انتقام الحب

21

بقلمي ..

#الاميره الموسويه 👑

.....

بعد ما سمعت شمس كلام بتول معرفت شنو تسوي حتى الكلام ضاع من عدها...!!

معقوله بعد كل هذي السنين والعذاب الي عاشته هي وامها واخوانها كان بسبب حب ابوها لهذي الكرديه؟!!!

بقت بس تبجي ، حست بالذنب لان اتهمت عمتها وجدها انو هم الي تبروا من ابوها وخجلت هواي من الي كالته لغالب كدام ابو رعد والناس الي كاعدين!

حضنتها بتول وضلت تسكت بيها .. شمس هم حضنت بتول وبقت تبجييييي!!

بجت الى ان هدئت اشويه..

بتول .. اني كولتلج الحقيقه كولها وعرفتي كولشي!
هسه انتي اجه دورج حتى تحجيلي شنو الي صار وياكم .. ابوج وين ، امج ، اخوانج وهذا الطفل ابن منو؟!!!!

شمس .. راح احجيلج كولشي بس بالاول اريد منج شي ولازم توعديني انو تساعديني بي؟!!!

بتول .. اعتبري صاير اني ما صدكت لكيتكم اشلون مااساعدج!!

شمس .. ماشي اسمعي لعد ............... حجت شمس كل الي صار وياها من اول ما كانت صغيره وابوها وامها يتعاركون الى هذي اللحظه!!

اشون ابوها اختفى ، امها تمرضت وماتت ، اخوها سيف عافهم وسافر ، زواج مهند من هند واشون عذبتها ، اشون انتحر وقتل زوجته وعافها بس هي وعبدالله، الى ان وصلت ل................... زواجها من ارشد!!!!!!!!!!!!!!!!!!

بتول .. بقت بس تبجي شمس تحجي وهي تبجي بحركه  ممصدكه الي دتسمعه معقوله اخوها جواد ماااات 💔
تمنت تشوفه لو بس لحظه وحده بحياتها .. وسعاد ماتت اشكد تعذبت بحياتها من جواد ومع ذلك متحملت بعده وماتت ورا 💔؟!!
وجهال اخوها اشلون اتطشرو 💔؟!!

بقت تشهك من البجي .... بس الي صدمها اكثر شي انو شمس متزوجه؟!!!!!!!!!

بتول ... من بين شهكاتها صفنت وعيونها صارت حمره من البجي خنزرت ع شمس ... شنوووووو متزوجه؟!!!!
اشلووون واشوكت ومن منو؟!!!!

شمس .. شافت عمتها عصبت وملامحها بدت تتغير وسيطر عليها الغضب .. خافت منها دنكت راسها وبصوت ناصي كالت ... متزوجه وعندي طفله

بتول .. بعصبيه وصوت عالي شدتحجين انتي شنوووو عندج طفل؟!!
فهميني منو هذا الي تزوجتي و وينه ليش لكيناج عند العالم الغربه اذا متزوجه؟!! واشوكت لحكتي تخلفين اذا اخوج مصارله سنه من مات؟!!

بتول تربت على عادت وتقاليد ابوها الشيخ ومجتمعهم الريفي .. صح هي مثقفه واسلوبها راقي وعيشتهم زينه مو مثل العرب بس تبقى التقاليد والاعراف الها مكانها عدهم وشرف البنيه وسترها اهم من كولشي حتى اهم من الروح!!
لذلك خافت واحد ضاحك على بنت اخوها وغلطان وياها..... فعصبت حيل.