حب الطوائف

البارت السادس عشر

وصار الظهر گعد بابا وتغدينا كولنا انوب ورة نص خابرني وميض
وميض:هلووو حب
زهراء:هلوات قلبي
وميض:حياتي اتحضروا بعد ساعة ونوصل لكربلاء
زهراء:هلة بيكم
وميض:يلا عسل الطريق شوية طويل فراح انام لهذا راح اسد هسة
زهراء:براحتك باي وميض
وميض:باي حبيبتي
وسدينا الخط
رحت بدلت لبست فستان نيلي وبيه شريط احمر والفستان طويل وردان وشال احمر ذبيته ذب يشبه التركي تقريبا. طبعا لبست هيج لان بس يطلبون ايدي ونقرة الفاتحة مو عقد رسمي المهم حطيت ميكب وسمعنا دگة الباب وراح علي يفتح واني وبنين نباوع من فوگ وشفت وميض طالع يموووت بالقاط ومبين فرحان خطية شباكنا مظلل فااحنا نشوفهم وهمة ميشوفونا  واجة وياهم رجال جبير اعتقد ابوه وكم رجال اعمامه عالاغلب  ومرة جبيرة امه يمكن وبنية يطلع عمرها 16او17هيج يعني يمكن ازغر من بنين بسنة بنين عمرها 18 فيمكن اكبر من هاي البنية بسنة فسلم عليهم ابويه وعلي ودخلوا الاستقبال وبالصالة اجن المرة وبنتها وسلمت عليهم ماما وبنين ومبينات حبابات واني ظليت بالمطبخ و ورة شوية اجتني بنين
بنين:زوزة ماما تگول جيبي العصير والكيك
زهراء:استحي
بنين:هسة صرتي تستحين هااا 😈
زهراء:انجبي ولج
بنين:يلا عيني عمتج وحماتج منتظراتج
زهراء:😶😶
واخذت الصينية ورحت سلمت
ام وميض:اللهم صل على محمد وال محمد صلوات عالنبي تخبببل حقه وميض يتخبل عليج
زهراء:تسلمين خالة
نور:هلة بمرت اخويه اني نور اخت وميض
زهراء:هلة بيج ياروحي اني زهراء
نور:تشرفت بمعرفتج
زهراء:الشرف الي حبيبتي اتفضلو ليش واگفين تفضلوا اشربوا اكلوا
ورة شوية اجة علي للمطبخ وصاحنا
رحنا وگال طلبوا ايدي وبابا وافقوا فهسة راح يجون الزلم حتى نقرة الفاتحة يعني كولها تروح نبقى بس اني وامي وام وميض
گعدنا واجو سلموا دخل وميض غمزلي
زهراء:😶
وقرينا الفاتحة واشتغلت الهلاهل
ورة شوية
ابو وميض:عيني شوكت تردون تعقدون
وميض:اني اريد هذا الخميس اليوم جمعة الخميس الجاي يعني
ابو وميض:ها عمو موافقة
زهراء:يي بكيفكم 😶
واتفقنا والعرس ورة هاي السنة حتى اني صايرة مرحلة ثالثة وهو صاير مرحلة رابعة واصلا هو هسة يشتغل وية ابوه بشركة مال سياحة يعني نظل سنة مخطوبين واحنا ميتين من الفرحة وورة شوية راحوا راح يبقون لباجر بكربلاء وباجر يرحون لبغداد لان الوقت اتاخر
وصار وقت العشا
گعدنا اني وبنين نسوي العشا سوينا لحم بعجين وودينا علي يجيب بيبسي. وكملنا الصينية واجة علي وفرشنا السفرة وگعدنا ناكل
بنين:ياشعب اريد اگول شي
ابو علي:ها بابا گولي
بنين:ترة مو تنسوني باجر تنشر نتائجي عالنت
علي:ها يي همزين گتيلي حتى اگول لصديقي يطلعها
زهراء:يارررب معدل عالي
ام علي:لاتخافين ماما انتي شاطرة اكيد معدل عالي ان شاء الله
بنين:يي هيج دللوني
الكل:ههههههههههههههههه 😂😂😂😂😂
وخلصنا عشا وبنين عليها اليوم الاماعين
ورحت لغرفتي
فتحت التلفيزيون الي بغرفتي
وورة شوية دگ موبايلي رديت
وميض:هلووو حبيبتي
زهراء:هلوات گلبي
