القصه من تأليفي و ليست حقيقيه
انا اسمي طلال عمري 20 سنه مااحب سوالف الحب و كل شي يخص الحب كرهت الحب ماابي احد... ماقمت اثق بأحد ماقمت احب بسرعه خل اقولكم ليش كرهت الحب و ليش ماقمت اثق بأحد
__________________________
_______________
كنت توني ماسك فوني ولا اشوف رفيجي عبدالله مكلمني بالواتس اب رحت و دقيت عليه لانه يبيني بسالفه
طلال:الو
عبدالله:طلال اللحقق
طلال:شفيك شالسالفه
عبدالله:لقيت لك خوش وحده
طلال:احللف
عبدالله:والله
طلال:وين لقيتها
كنت مستانس كان ودي اصير نفس ربعي الي يرقمون و يكلمون اخيرا بصير نفسهم
عبدالله:بالانستقرام
طلال:بالانستقرام بالجريده المهم بنت بس شلون عرفتها
عبدالله:دخلت عليها بالكيك و قالتلي ودي ارتبط بواحد و ظبطتك معاها
طلال:كفو والله هذا رفيجي مو حمد الي اقوله ظبطني و يسحب علي
عبدالله:هههههههههه يلا الحين ادزلك الكيك مالها و كلمها
طلال:اوكي
سديته و كنت طاير من الفرحه
دخلت على عبدالله و خذيت اسمها و ضفتها
طلال:سلام عليكم
....:وعليكم السلام
طلال:انا طلال رفيج عبدالله
....:هلاااا ابوووي
كنت متوتر لانه اول مره اكلم بنت
طلال:هلا فيج :)
.....:شلونك
طلال:تمام و انتي
....:تمام حبيبي
انصدمت من كلمه حبيبي مسرع حبتني بسم الله مامدااج
طلال:دوم
....:وياك
قمت اكلمها ايام و الايام صارت اسابيع و اشهر تعلقت فيها ماقدرت اوخر عنها صارت كل شي بالنسبه لي قمت اقوم و انام على صوتها بس فجأ وصلتلي اضافه على البي بي قبلتها
طلال:منو
هنوف:سلام عليكم
طلال:وعليكم السلام
هنوف:معاي طلال؟؟
طلال:اي طلال خير في شي
هنوف:خذيت بنك من اوراد
اوراد اهي الي اكلمها و تعلقت فيها
طلال:اي هلا اختي
هنوف:مادري من وين ابدا بس
خفت من كلامها
طلال:صاير شي؟
هنوف:ترى اوراد كانت تلعب عليك و كانت تحب واحد اسمه مشاري و كانت تكلمك عشان يغار و اليوم عرسها اهي و مشاري
انصدمت حيل ماصدقت الي قالته
طلال:اقول ذلفي شنو عرسها اليوم
هنوف:اوك تعرف صاله....بمنطقه....
طلال:اي
هنوف:تعال و شوفها
كنت شايف اوراد
كنت اعرفها
كنت اعرف صوتها
رحت العرس و كنت اتمنى انه هذا مقلب بس للأسف ماكان مقلب وصلت الصاله و لقيت اوراد لابسه ابيض و يمها مشاري لابس البشت و ماسك ايدها و يبتسمون و ركبو اللوموزين
رديت سيارتي و بجيت حيييييييييل كان ودي اموت ولا شفت الي شفته كان ودي يصيرلي حادث و انا رايح الصاله ولا اشوف اوراد الي وثقت فيها الي حبيتها من قلبي الي ولا مره جذبت عليها قعدت شهر احاول انسه اوراد ماقمت اوثق بأحد ماقمت احب احد محد يستاهل احبه محد كفو انه اعشقه كرهت الحب كرهت الناس كرهت كل شي
و بس هذي قصه طلال الي خله عبدالله يظبطه و لما ظبطه حبها و لما حبها لعبت عليه و لما لعبت عليه صدمته بزواجها و لما صدمته بزواجها ماقام يوثق باحد
instagram:raghad_story
kik:d_r_story
