ورونق ولدت وجابت ولد سمتة علي على اسم اخوها واني وفراس كولش سعداء ميخلي فرصة ميغازلني بيها حتى كدام اهلنا ميبالي ودائما يخطفني للغرفة ونروح بغير عالم بعيد عن كل الناس
.............
بعد مرور ٥ سنوات
سيلين: ماما تعاي ثوفي بابا ميحبج يحبني اني اكثر ..
نبراس: ههههههه صدوك ...
اغمز ال فراس واكولة يعني متحبني هههه
فراس: الام والبنت الله يصبرني ههههه
بابا سيلين روحي يم خالة رونق تريدج .
سيلين: اي رايحة ..
فراس: شو تعاي خلي اشوفج حبي 💏💏💏💏 ..
هاي حياتي كولها حب ودلال وعشق صح مخلت من المشاكل بس حبنة يكبر بعد كل مشكلة
وحاليا دا انتضر المولود الثاني ورونق صار بعد عدها احمد والجدة وامي مكيفين بااحفادهم وأيمن هم يعشق رونق وهم حياتهم مثلنا حب وغزل وضحك وكولناعايشين سوية ......
............................................
......................النهاية ..............
اتمنى ان تنال اعجابكم
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