وميض:اخخخ اخييييرا اخيييرا اگدر اگول مرتي
زهراء:ههههه لسة بعد
وميض:شكد تحبين توقفين الامال
زهراء:ههههههه 😌
وظلينا نحجي لمدرة 45دقيقة
ونعسنا فسدينا الفون ونمنا
وصار الصبح كان يوم سبت گعدت انظف اجاني واهس وماادري ليش گعدت اغني الدنيا ربيع والجو بديع وانوب اجة علي
علي:صباح الخير
زهراء:صباح الورد
علي اجة گعد عالطاولة الي بالمطبخ
علي:شششنو بس بس انتي گاعدة
زهراء كنت امسح بالكاونتر ودايرة وجهي
زهراء:يي كولها نايمة
علي:ي ي يعني راح تتزوجين؟
زهراء:شكله هيج،،،،،ااا راح اسويلك ريوك
علي:تعاي اگعدي هنا يمي
زهراء:ي ي يمك
علي:شبيج تتلعثمين قابل اكلج؟
زهراء:لل لا اجيت اجيت
وگعد يمه
علي:صارت هواي خلافات بينا بالاونة الاخير
زهراء:يي 🙁
علي:وتعاركنا هواي
زهراء:يي 🙁
علي:وضربتج هواي
زهراء:يي 😔
علي:وانتي هم رفعتي صوتج علية
زهراء:يي 😔
علي:وغلطتي علية هواي بالرغم من انو اني اخوج الجبير
زهراء:علي كافي حباب دتاأذيني بكلامك
علي:خليني اكمل كلامي
زهراء:ماشي 😐
علي:وبابا تعرض لغيبوبة بسببنا
زهراء:اخخ يي
علي:وهواي مشاكل ظلت بيناتنا
زهراء:يي
علي:وهواي گتيلي حيوان وظليتي تصيحين علية مو
زهراء:اني، ،
علي:بس انتي تظلين اختي الصغيرة والاحبها واخاف عليها وتظل تغلط واني اصلح وراها
زهراء:😭😢
علي:ليش تبجين زهراء
زهراء:اني ،،،،
علي:اني اسف على الي سويته بيج وعلى صياحي عليج وضربي الج
زهراء:واني اسفة على كلامي وياك وقلة ادبي
علي:اخخخ شسوي زعطوطة
زهراء:وللك شو عشت الدور
علي:هههههههه دتعاي تعاي خل احضنج مشتاقلج ولج
زهراء:😭
وحضني علي صدك حلو يكون عندك اخ اكبر منك تحس عندك حزام ظهر وسند شكد حلو هالشعور
بنين:الله يثخن اللبن
علي: 😂
زهراء:😜على عنادج
بنين:علي صيح بيها
علي:شسوي تتكاتلون علية تعالن اثنينجن
زهراء وبنين:تباا للتواضع 😂😂
علي:😌
وحظنا اثنينا
بنين:عاااااا اليوم نتائجي
علي:وبرص صوجي اني شابكجن اذني راحت من صياحج
زهراء:ياااا يي يلا علوش طلع النتائج
بنين:لااوكفوا خل احضر معنوياتي
علي:دالصمي خل اطلعها
وفتح اللاب توب
وطلع النتائج
علي:بنين ،،،،، مدرسة،،،،،
بنين:😰😰
زهراء:😰
ام زهراء وابو زهراء:ها شبيكم مصدومين شكو
زهراء:نتائج بنين
ابو زهراء:هااا ان شاء الله خير
ام زهراء:يلا ماما لتخافين
علي:هاي
بنين:شكددد
علي:طييييح الله حظج على هالدرجة لعد شقارية
بنين:يمةةةةة 😭😭عرفت الكيمياء مو زينة گلبي كان حاسسني
زهراء:اهدي حبيبتي، ،،علي شكد
علي:عفية بالشطورة 93
بنين:هاااا؟ 😱
علي:يي شبيج والكيميا ماخذة بيها 91
زهراء:الف مبرووووك
الكل:مبروووك
بنين:يااااايي خلصت من السادس
وفرحنا لبنين وانوب سوينا الريوك اني وبنين وقررنا نروح لبغداد الثلاثاء علمود بنبونة حبيبة گلبي تريد تروح لبغداد
بس ماگلت لوميض ردت اخليها مفاجئة حتى اشوفه
ستووووب خلص البارت شنو رئيكم بهل البارت حلو لو لا البارتات الجاي راح تكون مشوقة كولش وراح تحبوها 😉تفاعلو حتى انزل البارت الجاي عود گولوا البارت قصير 822كلمة