مرت الايام خلصنا المرحلة الثالثة دلال تزوجت وسافرت وية زوجها للسويد تكمل دراستها اهناك مارلين بقت مخطوبة لحد متكمل المرحلة الرابعة ريهام انخطبت متحمل مروان يخطبها بعد تخرجهم نجحنا للمرحلة الرابعة امير تخرج خلصت العطلة بين الفرحانة والمتوترة بين الحزينة والمتحمسة خايفة من قصتي وية امير ظليت افكر وين راح اوصل وشراح اكدر احقق
بيني وبين امير رسائل واتصالات قليلة مرت العطلة كل يوم يشبه اليوم القبلة لحد ما خلصت العطلة وبدة الدوام حسيت بصعوبة المرحلة الرابعة جان التشدد اكثر من اي مرحلة مرت علينا بس ممهتمة مستواية زين حسينا بفراغ بكروبنا دلال ماكو ريهام التهت بمروان ومارلين كذلك كعداتنا سوالفنا قليلة المهم يوم من الايام اقترح علية امير...
امير: اتصلت ع غرام باليل سوالف مثل كل مرة طلبت منها باجر تضرب الدوام ونطلع.. الو حبيبي شلونج
غرام: هلو بيك كلبي . الحمد لله
امير: حبي مشتاقلج اريد اشوفج
غرام: اي تعال باجر للكلية وعود نتشاوف اني هم مشتاقة لشوفتك
امير: ماريد بالكلية اريد اشوفج بمكان هادئ
نكعد نسولف ع راحتنا خارج ضجة الكلية
غرام: ماكدر امير اخاف احد يشوفنا
امير: اوووووو ضلمتيها علية ماريد بطلت
غرام: اوكي بس شلون نطلع اخاف اتأخر
امير: لتداومين كبل اجي عليج اوكفلج بمكان ونطلع شتكولين
غرام: والله يا امير صعبة علية ماعرف شكولك الله اليستر
امير: ها شكلتي انطيني كلمة من الاخير
غرام: ماشي بس شلون اذا احد شافنا
امير: لتخافين محد يشوفنا
غرام: ماشي عود دك علية قبل متجي بس صدك امجد شراح اكولة
امير: كليلة راح اروح وية صديقاتي
غرام: ماشي . يلة حبيبي اني نعست باجر نلتقي
امير: يلة حبيبي روحي نامي تصبحين ع خير
غرام: وانت من اهل الخير
.... صار ثاني يوم الصبح حضرت نفسي بس خايفة كلبي مقبوض دك علية امير تمشيت شوية للشارع شفتة باوعت يمنى يسرى صعدت بالسيارة سلمت ع امير طلعنا وصلنا دخلنا مطعم بالكرادة كعدنا سوالف عادية نزللنا امير ريوك....
امير: شبيج حبي شو متاكلين
غرام: امير خايفة خاف احد يشوفنا خلي نخلص ريوك ونطلع هاي ثاني مرة اكذب ع اهلي بسببك
امير: لج مشتاقلج غيرج وحدة تظل تتغزل بية مشايفتني صار شهر بس انتي مدري شبيج اليوم مو ع بعضج
